4வது ஒரு நாள் போட்டி: தொடரை வென்றது இங்கிலாந்து

**சிவா** · **சிவா** Mon Sep 12, 2011 1:24 am

லண்டன்: லார்ட்ஸ் மைதானத்தில் இந்தியா இங்கிலாந்து அணிகள் மோதிய 4வது போட்டி டையில் முடிந்தது. இந்த போட்டியில் டாஸ் வென்ற இங்கிலாந்து அணி முதலில் பீல்டிங் செய்ய முடிவு செய்தது. இதனையடுத்து களமிறங்கிய இந்திய அணி 50 ஓவர்களில் 5 விக்கெட் இழப்பிற்கு 280 ரன்கள் எடுத்துள்ளது. இந்திய அணி சார்பில் அதிகபட்சமாக கேப்டன் தோனி 78 ரன்களும், ரெய்னா 84 ரன்களும் எடுத்தனர். பார்த்தீவ் பட்டேல் 27 ரன்களுக்கும், ரகானே 38 ரன்களும், டிராவிட் 19 ரன்களும், விராத் கோலி 16 ரன்களும் எடுத்தனர்.

இங்கிலாந்து அணி சார்பில் சுவான் மற்றும் பிராட் ஆகியோர் தலா 2 விக்கெட்களை வீழ்த்தினர். இதன் மூலம் இங்கிலாந்து அணி வெற்றி பெற இந்திய அணி 281 ரன்கள் இலக்காக நிர்ணயித்தது. இதன்பின்னர் களமிறங்கிய இங்கிலாந்து அணி 48.5ஓவரில் 8விக்கெட் இழப்பிற்கு 270 ரன்கள் எடுத்துள்ள நிலையில் மழை குறுக்கிட்டதால் ஆட்டம் மீண்டும் பாதிக்கப்பட்டு டக்வொர்த் லூயிஸ் முறையில் ஆட்டம் டையில் முடிந்தது. இந்நிலையில் ஏற்கனவே 2 ஒருநாள் போட்டிகளில் வென்றதன் மூலம் ‌ஒருநாள் தொடரை வென்றது. இங்கிலாந்து வீரர் போபரா அதிகபட்சமாக 96 ரன் ‌எடுத்தார்.