பவுனுக்கு, ரூ.696 அதிகரிப்பு: தங்கம் விலை மீண்டும் ரூ.21 ஆயிரத்தை தொட்டது

**Admin** · **Admin** Sun Aug 28, 2011 4:25 am

இந்திய ரூபாய்க்கு நிகரான அமெரிக்க டாலரின் வீழ்ச்சி, சர்வதேச சந்தையில் விலை உயர்வு போன்ற காரணங்களால் தங்கத்தின் விலை அதிகரித்தது. கடந்த சில நாட்களுக்கு முன்பு ஒரு பவுன் ரூ.21 ஆயிரத்தை கடந்தது. இது ஏழை, எளிய மற்றும் நடுத்தர மக்களை கடும் அதிர்ச்சியில் ஆழ்த்தியது.

இதற்கிடையே, அமெரிக்க டாலரின் மதிப்பு அதிகரித்ததால் கடந்த 3 நாட்களாக தங்கம் விலையில் கடும் சரிவு ஏற்பட்டது. கடந்த 25-ந்தேதி அன்று பவுனுக்கு ரூ.1360 குறைந்தது. பவுன் ரூ.19 ஆயிரத்து 432-க்கு விற்றது. இது மக்களை மகிழ்ச்சியில் ஆழ்த்தியது. ஆனால், அது நிலைக்க வில்லை.

நேற்று ஒரே நாளில் மீண்டும் பவுனுக்கு ரூ.768 அதிகரித்தது. எனவே, ஒரு பவுன் ரூ.20 ஆயிரத்து 200 ஆக விற்றது. இன்று மீண்டும் பவுனுக்கு ரூ.696 உயர்ந்து ரூ.20 ஆயிரத்து 896 ஆக உள்ளது. இதன் மூலம் ஒரு பவுன் ரூ.21 ஆயிரத்தை தொட்டது.

ஒரு கிராம் ரூ.2612-க்கு விற்கிறது. அதிகரித்து வந்த அமெரிக்க டாலரின் மதிப்பு மீண்டும் குறைந்து வருவதால் தங்கம் விலை உயர்ந்து வருவதாக கூறப்படுகிறது. மேலும் விலை உயர்வுக்கு திருமண சீசனும் மற்றொரு காரணமாக கருதப்படுகிறது.

இதேபோல வெள்ளியின் விலையும் தொடர்ந்து அதிகரித்து வருகிறது. நேற்று ஒரு கிலோ வெள்ளி ரூ.62 ஆயிரத்து 805 ஆக இருந்தது. இன்று கிலோவுக்கு ரூ.1450 உயர்ந்து ரூ.64 ஆயிரத்து 255 ஆக உள்ளது. ஒரு கிராம் ரூ.68.75-க்கு விற்கப்படுகிறது.

மாலைமலர்

முகம்மது ஃபரீத் · 07/07/2011

**பிரசன்னா** · **பிரசன்னா** Sun Aug 28, 2011 9:59 am

எனது நண்பனின் facebookல் இருந்து

தங்கம்

தங்கத்தின் விலையேற்றத்தைப் பார்க்கும்போது... இனிவரும் காலங்களில் "தங்கம்" வாங்குவதற்கான வார்த்தையாக இல்லாமல், "வாடி என் தங்கம்" என்று கொஞ்சுவதற்கான வார்த்தையாக மாறிப் போகுமோ?...