ஆச்சர்யத்தமிழ் !!

**பிஜிராமன்** · **பிஜிராமன்** Sun Sep 11, 2011 11:52 am

கடல் மணல் பரப்பினில் விரித்தேன் -எனது
தமிழ்எழுத்துக்களை; கடலலை விடாதுவந்து
தொட்டும்தழுவியும் சென்றன எனதமிழெ
ழுத்துக்களை, அவை தன் நீர்க்கரம்கொண்டு
அள்ளிச்சென்றன தன்னுள்ளே மகிழ்ந்தேன் நான்
அக்கரைதனிலே அமர்ந்து கொண்டு - எனக்கு
ஆச்சர்யம் அவற்றின் தமிழார்வங்கண்டு

இலைதனிலே செதுக்கி வைத்தேன் - எனது
தமிழ்எழுத்துக்களை சட்டெனக் கருத்தது
மேகம் விட்டது தன் தூய நீரை - அவை
தழுவியும் தூய்மைப் படுத்தியும் சென்றன
எனதமிழெழுத்துக்களை; மகிழ்ந்தேன் நான்
அம்மரத்தடியில் நின்று கொண்டு - எனக்கு
ஆச்சர்யம் அவற்றின் தமிழார்வங்கண்டு

எனதுயிரினில் புதைத்து வைத்தேன் - எனது
தமிழ் எழுத்துக்களை; நிமிடத்தில், இதயத்
துடிப்பும் ரத்த ஓட்டமும் அதிகரித்தன - அவை
விடாது சுற்றியும் தட்டியும் கொடுத்துச்சென்றன
எனதமிழெழுத்துக்களை மகிழ்ந்தேன் நான் - என்
உடலதின்மாற்றத்தினை கண்டு - எனக்கு
ஆச்சர்யம் அவற்றின் தமிழார்வங்கண்டு

விதையினுள் புதைத்து வைத்தேன் - எனது
தமிழ் எழுத்துக்களை; அவ்விதை, மண்
தொட்ட மாத்திரத்தில் மண்நூட்டம் அதை
நோக்கி விரைந்திடவும் அவ்வூட்டதால்
தமிழ் மரம் வளர்ந்திடவும்கண்டு, நான்
மகிழ்ந்தேன் அதன் ஊக்கங்கண்டு - எனக்கு
ஆச்சர்யம் அதன் தமிழார்வங்கண்டு

விளக்கினுள் எண்ணெயென ஊற்றிவைத்தேன் - எனது
தமிழ் எழுத்துக்களை; பட்டெனப்பிடித்தது தீ, தமிழ்
எண்ணெய் திரிதொட்ட மாத்திரத்தில் - அத்தீ
நில்லாது எரிந்திடல் கண்டேன், எரிபொருளாய் என்
தமிழங்கு இருந்திடலால் பலவண்ணமாய் விளக்கு
நீண்டுஎரிதல் கண்டு மகிழ்ந்தேன் நான் - எனக்கு
ஆச்சர்யம் அவ்விளக்கின் தமிழார்வங்கண்டு

ரபீக் · ரபீக் Sun Sep 11, 2011 11:56 am

செம்மொழிக்கு கவி வடித்த உங்கள் சிந்தனை அழகு !!!

இந்த பதிவைத் துவங்கியவர் நன்றி கூறியுள்ளார் ரபீக்

**பிஜிராமன்** · **பிஜிராமன்** Sun Sep 11, 2011 12:25 pm

ரபீக் wrote:செம்மொழிக்கு கவி வடித்த உங்கள் சிந்தனை அழகு !!!

மிக்க நன்றி நண்பா......... ஆச்சர்யத்தமிழ் !! 1194657695

Sponsored content · Sponsored content

ஆச்சர்யத்தமிழ் !!

ஆச்சர்யத்தமிழ் !!

Re: ஆச்சர்யத்தமிழ் !!

Re: ஆச்சர்யத்தமிழ் !!

Re: ஆச்சர்யத்தமிழ் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக