வ.உ.சி-யின் வாரிசுகளுக்கு வீடு இல்லையே தீராத சோகத்தில் தியாகிகளின் குடும்பங்கள்.

தீராத சோகத்தில் தியாகிகளின் குடும்பங்கள்..

'இந்திய சுதந்திரப் போராட் டத்தில் தங்களது உயிர், உடைமை அனைத்தையும் இழந்த பல தியாகிகளின் குடும்பங்கள் இன்று வாழ்வதற்கு வீடுகூட இல்லாமல் நிர்க்கதியாக நிற்கின்றன. ஆஷ் துரையை சுட்டுக் கொன்றுவிட்டு, தன்னையும் மாய்த்துக்கொண்ட வாஞ்சிநாதன், கப்பலோட்டிய தமிழன் வ.உ.சி., எளிமையான அரசியல்வாதி கக்கன் உட்பட எண்ணற்ற தியாகிகளின் குடும்பங்கள் இன்று வாழ்வாதாரங்கள்கூட கிடைக்காமல் கஷ்டப்படுகின்றன’ என தகவல் வரவே... விசாரணையில் இறங்கினோம்.
தியாகிகள் வாரிசுகள் சங்க நலக் கூட்டமைப்புச் செயலாளரும், தியாகி கணேசய்யர் மகனுமான பஞ்சாபிகேசனைச் சந்தித்தோம். 'கும்பகோணத்தில் சொந்த நிலங்களை எல்லாம் ஊர்ப் பொதுமக்களுக்கு எழுதிக் கொடுத்த எங்க குடும்பம், இப்போது கோயில் மனைப் பட்டா இடத்தில்தான் வாழ்கிறது. கக்கனின் மகன் சத்யநாதன், வாஞ்சிநாதனின் வாரிசு ஹரிஹர சுப்பிரமணியன் ஆகியோர் நிரந்தரம் இல்லாத அரசுக் குடியிருப்பு வீட்டில்தான் வாழ்கிறார்கள். இந்த அரசாங்க வீடு என்பது வாடகை வீடுபோலத்தான். பயன்படுத்திக்கொள்ளலாமே தவிர, சொந்தமாக்க முடியாது. ஆட்சி யாளர்கள் நினைத்தால், யாருக்கு வேண்டுமானாலும் வீடு கொடுக்க முடியும். ஆனால், எங்களுக்குக் கொடுக்கவில்லை.
பெரும் பணக்காரரான வ.உ.சி., இந்த தேசத்துக்காக தனது சொத்துகள் அனைத்தையும் விற்று... மேற்கொண்டு கடனும் வாங்கிக் கப்பல் ஓட்டினார்; சிறைக்குச் சென்றார்; செக்கிழுத்தார். இன்று அவரின் வாரிசுகளும் ஏழ்மை நிலையில்தான் இருக்கிறார்கள். சுதந்திரப் போராட்டத்தில் பங்கு பெற்ற தியாகிகளில் இன்று உயிரோடு இருப்பது சுமார் 2,000 பேர் மட்டுமே. அவர்களின் உடல் நலத்தைப்பற்றியோ, வாழ்வின் நிலை குறித்தோ ஆட்சி யாளர்கள் கவலைப்படுவது இல்லை...' என்றார் வருத்தத்துடன்.
சுதந்திரப் போராட்ட தியாகிகளில் ஒருவரான கும்பகோணத்தைச் சேர்ந்த ஆறுமுகம், 'நான் 'வெள்ளையனே வெளியேறு’ போராட்டத்தில் கலந்துகொண்டவன். இப்போது வாடகை வீட்டில்தான் வசிக்கிறேன். எங்கள் வாரிசுகளுக்கு கல்வி, வேலை வாய்ப்புகளில் முன்னுரிமை தரப்படுவது இல்லை. ஒரு தியாகி இறந்தால், அவரது இறுதிச் சடங்குக்கு தாசில்தார் அளவில் அரசுத் துறை அதிகாரி வர வேண்டும். இப்போது கிளார்க் பணியில் இருப்பவர்களைத்தான் அனுப்பி வைக்கிறார்கள்!' என மனம் உடைந்து பேசினார்.
வ.உ.சி-யின் வாரிசுகளில் ஒருவரான உலக நாதன், 'நான் வசிப்பது வாடகை வீட்டில்தான். வ.உ.சி-யின் மகள் வழி வாரிசான தனலெட்சுமி வாழ வீடு இல்லாமல் கஷ்டப்படுகிறார். அன்றாடம் கூலி வேலை செய்தே வாழ்க்கையை ஓட்டி வருகிறார். இது தெரிந்த தமிழ்நாடு காங்கிரஸ் தலைவர் தங்கபாலு, கட்சி அறக்கட்டளை மூலமாக மாதம் 3,000 கிடைக்கும்படி செய்திருக்கிறார். தனலெட்சுமி உடன் பிறந்தவர்களும் மதுரையில் சித்தாள் வேலை பார்க்கின்றனர். அவர்களுக்கு அரசாங்கம் வீடாவது கொடுத்தால் நல்லது...' என்றார். இவை அனைத்தையும் அமைச்சர் செந்தமிழன் கவனத்துக்கு நாம் கொண்டு சென்றுள்ளோம்.
வெள்ளையர்களிடம் போராடிச் சுதந்திரம் பெற்றுக் கொடுத்த தியாகிகள் ஆதரவற்று வாழ்வது, இந்தியாவின் சாபம்தான்!
- சி.சுரேஷ்
படங்கள்: கே.குணசீலன்,
செ.சிவபாலன்

நன்றி விகடன்

நல்ல அருமையான கட்டுரைப் பகிர்வு.

பிச்ச wrote:நல்ல அருமையான கட்டுரைப் பகிர்வு.

நீங்க இங்கதான் இருக்கீங்களா

maniajith007 wrote:

பிச்ச wrote:நல்ல அருமையான கட்டுரைப் பகிர்வு.

நீங்க இங்கதான் இருக்கீங்களா

வெள்ளைக்காரர்கள் ஆண்ட போதூ அவர்களுக்கு ஜால்ரா அடிதவர்கள் குடும்பம் அந்த காலத்திலும் இன்பமாய் வால்ந்தனர் இப்போளுதும் இன்பமாய் உள்ளார்கள் . சுதந்திரதுய்கு பாடுபட்டவர்கள் அன்றும் கஷ்டபட்டு இன்றும் கஷ்டத்தை அனுபவிக்கிறார்கள் .......
என்ன உலகம் இது ......

அதனால் தான் மந்திரிகளும் அரசியல் வாதிகளும் தங்கள் பதினெட்டாவது மனைவிக்கு கூட பின்னால் பத்து கார்கள் போகும் அளவிற்கு சொத்து சேர்த்து உள்ளனர்