தமிழ் சினிமாவுக்கு 14 விருது ஆடுகளம் 6, எந்திரன் 2

தமிழ் சினிமாவுக்கு 14 விருது ஆடுகளம் 6, எந்திரன் 2 : ஜனாதிபதி பிரதிபா வழங்கினார்.


[color:8d0b=#900]பதிவு செய்த நாள் : 9/10/2011 2:50:28





புதுடெல்லி : சன் பிக்சர்ஸின்
‘ஆடுகளம்‘, ‘எந்திரன்’ உட்பட தமிழ் சினிமாவுக்கு 14 தேசிய விருதுகள்
கிடைத்தன. விருதுகளை ஜனாதிபதி பிரதிபா பாட்டில் நேற்று
வழங்கினார்.58&வது தேசிய திரைப்பட விருதுகள் வழங்கும் விழா டெல்லியில்
நேற்று நடந்தது. சன் பிக்சர்ஸ் கலாநிதி மாறன் வழங்கிய ‘ஆடுகளம்‘ படத்தில்
சிறப்பாக நடித்த தனுஷ், சிறந்த இயக்கம் மற்றும் திரைக்கதைக்காக
வெற்றிமாறன், எடிட்டிங்கிற்காக கிஷோர், சிறப்புப் பரிசாக வ.ஐ.ச.ஜெயபாலன்,
நடனத்துக்காக தினேஷ் ஆகியோர் விருதுகள் பெற்றனர். சன் பிக்சர்ஸ்
தயாரிப்பில் ரஜினிகாந்த், ஐஸ்வர்யா ராய் நடித்து ஷங்கர் இயக்கிய ‘எந்திரன்’
படத்தின் சிறந்த ஸ்பெஷல் எபெக்டுக்காக ஸ்ரீனிவாஸ் எம்.மோகன், சிறந்த அரங்க
அமைப்புக்காக சாபு சிரில் விருதுகளை பெற்றனர்.

சிறந்த நடிகைக்கான
விருதை சரண்யா (தென்மேற்குப் பருவக்காற்று) பெற்றார். சிறந்த குணசித்திர
நடிகருக்கான விருதை தம்பி ராமய்யாவும்(மைனா), சிறந்த பாடலாசிரியருக்கான
விருதை 6 முறையாக வைரமுத்துவும் (தென்மேற்குப் பருவக்காற்று) பெற்றனர்.
சிறந்த பிராந்திய மொழி படத்துக்கான விருதை ‘தென்மேற்குப் பருவக்காற்று’
படம் பெற்றது. இவ்விருதை தயாரிப்பாளர் சிபு ஐசக்குடன் இணைந்து, இயக்குனர்
சீனு ராமசாமி பெற்றார். சிறந்த துணை நடிகைக்கான விருதை ‘நம் கிராமம்‘
படத்தில் நடித்த சுகுமாரி பெற்றார். ‘திரைச்சீலை’ என்ற சினிமா விமர்சன
நூலுக்கான சிறப்பு விருதை ஓவியர் ஜீவா பெற்றுக்கொண்டார்.

சிறந்த
படமாக தேர்வான ‘ஆதமிண்டே மகன் அபு’ (மலையாளம்)படத்துக்கான விருதை
தயாரிப்பாளரும் இயக்குனருமான சலீம் அகமது பெற்றார். சிறந்த பொழுது போக்கு
படமாக சல்மான் கான் நடித்த ‘தபாங்’ (இந்தி) தேர்வானது. இந்தப் படத்தின்
தயாரிப்பாளர்கள் அர்பாஸ் கான், மலைக்கா அரோரா விருதை பெற்றனர். இந்திய
சினிமா வளர்ச்சிக்கு பாடுபட்டதற்காக இந்திய அரசு வழங்கும் மிக உயரிய
விருதான தாதா சாகேப் பால்கே விருது இயக்குனர் கே.பாலசந்தருக்கு
வழங்கப்பட்டது. விருதுடன் தங்கத்தாமரை, ரூ.10 லட்சம் ரொக்கம் மற்றும்
பொன்னாடையை ஜனாதிபதி பிரதிபா பாட்டீல் வழங்கினார்



தினகரன்

அதுசரி இது வழங்கிய விருதா இல்லை வாங்கிய விருதா