பெட்ரோலில் இயங்கும் வாகனங்கள் (engines) டீசலைப் (disel) பயன்படுத்தி ஏன் இயக்க முடிவதில்லை?

**கேசவன்** · **கேசவன்** Mon Sep 05, 2011 12:50 pm

பெட்ரோல், டீசல் ஆகிய எரிபொருட்களைக் (fuels) கொண்டு இயங்கும் இரு பொறிகளும் உட்கனற்பொறிகளே (internal combustion engines).

ஆயின் இரண்டும் வெவ்வேறு வடிவ அமைப்புகளைக் கொண்டவை. ஒவ்வொரு எரிபொருளும் ஒரு குறிப்பிட்ட வெப்ப நிலையில் தான் எரியத் துவங்கும்.

இதனைப் பற்றல் வெப்பநிலை (ignition temperature) என்பர். இது பெட்ரோலுக்குக் குறைவாகவும், டீசலுக்கு மிகுதியாகவும் தேவைப்படும். அடுத்து பெட்ரோல் பொறியில் எரிபொருள்-காற்றுக் கலவையைப் பற்றவைக்கும் செயலை மேற்கொள்வது தீப்பொறிச்செருகி (spark plug) ஆகும்.

மேலும் இப்பொறியில் எரிபொருள்-காற்றுக் கலவையைப் பற்ற வைப்பதற்கு முன்னால் தேவைப்படும் அழுத்த அளவு அதாவது அழுத்த விகிதம் (compression ratio) குறைவு.

இந்நிலையில் பெட்ரோல் பொறியில் டீசலை எரிபொருளாகப் பயன்படுத்தும்போது பற்ற வைக்கும் வெப்பநிலை போதுமான அளவு இல்லாத காரணத்தால் எரிபொருள் பற்றவே பற்றாது. அடுத்து டீசல் பொறிகளில் பெட்ரோல் பொறிகளில் இருப்பது போல் தீப்பொறிச்செருகி கிடையாது.

இங்கு எரிபொருள் பற்றவைப்பு மிகுந்த அழுத்தத்தின் விளைவாக நடைபெறும். இவ்வாறு பெட்ரோல், டீசல் பொறிகளுக்கு இடையேயுள்ள வடிவமைப்பு வேறுபாட்டினாலும், பற்றவைப்பு வெப்பநிலை வேறுபாட்டினாலும் பெட்ரோலுக்குப் பதிலாக டீசலையோ, டீசலுக்குப் பதிலாகப் பெட்ரோலையோ பயன்படுத்த இயலாது.

sgprabu85 · sgprabu85 Mon Sep 05, 2011 1:34 pm

மிக்க நன்றி ...
சிறந்த விளக்கம் ...

சாவித்ரி · சாவித்ரி Mon Sep 05, 2011 2:48 pm

அருமையான தகவல். ஒருமுறை ஜெயா மேக்ஸ் தொலைகாட்சியில் கேளுங்கள் என்னும் அறிவியல் நிகழ்ச்சியில் பெட்ரோல், டீசல் இரண்டிற்கும் ஆனா மைலேஜ் வேறுபாட்டிற்கான காரணத்தை வீடியோ விளக்கத்துடன் கூறினார்கள், அதில் பெட்ரோலை விட டீசல் அதிக மைலேஜ் தருவதற்கு காரணம் பெட்ரோல் விரைவில் எரிந்து முடிந்துவிடக்கூடிய ஒரு அடர்த்தி குறைந்த திரவம் என்ற காரணத்தையும் டீசல் வெகு நேரம் எரிய கூடிய அடர்த்தி அதிகமான திரவம் என்ற காரணத்தையும் மேலும் பெட்ரோல் எரிநிலை அளவும், அடர்த்தி குறைவும், சுத்திகரிப்பின் தன்மையும் எஞ்ஜினின் ஆயுளை அதிகரிக்கும் என்றும் டீசலின் இந்த எதிர்மறை பண்பு எஞ்சினின் ஆயுளை குறைக்கும் என்றும் கேள்விப்பட்டேன். உங்களது தகவல் மூலம் இன்று மேலும் அதிக தகவலை அறிந்து கொண்டேன், பகிர்ந்தமைக்கு நன்றி.

Sponsored content · Sponsored content

பெட்ரோலில் இயங்கும் வாகனங்கள் (engines) டீசலைப் (disel) பயன்படுத்தி ஏன் இயக்க முடிவதில்லை?

பெட்ரோலில் இயங்கும் வாகனங்கள் (engines) டீசலைப் (disel) பயன்படுத்தி ஏன் இயக்க முடிவதில்லை?

Re: பெட்ரோலில் இயங்கும் வாகனங்கள் (engines) டீசலைப் (disel) பயன்படுத்தி ஏன் இயக்க முடிவதில்லை?

Re: பெட்ரோலில் இயங்கும் வாகனங்கள் (engines) டீசலைப் (disel) பயன்படுத்தி ஏன் இயக்க முடிவதில்லை?

Re: பெட்ரோலில் இயங்கும் வாகனங்கள் (engines) டீசலைப் (disel) பயன்படுத்தி ஏன் இயக்க முடிவதில்லை?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக