மதுவிலக்கு வேண்டும் என்று வாய்கிழிய பேசுகிறவர்கள்தான் சாராயம் காய்ச்சுகிறார்கள்

சென்னை : மதுவிலக்கு அமல்படுத்த வேண்டும்; மதுகடைகளை மூட வேண்டும் என்று வாய்கிழிய பேசுகிறவர்கள் தான் கள்ளச்சாராயம் காய்ச்சி விற்கிறார்கள் என்று பேரவையில் முதல்வர் ஜெயலலிதா குற்றம்சாட்டினார். சட்டப்பேரவையில் நேற்று, மதுவிலக்கு மற்றும் ஆயத்தீர்வை மானியக் கோரிக்கை மீதான விவாதத்துக்கு பதில் அளித்து அமைச்சர் நத்தம் விஸ்வநாதன் பேசியதாவது: தமிழகத்தில் கள்ளச்சாராயம் காய்ச்சுவது, கள்ளச்சாராயம் கடத்தப்படுவது, விற்பனை செய்வது, கள்ளச்சாராய சாவு உள்ளிட்ட குற்றங்கள் 99 சதவீதம் குறைந்துள்ளது. ஒரு சதவீதம் குற்றம்கூட அடர்ந்த காட்டுப்பகுதியில், போக்குவரத்து வசதி இல்லாத இடங்களில் தான் நடக்கிறது. அதையும் தடுக்க நடவடிக்கை எடுக்கப்படும். தமிழகத்தில் டாஸ்மாக் மது விற்பனை 9.81 சதவீதம் கூடியுள்ளது. இது கள்ளச்சாராயம் விற்பனையை அடியோடு ஒழிக்கப்பட்டதால் ஏற்பட்ட ஏற்றமாகும். மது குடித்தால் தீமை ஏற்படும் என்பது மற்றவர்களை விட, முதல்வர் ஜெயலலிதாவுக்கு நன்றாக தெரியும்.

மதுவிலக்கு அமல்படுத்தினால் சிரமங்கள் அதிகம் ஏற்படும். டாஸ்மாக் மூலம் கிடைக்கும் வருவாய் சமூக விரோதிகளுக்கும், தனியாருக்கும் சென்று விடுவதால், அந்த வருவாயை அரசு கஜானாவுக்கு கொண்டு வர நடவடிக்கை எடுக்கப்பட்டுள்ளது. மாநில அரசு மட்டுமே நினைத்தால் மது விலக்கை அமல்படுத்த முடியாது. மத்திய அரசும் மதுவினால் கிடைக்கும் வருவாயை, மாநில அரசுக்கு வழங்கினால் இது சாத்தியமாகும். முதல்வர் ஜெயலலிதா: மதுவிலக்கை அமல்படுத்த வேண்டும், மதுக்கடைகளை மூட வேண்டும் என்று வாய்கிழிய பேசுகிறவர்கள்தான் கள்ளச்சாராயம் காய்ச்சி விற்கிறார்கள். அமைச்சர் நத்தம் விஸ்வநாதன்: மதுவினால் ஏற்படும் தீமைகளை குறைக்க பல்வேறு விழிப்புணர்வு நடவடிக்கை எடுக்கப்பட்டு வருகிறது. தனியார் கொள்ளையை தடுத்து, அந்த வருவாயை அரசு கஜானாவுக்கு கொண்டு வந்தவர் ஜெயலலிதா. தற்போது தமிழகத்தில் 6,690 டாஸ்மாக் மதுக்கடைகள் உள்ளன.

இதில், 3,128 ஊரக பகுதிகளிலும், 3,562 நகரப் பகுதிகளிலும் அடங்கும். இந்த கடைகள் மூலம் 2003-2004ம் ஆண்டில் ஜெயலலிதா ஆட்சியில் வருவாய் ஸீ3639.93 கோடியாக இருந்தது. தற்போது, 2010-2011ல் டாஸ்மாக் வருவாய் ஸீ14,965.42 கோடியாக உள்ளது. அசுர வேகத்தில் அரசு வருவாய் உயர்ந்துள்ளது. இது கடந்த ஆண்டுடன் ஒப்பிடும்போது 9.81 சதவீதம் வளர்ச்சி ஆகும். இவ்வாறு அமைச்சர் நத்தம் விஸ்வநாதன் கூறினார்.

தினகரன்

மத்தவங்க காய்ச்ச விடாம தான் இவங்க காய்ச்சி விக்கிறாங்களே டாஸ்மார்க் என்கிற பெயரில்

இவங்க எப்படி மது விலக்கு போடுவாங்க

அப்படி மது விலக்கு அமுல் படுத்தினால் அரசுக்கு இழப்பு அதிகமாகும்

முதல்வர் ஜெயலலிதா: மதுவிலக்கை அமல்படுத்த வேண்டும், மதுக்கடைகளை மூட வேண்டும் என்று வாய்கிழிய பேசுகிறவர்கள்தான் கள்ளச்சாராயம் காய்ச்சி விற்கிறார்கள்.

மது குடித்தால் தீமை ஏற்படும் என்பது மற்றவர்களை விட, முதல்வர் ஜெயலலிதாவுக்கு நன்றாக தெரியும்.

மதுவே இல்லாத ஒரு மாநிலமாக தமிழ் நாடு இருக்க கூடாதா?
தமிழகம் பல சிறப்புகளை பெற்று மேலும் சிறப்பாக இருக்குமே.