சென்னை உள்பட 6 மாவட்டங்களில் டெங்கு காய்ச்சல் தாக்கம் அதிகரிப்பு; கொசுக்கள் பெருகுவதை தடுக்க நடவடிக்கை

சிக்குன் குனியா என்ற நோயை உருவாக்கக் கூடிய ஏடியஸ் கொசுக்கள் தான் டெங்கு காய்ச்சலை உண்டாக்குகிறது. இத்தகைய கொசுக்கள் வீட்டை சுற்றி தேங்கியுள்ள தண்ணீரில் உற்பத்தியாகி நோய் கிருமியை ஏற்படுத்துகிறது. பெரியவர்களை விட 15 வயதுக்கு உட்பட்ட குழந்தைகளுக்கு தான் அதிக டெங்கு ஏற்படுத்துகிறது. செப்டம்பர், அக்டோபர், நவம்பர் ஆகிய 3 மாதங்களில் ஏடியஸ் கொசுக்கள் பெருமளவில் உற்பத்தியாகின்றன.

இத்தகைய கொசுக்கள் பெருகக்கூடிய காலமாகும் இது. டெங்கு காய்ச்சல் சில நேரங்களில் உயிர் இழப்பையும் ஏற்படுத்தும். காய்ச்சல் வந்தவுடன் டாக்டரை அணுகி மருத்துவ பரிசோதனை செய்தால் உயிர் இழப்பை தவிர்க்கலாம். இது குறித்து தனியார் மருத்துவமனை டாக்டர் ஒருவர் கூறியதாவது:-

டெங்கு காய்ச்சல் பாதிப்பு தற்போது அதிகரித்து வருகிறது. கடந்த சில நாட்களாக சிகிச்சை பெறுபவர்களின் எண்ணிக்கை உயர்ந்து வருகிறது. டெங்கு காய்ச்சல் பாதிப்பை அலட்சியமாக விட்டால் உடலில் உள்ள பிளேட்நட் அணுக்கள் குறைந்து ரத்தம் உறையும் தன்மை குறைந்துவிடும். உடலில் ரத்த கசிவு ஏற்படும். மூளையில் ரத்த கசிவு ஏற்பட்டால் உயிருக்கு ஆபத்தாகும். பிளேட்நட் ரத்த அணுக்கள் அளவை ஒவ்வொரு நாளும் பரிசோதனை கண்காணித்து சிகிச்சை அளிக்கப்படும்.

ரத்த அணுக்கள் தேவைப்பட்டால் ரத்த வங்கியில் இருந்து வாங்கி உடலில் செலுத்த வேண்டும். தகுந்த அளவு உடலில் நீர் இருக்கும் வரை பாதிக்காது. நீர் குறையும் போது பாதிப்பை ஏற் படுத்தும். கடுமையான ஜூரம், உடல்வலி, உடல் உறுப்புகள் ஜாயிண்ட் இணையும் இடத்தில் வலி போன்றவை இதன் அறிகுறிகளாகும். காய்ச்சல் வந்தால் ஆரம்பத்திலேயே டாக்டரை அணுகினால் டெங்கு பாதிப்பில் இருந்து தப்பிக்கலாம்.

இவ்வாறு தனியார் மருத் துவமனை டாக்டர் கூறினார்.

தற்போது மழை விட்டு விட்டு பெய்து வருவதால் காய்ச்சல் பாதிப்பு அதிகமாக இருக்கிறது. தட்பவெப்ப சூழ்நிலை மாறி வருவதால் சாதாரண காய்ச்சல் பாதித்த சிறுவர்கள், பெரியவர்கள் ஆஸ்பத்திரியில் நிறைந்துள்ள னர். வீடுகளில் கொசுக்கள் பகல் நேரத்தில் கடிக்கிறது. மழைக்காலம் தொடங்க இருப்பதால் கொசுக்களை ஒழிக்க பொது சுகாதாரத்துறை தகுந்த தடுப்பு நடவடிக்கைகளை எடுக்க வேண்டும்.

சென்னையில் டெங்கு காய்ச்சல் அதிகரித்து வருகிறது. இதேபோல கோவை, ஈரோடு, சேலம், கன்னியாகுமரி உள்ளிட்ட சில மாவட்டங்களிலும் டெங்கு பாதிப்பு அதிகமாக உள்ளது. கொசு ஒழிப்பை தீவிரப்படுத்தினால் தவிர இத்தகைய பாதிப்பை தடுக்க இயலாது.
மாலைமலர்