முன்னாள் அமைச்சர் நேருவின் தம்பி ராமஜெயம் கொச்சியில் கைது!

ரபீக் · ரபீக் Mon Sep 05, 2011 12:26 pm

First topic message reminder :

கலைஞர் அறிவாலயம் கட்டப் பட்ட நிலத்தை மிரட்டி அபகரித்ததாக வழக்குப் பதிவு செய்யப் பட்டு முன்னாள் அமைச்சர் கே.என்.நேரு மற்றும் அன்பில் பொய்யாமொழி உள்ளிட்ட திமுக பிரமுகர்கள் கைது செய்யப் பட்டு சிறையில் அடைக்கப் பட்டுள்ளனர்.

கலைஞர் அறிவாலயம் நில வழக்கில் நேருவின் தம்பி ராமஜெயம் பெயரும் இருந்த நிலையில் ராமஜெயம் வெளிநாட்டில் இருந்ததால் அவரை தமிழக காவல்துறையினரால் கைது செய்ய முடிய வில்லை. இந்நிலையில் வெளிநாட்டில் இருந்த ராமஜெயம் இந்தியா திரும்பியதாக தமிழக காவல்துறைக்கு கிடைத்த தகவலை அடுத்து மீண்டும் வெளிநாட்டுக்கு தப்பி சென்று விடாமல் இருக்க அனைத்து விமான நிலையங்களுக்கும் தகவல் அளித்தனர்.

இன்று காலை கொச்சி விமான நிலையத்தில் இருந்து துபாய் செல்லும் விமானம் மூலமாக மலேசியா செல்ல திட்டமிட்டு இருந்த ராமஜெயத்தை குடியுரிமை அதிகாரிகள் தடுத்து நிறுத்து தமிழக காவல்துறைக்கு தகவல் அளித்தனர். தமிழக போலீசாரும் அருகில் உள்ள காவல்நிலையத்தில் அவரை ஒப்படைக்கும் படி கேட்டுக் கொடத்தை அடுத்து நெடுமஞ் சேரி காவல் நிலையத்தில் ராமஜெயம் ஒப்படைக்கப் பட்டுள்ளார்.

ராமஜெயத்தை கைது செய்து அழைத்து வர தமிழக காவல்துறையினர் கேரளா விரைந்துள்ளனர்
இந்நேரம்