என் விநாயகர் சதூர்த்தி கொண்டாட்டம் !

**ayyamperumal** · **ayyamperumal** Fri Sep 02, 2011 2:55 pm

First topic message reminder :

நேற்று (01-09-11) விடிந்த பொழுதே சற்று வித்தியாசமாய் இருந்தது. நான்
கண் விழிக்கும் முன்னரே, கணபதி என்னை காண வந்திவிட்டார். ஓரானைகன்றை, உமையாள் திரு மகனை என்கிற இசை பாடலின் மூலமாக என் செவிகளில் நுழைந்து, பக்தி சிறகை பட படக்க வைத்து விட்டார். ஒரு மன வருத்தத்தின் காரணமாக ,கடந்த 13 நாட்களாகவே நான் கோழி தூக்கம் தான் தூங்குகிறேன் என்பதால், இந்த தூக்க கலைவு என்னை பாதிக்க வில்லை.

ஆனால், என் எதிர் வீட்டு அண்ணன் ,"புங்கு தழையும்டா, நடுச்சாமம்
3 மணிக்கு சித்தி வரும், புத்தி வரும் நு அரமிச்சுட்டாங்க . உங்க பக்த்திக்கு ஒரு அளவே இல்லடா." என புலம்பினார். சிரித்து கொண்டே எழும் போது , தலையணை கீழே விழுந்தது. என்ன ஒரு ஆச்சர்யம் , இரவெல்லாம் தலையனைக்கு அடியில் இருந்தும். சிரித்து கொண்டே,
"வாழ்ந்து பார்க்கலாம் வா" என சுகிசிவம் அழைத்தார். அந்த புத்தகத்தை புரட்டிமுடிப்பதற்க்கும் விடிவதற்க்கும் சரியாய் இருந்தது.

பின், புதிய தலைமுறை செய்தி பார்த்தேன். " புதுக்கோட்டை மாவட்ட
மக்கள். கிறித்தவர்கள். இஸ்லாமியர்கள். இந்துக்கள் எல்லோரும் இணைந்து, விநாயகர் பூஜையில் கலந்து கொண்டனர். இதை போலவே ரம்ஜான் அன்றும் அனைவரும் இணைந்து தான் கொண்டாடினார்களாம். இந்த செய்தியை வாசித்த '''' ஜிகுடி,சற்று முன்ன பின்ன இருந்தாலும், அவர் கூறிய செய்தி மகுடிபோல் இருந்தது.சிவசேனா தலைவர் பால் தாக்கரே , காஷ்மீர் முதல்வர் பரூக் அப்துல்லா போன்றவர்களை, புதுக்கோட்டைக்கு அனுப்பித்தான் மதநல்லிணக்க பாடம் நடத்த வேண்டும்.

பிறகு வராக நதிக்கரையில் உள்ள விநாயகர் கோவிலுக்கு சென்று
பொங்கல் வைத்தோம். பட்டு சேலை கட்டிய பெண்களும். சுரிதார் அணிந்த பெண்களும் ( தாவணி மிஸ் ஆனது சற்று வருத்தம் தான் ) பொங்கல் பானை சுமக்கிற அழகே அழகு. இதை காண கண் கூடி வேண்டும்.

அடியேன் வீட்டில் நானும் என் தாயார் மட்டும் என்பதால்
சச்சரவுகள் வரவில்லை. ஆனால் எங்களுடன் பொங்கல் வைத்த மற்ற குடும்ப நண்பர்கள் பெரும்பாலும் சங்கடத்தோடுதான் பூஜை செய்தார்கள். கணவன் மனையியை கடிந்து கொள்வது ; தாய்மார்கள் குழந்தைகளை கடிந்து கொள்வது : சில வீட்டில் அப்பாவி கணவனை மனைவிகள் கடிந்து கொள்வது இந்த சம்பவங்களுடன் தான் பக்தி செலுத்தினார்கள்.( ஈரமில்லாத பக்தி )

நாம் ஒரு குழந்தையை கொஞ்சி முத்தம் தருகிறோம்.
ஆனால் குழந்தைகள் தானாய் விரும்பி நமக்கு முத்தம் தருவது அபூர்வம். அப்படி கொடுக்கும் போது, நாம் கன்னத்தில் ஈரப்பசை இல்லாமல் ,, வெறும் " இச்" என்கிற சத்தம் மட்டும் வந்தால், திருப்தியாய் இருக்குமா ? ...

இதைப் போல தான் நாம் மற்றவர்களை கடிந்து கொண்டு
இறைவனுக்கு செலுத்துகிற பக்தியும் உயிரோட்டம் இல்லாமல் போய்விடும். ஏனென்றால், நாம் இறைவணக்கம் செய்யும் போது , என்ன செய்கிறோம் என்பதை தெய்வம் கவனிக்காது. எப்படி செய்கிறோம் என்பதைத்தான் கவனிக்கும்.

"ஒரு தாய் தான் குழந்தைக்கு ஆயிரம் முத்தம் தரலாம். ஆனால் ஒரு குழந்தை தான் தாய்க்கு தரக்கூடிய ஒரு முத்தம் கூட சிறப்பானது. பக்தி என்பது நாம் கடவுளுக்கு தருகிற முத்தம் போன்றது. சிறப்பானது. -- சுகி சிவம் "

" பக்தி என்பது அன்புதான் "

**அருண்** · **அருண்** Fri Sep 02, 2011 3:18 pm

ஜிகுடி,சற்று முன்ன பின்ன இருந்தாலும், அவர் கூறிய செய்தி மகுடிபோல் இருந்தது..!

நீங்கள் கும்பிட்ட வித மும் அருமை அண்ணா..! மகிழ்ச்சி

**ayyamperumal** · **ayyamperumal** Fri Sep 02, 2011 3:19 pm

உமா wrote:உங்களின் கொண்டாட்டத்தை எங்களுடன் பகிர்ந்து கொண்டதற்க்கு மகிழ்ச்சி...

அதை நீங்கள் ஏற்று கொண்டதும் மகிழ்ச்சி அக்கா !

**ayyamperumal** · **ayyamperumal** Fri Sep 02, 2011 3:21 pm

அருண் wrote:
ஜிகுடி,சற்று முன்ன பின்ன இருந்தாலும், அவர் கூறிய செய்தி மகுடிபோல் இருந்தது..!

நீங்கள் கும்பிட்ட வித மும் அருமை அண்ணா..!

ஆமாம் தம்பி ! பக்தி, வழிபாடு இவை எல்லாம் ஒரு பக்கம் இருந்தாலும்... நம்ம வேலையை நாம் சரியாக செய்ய வேண்டும் அல்லவா !

**krishnaamma** · **krishnaamma** Fri Sep 02, 2011 3:44 pm

ரொம்ப நல்ல பகிர்வு பெருமாள் புன்னகை

"ஒரு தாய் தான் குழந்தைக்கு ஆயிரம் முத்தம் தரலாம். ஆனால் ஒரு குழந்தை தான் தாய்க்கு தரக்கூடிய ஒரு முத்தம் கூட சிறப்பானது. பக்தி என்பது நாம் கடவுளுக்கு தருகிற முத்தம் போன்றது. சிறப்பானது. -- சுகி சிவம் "

நெஞ்சை தொடும் வரிகள்

**ayyamperumal** · **ayyamperumal** Fri Sep 02, 2011 3:52 pm

krishnaamma wrote:ரொம்ப நல்ல பகிர்வு பெருமாள்

"ஒரு தாய் தான் குழந்தைக்கு ஆயிரம் முத்தம் தரலாம். ஆனால் ஒரு குழந்தை தான் தாய்க்கு தரக்கூடிய ஒரு முத்தம் கூட சிறப்பானது. பக்தி என்பது நாம் கடவுளுக்கு தருகிற முத்தம் போன்றது. சிறப்பானது. -- சுகி சிவம் "

நெஞ்சை தொடும் வரிகள்

நன்றி அம்மா ! :வணக்கம்:

**சிவா** · **சிவா** Fri Sep 02, 2011 7:13 pm

///பட்டு சேலை கட்டிய பெண்களும். சுரிதார் அணிந்த பெண்களும் ( தாவணி மிஸ் ஆனது சற்று வருத்தம் தான் ) பொங்கல் பானை சுமக்கிற அழகே அழகு. இதை காண கண் கூடி வேண்டும். ///

ஹூம்ம்ம்... புகைப்படங்கள் இணைத்திருக்கலாம்.

உங்கள் அனுபவததைப் பகிர்ந்து கொண்டதற்கு நன்றி அய்யம் பெருமாள்.

**ayyamperumal** · **ayyamperumal** Sat Sep 03, 2011 11:09 am

சிவா wrote:///பட்டு சேலை கட்டிய பெண்களும். சுரிதார் அணிந்த பெண்களும் ( தாவணி மிஸ் ஆனது சற்று வருத்தம் தான் ) பொங்கல் பானை சுமக்கிற அழகே அழகு. இதை காண கண் கூடி வேண்டும். ///

ஹூம்ம்ம்... புகைப்படங்கள் இணைத்திருக்கலாம்.

உங்கள் அனுபவததைப் பகிர்ந்து கொண்டதற்கு நன்றி அய்யம் பெருமாள்.

எனக்கும் எண்ணம் வந்தது. அலை பேசியில் எடுப்பதற்கு தயாரானேன். அந்த பெண்களும் கண்டுகொள்ள மாட்டார்கள் . ஆனால் சமூக கட்டுப்பாடு,,, யாராவது,,, பெண்களை ( குறிப்பாக வீதியில், கோவிலுக்கு செல்லும் பெண்களை ) புகைப்படம் எடுத்தால் 5000 ரூபாய் வரை அவதாரம் விதிப்பார்கள். அதுவும் நானாய் இருந்தால் தாராளமாய் 10000 ரூபாய் அவதாரம் விதிப்பார்கள். ஏனென்றால் ஒரு முறை பஞ்சாயத்து நடக்கும் போது சமுதாயம் என்றாள் என்ன ? அது யார் யாருக்கு வேலை செய்யும் ? யார் யாருக்கு வேலை செய்யாது என்கிற கேள்வியை கேட்டேன். அன்றிலிருந்து , பஞ்சாயத்து பெரிய பண்ணைகளுக்கு (பன்னிகளுக்கு) என்மீது பாசம் அதிகரித்துவிட்டது.
நன்றி சிவா ! தாங்கள் இந்த பதிவை , படிப்பதற்க்கு வாய்ப்பு இருக்காது என்று தான் எண்ணியிருந்தேன், ஆனால் படித்து விட்டீர்கள் ! நன்றி !

Sponsored content · Sponsored content

என் விநாயகர் சதூர்த்தி கொண்டாட்டம் !

என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

Re: என் விநாயகர் சதூர்த்தி கொண்டாட்டம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக