உலகத்தமிழ் மாநாடு 4 நாட்கள் நடக்கிறது : தேதி அறிவிப்பு

கோவைசிவா · கோவைசிவா Sat Sep 19, 2009 8:00 pm

வரும் 2010 ம் ஆண்டில் ஜனவரி மாதம் 21,22,23,24 ஆகிய தேதிகளில் உலகத்தமிழ் மாநாடு கோவையில் நடைபெறும் என முதல்வர் கருணாநிதி அறிவித்துள்ளார். இது குறித்து முதல்வர் கருணாநிதி அமைச்சர்கள் மற்றும் உயர் அதிகாரிகளுடன் ஆலோசனை நடத்தினார். இதற்கான அழைப்பிதழ் உடனடியாக தயார் செய்து உலகம் முழுவதும் உள்ள தமிழ் அறிஞர்களுக்கு அனுப்ப முடிவு செய்யப்பட்டது.

சென்னையில் நேற்று முன்தினம் மாவட்ட கலெக்டர்கள் மற்றும் போலீஸ் அதிகாரிகள் 2 நாள் மாநாடு நடந்தது. மாநாட்டு துவக்க விழாவில் உரையாற்றிய முதல்வர் கருணாநிதி கோவையில் உலகத் தமிழ் மாநாடு நடத்தப்படும் என தெரிவித்திருந்தார். இதன்படி மாநாடு நடத்துவது குறித்து இன்று முதல்வர் கருணாநிதி அமைச்சர்கள் மற்றும் உயர் அதிகாரிகளுடன் முக்கிய ஆலோசனை நடத்தினார்.

கூட்டத்திற்குப்பின் அவர் கூறுகையில்; உலகத்தமிழ் மாநாடு நடத்துவது குறித்து ஆலோசிக்கப்பட்டது. ஜனவரி மாதம் 21,22,23,24 தேதிகளில் 4 நாட்கள் கோவையில் இம்மாநாடு நடத்தப்படுகிறது. மாநாட்டுக்குழு அமைப்பது தொடர்பாகவும், மாநாட்டு நிகழ்ச்சி பொறுப்புக்களை யார், யாரிடம் ஒப்படைப்பது, வெளிநாடுகளில் உள்ள தமிழ் அறிஞர்களுக்கு அழைப்பு அனுப்புவது ஆகியன குறித்து விவாதிக்கப்பட்டன. மாநாட்டு நிகழ்ச்சிகள் குறித்து அடுத்து நடக்கும் கூட்டத்தில் முடிவு செய்யப்படும். இதற்கான முதற்கட்ப்பணிகள் துவக்க உத்தரவிடப்பட்டுள்ளது. இவ்வாறு அவர் கூறினார்.

கோவைசிவா · கோவைசிவா Sat Sep 19, 2009 8:02 pm

ஒரு பக்கம் தமிழர்கள் கொன்று குவிக்கப்படுகிறார்கள், இன்னொரு பக்கம் பசி, பட்டினியால் வாடி வதங்குகிரார்கள். அவர்களின் துயர் துடைக்கும் அதிகாரமும், வாய்ப்பும் இருந்தும் அதேல்லாம் செய்யாமல். தன்னை மற்றவர்கள் துதிபாடவும், தன் பெருமையை போற்றவும் ஒரு மாநாடு தேவையா?!

துதிபாடிகளைத் தவிர அனைத்துலக தமிழ் மக்களும் இதை புறக்கணிக்கவேண்டும்
-தினமலர் வாசகர் கருத்து

**சிவா** · **சிவா** Sat Sep 19, 2009 8:02 pm

கோவையில்தான் நடைபெறுகிறதா? சரி சரி..... ஈகரை தமிழ் களஞ்சியத்தின் சார்பில் கோசி சென்று வரட்டும்!

கோவைசிவா · கோவைசிவா Sat Sep 19, 2009 8:04 pm

உள்ள விட்டா போகலாம்

**சிவா** · **சிவா** Sat Sep 19, 2009 8:05 pm

உள்ள இருந்தா போகமுடியாதுதான்! ஜாமீன்கூடக் கிடைக்காதோ?

ரூபன் · ரூபன் Sat Sep 19, 2009 8:06 pm

நடத்துப்பா நடத்து நினடத்தும் காணும் கடைசி தமிழ் மாநாடு இதுதான் இதுவரை நீர் இருப்பதே ஆச்சரியம்தான் தமிழுக்கு மூலமான தமிழனான ஈழத்தமிழன் குரல் கொடுக்கையில் ஓடிப்போய் கோடியில் ஒழிந்த நீர் இன்று தமிழுக்கு விழா எடுக்கிறாயா தமிழன் எல்லோரும் அழிந்தும் தமிழுக்கு விழா எதற்கு நீர் இருந்தால் இன்னும் சிலகாலத்திலையே அதுகும்
நடக்கும்