சமையல்:பேரீச்சம்பழ பாயசம்

வின்சீலன் · வின்சீலன் Tue Aug 30, 2011 3:21 pm

தேவையான பொருட்கள்:

பேரீச்சம்பழம் (கொட்டை நீக்கியது) - 1 கப்
தேங்காய்ப் பால் - 1 கப்
வெல்லம் நறுக்கியது - 1/4 கப்
ஏலக்காய்த் தூள் - 1 சிட்டிகை
பச்சைக் கற்பூரம் - 1 சிட்டிகை
உப்பு - 1 சிட்டிகை

செய்முறை:

* கொட்டை நீக்கிய பேரீச்சம் பழத்தை பொடிப் பொடியாக அரிந்து கொண்டு தேங்காய்ப்பால் சேர்த்து மிக்சியில் அரைத்துக் கொள்ளவும்.

* வெல்லத்தை சிறிது தண்ணீர் ஊற்றி ஒரு கொதிவிட்டு கரைந்ததும், ஒரு உலோக வடிகட்டியில் தூசி நீங்க வடிகட்டிக் கொள்ளவும்.

* ஒரு வாணலி அல்லது நான்ஸ்டிக் தவாவில் தேங்காய்ப்பாலுடன் சேர்த்து அரைத்த பேரீச்சம்பழம் மற்றும் வெல்ல நீரை சேர்த்து ஒரு கொதி விடவும்,

* ஒரு சிட்டிகை பச்சை கற்பூரத்தை கட்டைவிரல் மற்றும் ஆட்காட்டி விரலுக்கு மத்தியில் வைத்து நன்கு நெரித்து கொதிக்கும் பாயசத்தில் போட்டு ஏலக்காய் பொடி தூவி ஒரு சிட்டிகை உப்பு சேர்த்து நன்கு கலந்து அடுப்பை அணைக்கவும்.

குறிப்பு:

* தேங்காய்த் துருவலை சிறிது சுடுநீருடன் சேர்த்து மிக்சியில் அரைத்து ஒரு உலோக வடிகட்டியில் போட்டு கசக்கி எடுத்து வடிகட்டிய முதல் தேங்காய்ப்பாலை உபயோகிக்க வேண்டும். சூப்பர் மார்க்கெட்டுகளில் ரெடியாகக் கிடைக்கும் தேங்காய்ப்பாலையும் உபயோகிக்கலாம்.

* ஒரு சிட்டிகை உப்பு சேர்ப்பதானது வெல்ல சுவையைத் தூக்கிக் காட்டும். வெல்லத்திற்கு பதிலாக தேவைப்பட்டால் சிறிது தேனும் உபயோகிக்கலாம்.

* மற்ற பாயசங்களில் இருந்து வேறுபட்ட சுவையுடன் இயற்கை இனிப்புடனும் கமகம மணத்துடனும் இருக்கும் பேரீச்சம் பழ பாயசம் சுவையும் ஆரோக்கியம் நிறைந்தது என்றால் சரிதானே!

பின் குறிப்பு : பச்சைக் கற்பூரம் - 1 சிட்டிகை, எனக்கு இது பிடிக்காது , எனவே பிடிக்காதவர்கள் சேர்க்காதீர்கள்

தெரிந்து கொண்டது : http://www.koodal.com/women/cooking/recipes.asp?id=1093&title=dates-payasam

**krishnaamma** · **krishnaamma** Tue Aug 30, 2011 3:30 pm

நல்லா இருக்கே இந்த பாயசம் புன்னகை

**உமா** · **உமா** Tue Aug 30, 2011 3:31 pm

சத்துள்ள ஒரு டிஷ்.... அருமையிருக்கு

**ஜாஹீதாபானு** · **ஜாஹீதாபானு** Tue Aug 30, 2011 3:33 pm

நோன்புக்கு வாங்கின பேரீச்சம் பழம் இருக்கு செய்துற வேண்டியது தான் சூப்பருங்க

Sponsored content · Sponsored content

சமையல்:பேரீச்சம்பழ பாயசம்

சமையல்:பேரீச்சம்பழ பாயசம்

Re: சமையல்:பேரீச்சம்பழ பாயசம்

Re: சமையல்:பேரீச்சம்பழ பாயசம்

Re: சமையல்:பேரீச்சம்பழ பாயசம்

Re: சமையல்:பேரீச்சம்பழ பாயசம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக