7ம் அறிவு படத்தில் 10 நிமிட காட்சிக்காக ஸி10 கோடி செலவு : இயக்குனர் முருகதாஸ் தகவல்

சித்தூர்: ‘‘நடிகர் சூர்யா நடித்து வெளியாக உள்ள ‘7ம் அறிவு’ படத்தின்
முதல் 10 நிமிட காட்சிக்காக மட்டும் ஸி10 கோடி செலவு செய்யப்பட்டுள்ளதுÕ’
என படத்தின் இயக்குனர் முருகதாஸ் கூறினார். இயக்குனர் முருகதாஸ்
இயக்கத்தில் நடிகர் சூர்யா, ஸ்ருதிஹாசன் நடித்து வெளிவர இருக்கும் 7ம்
அறிவு திரைப்படம் Ôசெவன்த் சென்ஸ்Õ என்ற பெயரில் தெலுங்கில் ரீமேக்
செய்யப்படுகிறது. இதன் லோகோ வெளியீட்டு விழா ஐதராபாத்தில் உள்ள ஒரு
நட்சத்திர ஓட்டலில் நேற்று முன்தினம் இரவு நடந்தது. அதில் இயக்குனர்
முருகதாஸ் பேசுகையில் கூறியதாவது: இந்த திரைப்படம் கஜினியை விட சிறந்ததாக
அமைய வேண்டும் என கடந்த 8 மாதங்களாக கடுமையாக உழைக்க வேண்டியிருந்தது. இந்த
உலகத்துக்கு நாம் என்ன கொடுத்தோம், என்ன கொடுக்க மறந்து விட்டோம் என்ற
கருவே Ô7ம் அறிவுÕ படமாக உருவாக்கப்பட்டது. படத்தில் வரும் முதல் 10 நிமிட
காட்சிகளுக்காக மட்டும் ஸி10 கோடி செலவு செய்யப்பட்டுள்ளது. படத்தில் வரும்
குங்பூ காட்சிகள் ரசிகர்களை மிகவும் கவரும். இவ்வாறு அவர் கூறினார்.
நடிகர் சூர்யா கூறுகையில், ‘‘கஜினி படம் மாபெரும் வெற்றியடைந்தது. அதைத்
தொடர்ந்து மீண்டும் முருகதாசுடன் இணைவதால் இந்த படத்துக்கு பெரிய
எதிர்பார்ப்பு ஏற்பட்டுள்ளது. முருகதாஸ் என்னிடம் மீண்டும் ஒரு படம்
செய்யலாம் என கூறியபோது, சாதாரண படம் என்றால் வேண்டாம். நமது இருவரின்
கூட்டணி மீண்டும் பேசப்படும் அளவுக்கு இருக்க வேண்டும் என்றேன். இந்திய
திரைப்பட வரலாற்றில் இதுபோன்ற ஒரு சினிமாவை நான் கேள்விபட்டதும் இல்லை.
பார்த்ததும் இல்லை’Õ என்றார்.

தினகரன்

சூர்யாக்காக ஒருமுறை ஸ்ருதிக்காக இருமுறை படத்தை பார்க்க ஆவலாக உள்ளேன்