விரதம் இருக்கப் போறீங்களா?

விரதம், பொதுவாக இது எல்லோருக்கும் தெரிந்த வார்த்தை தான். அதே சமயம். விரதம் என்று சொன்னதுமே பலருக்கும் சாப்பிடாமல் இருக்க வேண்டும் என்பது மட்டுமே நினைக்கு வரும். விரதம் அல்லது நோன்பு என்பதற்கு உண்ணாமல் இருப்பது என்பது மட்டுமே அர்த்தம் அல்ல. உரிய முறையில் வழிபாடுகள் செய்வது என்பது தான் சரியான பொருள். அப்படி பூஜைகள் செய்யும்போது பலனடக்கம் தேனை என்பதால் தான் உணவில் கட்டுப்பாடுகள் கூறப்பட்டன.

எல்லா விரதங்களிலுமே பொதுவான பல விஷயங்கள் தான் தொடக்கம் முதல் முடிக்கும் வரை கடைப்பிடிக்கப்படுகின்றன. அந்த பொதுவான விதிகளோடு எந்த தெய்வத்திற்கானன வழிமுறையும் துதிகளும் சேர்த்து கொள்ளப்படும். விரதங்களுக்கான பொதுவான விதி என்ன என்பதை தெரிந்து கொள்ளுங்கள். அப்புறம் என்ன எந்த விரதமானாலும் சுலபமாக அனுசரித்து அளவிலா நற்பலன்களை பெறுங்கள்.

# கடைப்பிடிக்கும் விரதம் எதுவானாலும் முதல் நாளே வீட்டை கழுவியோ, அல்லது மஞ்சள் நீரினை தெளித்தோ தூய்மைப்படுத்துங்கள். அரிசிமாவினால் கோலம் இடுவதும் செம்மண் (காவி) இடுவதும் அவரவர் வழக்கப்படி செய்யுங்கள். பூஜைகளின்போது கோலம் இரு இழைகளால் அமையவேண்டும் என்பது பொதுவான விதி.

# பூஜைக்குரிய பொருட்களை சேகரித்து வைத்து கொள்வதோடு உரிய பூஜை பாத்திரங்ளையும் தயாராக தேய்த்து வைத்து விடுங்கள்.

# விரத தினத்தன்று சூரிய உதயத்திற்கு முன்பாக எழுந்து நீராடி தூய ஆடையினை அணிந்து அவரவர் வழக்கப்படி குங்குமம் திருநீறு, சந்தனம் அணியுங்கள்.

# வழிப்பட போகிற தெய்வ உருவங்களை நன்றாக துடைத்து சந்தனம், குங்குமம் பொட்டுகள் இட்டு மலர்களால் அலங்கரியுங்கள். ( சில தெய்வங்களை றிப்பிட்ட மலர் அல்லது இலையால் அர்ச்சிப்பது கூடுதல் பலன் தரும்)

# அனைத்து பூஜைகளுக்குமே துய்மையான நீரும், பூவும் அவசியம். முதல் நாளே தனியாக நீரெடுத்து வைத்து கொள்ளுங்கள். மலரை இயன்ற அளவு வாங்கினாலும் தூசி, தும்பு எதுவும் இல்லாமல் பார்த்து கொள்ளுங்கள்.

# எல்லா நோன்புகளுக்குமே ஆரம்பமாக பிள்ளையாரை பூஜிக்க வேண்டும். மஞ்சளில் பிடித்து வைத்து வழிபடுவது நல்லது. விரதம் நிறைவடைந்த பின் அல்லது மறுநாள் அந்த மஞ்சள் பிள்ளையாரை நீரில் கரைத்துவிட வேண்டும்.

# விரதத்திற்காக வைக்கப்படும் கலசத்தினை ஆரம்பத்திலே சரியான இடத்தில் வைத்து விட வேண்டும். ஒரு முறை வைத்து விட்டால் விரத வழிபாடுகள் நிறைவடைந்த பிறகே கலசத்தினை நகர்த்தலாம். அதற்கு முன் நகர்த்த கூடாது.

# ஆணோ, பெண்ணோ விரதம் கடைப்பிடிப்பவர் யாராக இருந்தாலும் குடும்பத்து பெரியவர்களிடமோ, பெற்றோரிடமோ ஆசிபெற்றும் வாழ்க்கை துணையின் அனுமதியோடும் விரதத்தினை மேற்கொள்வது நல்லது. இதனால், விரத காலத்தில் பிறரால் எதிர்பாராத மனவருத்தஙகள் வராமல் இருக்கும்.

# விரதம் இருக்கும் சமயத்தில் இயன்றவரை இறை சிந்தனையுடன் இருப்பது அவசியம். முடிந்தவரை பேசுவதை குறைத்து கொள்ளுங்கள்.

# விரதகாலத்தில் எவர் மீதும் கோபப்படுவதோ, வீண்வாதங்கள் செய்வதோ கூடாது.

# கலசத்தின் மேல் வைக்கப்படும் தேங்காயை விரத தினத்தினை அடுத்து வரும் வெள்ளிக்கழமையன்று ஏதாவது நிவேதனத்தில் பயன்படுத்துங்கள். தெய்வத்தினை ஆவாகனம் செய்த கலசத்தில் இருந்த அதனை சமையலில் பயன்படுத்துவதை தவிர்ப்பது நல்லது.

# விரதம் இருப்பது நிச்சயம் பலன்தரும் என்பதை முழுமையாக நம்புங்கள். அதே சமயம் பலனை எதிர்பார்த்து மட்டுமே அனுசரிக்காமல் மனப்பூர்வமாக பக்தியுடன் கடைப்பிடியுங்கள்.

# விரதம் இருப்பதோடு உங்களால் இயன்ற உதவியினை வசதியில் குறைந்தவர்களுக்கு செய்யுங்கள். உங்கள் வாழ்க்கை குறைவேதும் இல்லாமல் கோலாகலமாக அமையும்.

-ஜெயலட்சுமி ராமசுவாமி.

ஓ இவ்ளோ விசயம் இருக்கா விரதம் இருக்குறதுல நன்றி அண்ணா பகிர்ந்தமைக்கு