அலைபாயுதே பட பாணியில் சென்னை தனியார் கலலூரி பேராசிரியையை மணந்த வாலிபர்

**இளமாறன்** · **இளமாறன்** Sat 10 Sep 2011 - 21:00

மத்தூர்,செப்.10-

கிருஷ்ணகிரி
மாவட்டம் மத்தூர் அருகே உள்ள நரால் சந்தம்பட்டி கிராமத்தைச் சேர்ந்த
தேவராஜ் என்பவரின் மகன் குமரேசன் ( வயது 27). இவர் சென்னை தாம்பரம் அருகே
கவுரிவாக்கத்தில் உள்ள தனியார் நிறுவனத்தில் வேலை பார்த்து வநந்தார்.
அப்போது அதே பகுதியை சேர்ந்த ஜெயக்குமார் என்பவரின் மகள்
பிரியதர்ஷினி(23)யை காதலித்தார்.

பிரியதர்ஷினி
சென்னையில் உள்ள தனியார் என்ஜீனியரிங் கல்லூரியில் பேராசிரியையாக பணியாற்றி
வருகிறார். இருவரும் கடந்த ஓராண்டுக்கு முன்பு “அலைபாயுதே “படப் பாணியில்
காதல் திருமணம் செய்து கொண்டனர். பின்னர் அவர்கள் போச்சம்பள்ளி வந்து
அங்குள்ள சார்பதிவாளர் அலுவலகத்தில் திருமணத்தை பதிவு செய்து கொண்டனர்.
அதன் பிறகு இருவரும் தனித்தனியாக வசித்தனர். இவர்கள் இருவரும் காதல்
திருமணம் செய்து கொண்டதை பெற்றோரிடம் தெரிவிக்கவில்லை.

பிரியதர்ஷினி
அவரது பெற்றோர் வீட்டில் இருந்து கல்லூரிக்கு சென்று வந்தார். குமரேசன்
தாம்பரத்தில் தங்கி வேலைக்கு சென்று வந்தார். ஆனாலும் இருவரும் அடிக்கடி
சந்தித்து தங்களது காதலை வளர்த்துக் கொண்டனர்.

இந்த
நிலையில் பிரியதர்ஷினிக்கு அவரது வீட்டில் மாப்பிள்ளை பார்த்தனர். அப்போது
தனக்கு ஏற்கனவே திருமணமாகி விட்டது என்ற தகவலை பிரியதர்ஷினி பெற்றோரிடம்
தெரிவித்தார். பின்னர் அவர் வீட்டை விட்டு ஓடி வந்து காதல் கணவரை அழைத்துக்
கொண்டு மத்தூர் அருகே உள்ள குமரேசனின் வீட்டிற்கு வந்து விட்டனர்.

பிரியதர்ஷினியின்
பெற்றோர் இது குறித்து மத்தூர் போலீசில் புகார் செய்தனர். காதல் திருமண
ஜோடிகளிடமும், அவர்களது பெற்றோரிடமும் இன்ஸ்பெக்டர் ராஜ்குமார் மற்றும்
போலீசார் பேச்சுவார்த்தை நடத்தினார்கள். காதல் கணவருடன் தான் வாழ்வேன்
என்று பிரியதர்ஷினி கூறினார். இதனால் போலீசார் பிரியதர்ஷினியை அவரது
கணவருடன் அனுப்பி வைத்தனர். அவர்களது பெற்றோரும் சமாதானமாகி காதல் திருமண
தம்பதிகளை வாழ்த்தினார்கள்.
மாலைமலர்