கடவுளைப் பார்த்திருக்கிறீர்களா?

**சிவா** · **சிவா** Sun Sep 04, 2011 5:46 pm

First topic message reminder :

பரமஹம்சரிடம் வந்த ஒருவர், “நீங்கள் கடவுளைப் பார்த்திருக்கிறீர்களா” என்று கேட்டார்.

அதற்கு பரமஹம்சர், ஆமாம் பார்த்திருக்கிறேன் என்றார் அமைதியாக..

அப்படியானால் எனக்கும் கடவுளைக் காட்டுங்கள் என்று வந்தவர் கேட்டார்.

நீங்கள் என்ன வேலை செய்கிறீர்கள்? என்று பரமஹம்சர் கேட்க, வந்தவர் “டாக்டர்” என்று பதில் கூறினார்.

மிகவும் நல்லது, அப்படியானால் என்னையும் ஒரு டாக்டர் ஆக்க்குங்கள் என்றார் பரமஹம்சர்.

அதெப்படி முடியும், அதற்கு நீங்கள் எம்.பி.பி.எஸ் படிக்க வேண்டும், மேலும் அரசு மருத்துவமனையில் சில ஆண்டுகள் பயிற்சி எடுக்க வேண்டும், அதன் பிறகு தான் நீங்கள் டாக்டராக முடியும், இவ்வளவு எளிதாக என்னிடம் கேட்கிறீர்களே, என்றார் டாக்டர்.

நீங்கள் டாக்டராக ஒரு படிப்பு வேண்டுமென்றால், கடவுளைப் பார்க்கவும் ஒரு படிப்பு வேண்டாமா? நான் அதைப் படித்திருக்கிறேன், நீங்களும் அதைப் படித்தால் கடவுளைக் காணலாம், என்றார் பரமஹம்சர்.

வந்தவர் மௌனமானார்.