வறுத்த நண்டு

வறுத்த நண்டு நினைத்தாலே எச்சில் ஊறவைக்கும் மிகவும் ருசியான உணவாகும். கனவு சமையலின் நண்பர் தனது பேவரிட் வறுத்த நண்டு மிகவும் சுவையாக இருக்கும் அதை நீங்களும் செய்து பாருங்கள் என்று சமைக்க தேவையான பொருட்களையும், செய்முறை விளக்கத்தையும் எளிமையான முறையில் தொகுத்தளித்துள்ளார். ரசித்து சமைத்து உண்டு மகிழுங்கள்.
----------------------------------------------------------------------------------------------
தேவையான பொருட்கள்
----------------------------------------------------------------------------------------------
நண்டு – 5
இஞ்சி – 1 அங்குலம்
சின்ன வெங்காயம் – 50 கிராம்
மல்லி (தனியா) – 2 தேக்கரண்டி
தக்காளி – 1
சிகப்பு மிளகாய் – 10
சீரகம் – 1 தேக்கரண்டி
பூண்டு – 5 பல்
பெரிய வெங்காயம் – 3
----------------------------------------------------------------------------------------------
செய்முறை
----------------------------------------------------------------------------------------------
நடுத்தரமான அளவு நண்டுகள் 5 எடுத்து ஓடு நீக்கி, சுத்தம் செய்து கொள்ளவும். 10 சிகப்பு மிளகாய்கள், 1 அங்குலம் இஞ்சி, 1 தேக்கரண்டி சீரகம், 50 கிராம் சின்ன வெங்காயம், 5 பல் பூண்டு, 2 தேக்கரண்டி மல்லி (தனியா) இவற்றை அரைத்துக் கொள்ளவும். 3 பெரிய வெங்காயத்தை நீளவாக்கில் நறுக்கிக் கொள்ளவும். 1 தக்காளியை மெல்லியதாக நறுக்கவும். வாணலியில் நல்லெண்ணெய் 10 தேக்கரண்டி ஊற்றி காய்ந்ததும், வெங்காயம், தக்காளி, கறிவேப்பிலை போட்டு வதக்கவும். இத்துடன் அரைத்த மசாலாவையும் சேர்த்து வதக்கி, வதங்கிய பின் 1 டம்ளர் தண்ணீர் ஊற்றி, தேவையான உப்பு, மஞ்சள் தூள் சேர்க்கவும். தண்ணீர் கொதித்தும் நண்டுகளைப் போடவும். நண்டுகள் வெந்து நன்கு வதங்கிய பின் இறக்கவும்.

http://samayal.kanavoo.com

இது ரேவதிக்கு பயன்படுகிறதோ இல்லையோ ஆனால் எனக்கு ரொம்ப பயன்படும்.காரணம் நண்டு என்றால் எனக்கு உயிர்.

நல்ல சமையல் குறிப்பு தந்து உள்ளீர்கள்.ரொம்ப நன்றி.

இதஎல்லாம் எப்படி சுத்தம் பண்ணனும்னே தெரியாது

kitcha wrote:இது ரேவதிக்கு பயன்படுகிறதோ இல்லையோ ஆனால் எனக்கு ரொம்ப பயன்படும்.காரணம் நண்டு என்றால் எனக்கு உயிர்.

நாள் சமையல் குறிப்பு தந்து உள்ளீர்கள்.ரொம்ப நன்றி.

அண்ணா எனக்கும் நண்டு பிடிக்கும் இதர அசைவ உணவுகளை நான் நிறுதிவிட்டேன் ஆனால் நண்டை சாப்பிடாமல் இருக்க முடியல