புரோட்டா செய்வது எப்படி???

புரோட்டா செய்வது எப்படி தெறிந்தவர்கள் உதவுங்கள் :afro:

கேபிள் ராஜா wrote:புரோட்டா செய்வது எப்படி தெறிந்தவர்கள் உதவுங்கள் :afro:

மறுபடியுமா ??????

கே. பாலா wrote:

கேபிள் ராஜா wrote:புரோட்டா செய்வது எப்படி தெறிந்தவர்கள் உதவுங்கள் :afro:

மறுபடியுமா ??????

என்ன ஸார் நீங்களே பயந்துட்டீங்க

பரோட்டா என்றாலே பெரிய அளவில் கடைகளில்தான் செய்ய முடியும். வீடுகளில் செய்வது நன்றாக வராது. அல்லது நேரம் அதிகம் எடுக்கும் என்பது போன்ற தவறான எண்ணங்கள் பலரிடமும் இருக்கின்றது. இஸ்லாமிய இல்லங்களில் தயாரிக்கப்படும் பரோட்டாக்கள் கடைகளில் கிடைக்கும் பரோட்டாக்களைவிட மிகவும் ருசியானவை. மிருதுவானவை. பெரும்பாலான கடைகளில் மிருதுதன்மைக்காக முட்டை சேர்ப்பார்கள். முட்டை சேர்க்காமல் இல்லங்களில் மிருதுவாக பரோட்டா தயாரிக்கலாம். அது எப்படி என்பதை இஸ்லாமிய சமையல்ராணி திருமதி. பைரோஜா ஜமால் அவர்கள் இங்கே விளக்குகின்றார். நீங்களும் உங்கள் இல்லங்களில் செய்து பாருங்கள்.



* மைதா மாவு - அரை கிலோ
* சீனி - ஒரு மேசைக்கரண்டி
* பால் - முக்கால் கப்
* உப்பு - ஒரு தேக்கரண்டி
* சோடா உப்பு - அரை தேக்கரண்டி






மைதா மாவினை சலித்து எடுத்துக் கொள்ளவும். பாலுடன் சீனி, உப்பு, சோடா உப்பு சேர்த்து கரைத்து கொள்ளவும்.


பின்னர் அதை மைதா மாவில் சிறிது சிறிதாக ஊற்றி, சப்பாத்தி மாவு பதத்திற்கு பிசைந்து, பெரிய எலுமிச்சை பழ அளவுக்கு உருண்டையாக உருட்டி அதில் எண்ணெய் தடவி உருட்டி ஒரு மணிநேரம் ஊற வைக்கவும்.


ஒரு பெரிய தட்டை திருப்பி போட்டு அதில் ஒரு மைதா உருண்டையை மையத்தில் வைத்து கைகளால் அழுத்தி சற்று வட்டமாக தட்டவும்.


பிறகு சப்பாத்தி கட்டை கொண்டு தட்டு முழுவதும் படரும் படி தேய்க்கவும்.


மாவின் மேலே எண்ணெய் தேய்த்து, ஓரங்களைப் பிடித்து இழுத்து தட்டின் வளைவு பாகத்தில் மடித்து விடவும்.


பெரிதாக தட்டு முழுவதும் பரப்பியவுடன் ஒரு ஓரத்தினைப் பிடித்து மாவை தூக்கவும். கொசுவம் வைத்த துணி போல் வரும். அதனை அப்படியே சுற்றி 5 நிமிடம் ஊற விடவும். இப்படியே அனைத்து உருண்டைகளையும் தேய்த்து சுருட்டி வைத்து ஊறவிடவும்.


5 நிமிடங்கள் ஊறியபிறகு ஒவ்வொன்றாய் எடுத்து தட்டின் பின்புறம் வைத்து, சப்பாத்திக் கட்டையால் வட்டமாக தேய்க்கவும்.


இந்த முறை தேய்க்கும்போது மிகவும் அழுத்தக் கூடாது. சற்று மென்மையாக தேய்க்கவேண்டும். அதேபோல் சற்று தடிமனாகவே தேய்த்துக் கொள்ளவும். மிகவும் மெல்லியதாக இருக்கக்கூடாது.


ஒரு தோசைக்கல்லில் அல்லது வாணலியில் ஒவ்வொன்றாய் போட்டு எண்ணெய் ஊற்றி வேகவிடவும். இருபுறமும் பொன்னிறமாக சிவந்து வரும் வரை திருப்பிப் போட்டு வேகவிடவும்.


நன்கு வெந்ததும் எடுத்து, சூடாக இருக்கும்போதே ஒரு தட்டில் வைத்து இரண்டு உள்ளங்கைகளாலும் பரோட்டாவை உள்நோக்கி தட்டவும். இப்படி செய்வதன்மூலம் பரோட்டா இழைஇழையாக வரும். இதனை சூடாக இருக்கும்போதே செய்யவேண்டும். முழுவதும் உடைந்து போய்விடாதவாறு பக்குவமாக செய்யவேண்டும். அனுபவத்தில் வந்துவிடும்.


இப்போது சுவையான பரோட்டா தயார். பரோட்டா சற்று ஆறியபின்புதான் சுவையாக இருக்கும். பரோட்டாவை எடுத்து வைத்தபிறகு அந்த சூட்டிலேயே இன்னமும் சற்று வெந்து மிருதுவாகும். ஆறிய பரோட்டாவை சூடான சால்னாவுடன் தொட்டுக் கொண்டு சாப்பிட மிகவும் சுவையாய் இருக்கும்.


இஸ்லாமிய சமையலில் நீண்ட அனுபவம் கொண்ட திருமதி. பைரோஜா ஜமால் அவர்களின் தயாரிப்பு இது. இவரது குடும்பத்தினர் பலரும் சமையல் துறையில் வல்லுனர்களாக வெளிநாடுகளில் இருக்கின்றனர். இவரது தந்தை சிங்கப்பூரில் உணவு விடுதி நடத்தி வந்தவர். குடும்பப் பின்னணி, வளர்ந்த சூழல் அனைத்தும் இவரது சமையல் திறனை செம்மைப் படுத்தியுள்ளன.

கிறிஷ்நாம்மா தான் இதுல எக்ஷ்பெர்ட்,
அவங்க வர்ற வரைக்கும் இத முயற்சி பண்ணுக
புதினா புரோட்டா http://arusuvai.com/tamil/node/20178
முட்டை புரோட்டா http://arusuvai.com/tamil/node/20005

ரேவதி wrote:

கே. பாலா wrote:

கேபிள் ராஜா wrote:புரோட்டா செய்வது எப்படி தெறிந்தவர்கள் உதவுங்கள் :afro:

மறுபடியுமா ??????

என்ன ஸார் நீங்களே பயந்துட்டீங்க

இதுவரை கணினி சம்பந்தமாக நிறைய உதவுங்கள் கேட்டுள்ளார் ! இப்போ சமையலுக்கு தாவிட்டாரே ! அதான் !

ஜாஹீதாபானு wrote:


* மைதா மாவு - அரை கிலோ
* சீனி - ஒரு மேசைக்கரண்டி
* பால் - முக்கால் கப்
* உப்பு - ஒரு தேக்கரண்டி
* சோடா உப்பு - அரை தேக்கரண்டி

பானு இந்த மாதிரி நான் இதுவரை செய்ததில்லை , பகிர்விக்கு மிக்க நன்றி , நானும் செய்து பார்க்கிறேன்

நானும் almost பானு சொன்னது போல் தான் செய்வேன், ஆனால் இட்ட பெரிய சப்பாத்தி யை தூக்கி பிடிக்காமல், நானே கையால் புடவை கொசுவம் போல மடித்துவிடுவேன் ரொம்ப நல்லா வரும் .

பிறகு சப்பாத்தி கட்டை கொண்டு தட்டு முழுவதும் படரும் படி தேய்க்கவும்.

நான் வரல

kavimuki wrote:பிறகு சப்பாத்தி கட்டை கொண்டு தட்டு முழுவதும் படரும் படி தேய்க்கவும்.

நான் வரல

நீங்க உங்க 'அவதாரில்' இருப்பது போல் எழுதிக்கொண்டே இருன்னால் , நாங்க செய்து தருகிறோம்