பொட்டு வைத்து பூச்சூட்டி

**கா.ந.கல்யாணசுந்தரம்** · 28/02/2009

காற்றுக்கு வேலி போட
முடியவில்லை!
கடலை சொந்தம் கொண்டாட
முடியவில்லை!
மழையினை கயிறாக கொண்டு
வானத்தை தொட முடியவில்லை!
விண்மீன்களை எண்ணிவிட
ஒருபோதும் முடியவில்லை!
வானவில்லுக்கு ஒரு மேடை
அமைத்திட முடியவில்லை!
கொட்டும் அருவிக்குள்
குடை பிடிக்க முடியவில்லை!
வெள்ளைநிற பட்டாம்பூச்சிக்கு
வண்ணம் தீட்ட முடியவில்லை!
ஆனால் அவனுக்கு முடிந்தது...
ஒரு பாலைவனமான பருவத்துக்கு
பொட்டு வைத்து பூச்சூட்டி
வசந்த காலத்தை வரவேற்க!

**முனைவர் ம.ரமேஷ்** · 21/08/2011

முட்கள் தைத்தும்
அழவில்லை...
ரோஜா மலர்பறித்த சிறுமி.

என்ற ஹைக்கூவை அருவி இதழில் எழுதிய கவிஞர் தாங்கள்தானா? அருவி இதழில் நானும் ஹைக்கூக்கள் எழுதி வருகிறேன்.

முகம்மது ஃபரீத் · 07/07/2011

ARR · ARR Sat Sep 10, 2011 1:23 pm

அருமை கல்யாணசுந்தரம்.. !

ஆங்கோர் ஏழைக்கு எழுத்தறிவிப்பது மட்டுமல்ல.. பாங்காய் ஓர் பாவைக்கு வாழ்வளிப்பதும் புண்ணியம் கோடிதான்..

பாராட்டுகள்..!

**கா.ந.கல்யாணசுந்தரம்** · 28/02/2009

rameshmkm wrote:முட்கள் தைத்தும்
அழவில்லை...
ரோஜா மலர்பறித்த சிறுமி.

என்ற ஹைக்கூவை அருவி இதழில் எழுதிய கவிஞர் தாங்கள்தானா? அருவி இதழில் நானும் ஹைக்கூக்கள் எழுதி வருகிறேன்.

ஆமாம் நண்பரே. அருவி இதழாசிரியர் காவனூர் ந.சீனிவாசன் என்னுடய தம்பி ஆவார். சிறந்த தமிழ்ப்பற்று கொண்டவர். சிறப்பாக சிற்றிதழ் நடத்தி வருகிறார். நன்றி.