10 ரூபாய் பிளாஸ்டிக் நோட்டுகள் விரைவில் வெளியிடப்படும் : ரிசர்வ் வங்கி கவர்னர்

விசாகப்பட்டினம் : சுற்றுச்சூழல் மாசுபடாத வகையில், முதல் கட்டமாக 10 ரூபாய் பிளாஸ்டிக் நோட்டுகள் விரைவில் முத்திரையிடப்படும் என, இந்திய ரிசர்வ் வங்கியின் கவர்னர் டி.சுப்பாராவ் தெரிவித்தார். விசாகப்பட்டினத்தில், நேற்று முன்தினம் (திங்களன்று) ஆந்திர பல்கலைக் கழகத்தில், "ஒவ்வொருவரின் வாழ்க்கையிலும் ரிசர்வ் வங்கியின் தாக்கம்' என்ற தலைப்பில் நடந்த கருத்தரங்கில் கலந்து கொண்டு பேசிய சுப்பாராவ், மேலும் கூறியதாவது: சிங்கப்பூர், மலேசியா போன்ற நாடுகளில், தற்போது உபயோகத்தில் உள்ள பிளாஸ்டிக் ரூபாய் நோட்டுகளை போன்று, நமது நாட்டிலும் முத்திரையிடப்பட்டு, வழக்கத்திற்குக் கொண்டு வரப்படும். சமூக நலத் திட்டங்கள் மூலம், மத்திய அரசு மக்களுக்கு வழங்கி வரும் சலுகைகள், இடைத்தரகர்களின் கைகளில் சிக்குவதால் ஊழல் நடக்கிறது. இதைத் தடுக்க வேண்டுமானால், மக்களுக்குக் கிடைக்க வேண்டிய உதவித் தொகையை, வங்கிகள் மூலம் நேரிடையாக அவர்களுக்கு வழங்குவது ஒன்றே சிறந்த வழி.

ஏழைகள் அதிகமாக உள்ள நமது நாட்டிற்கு, இத்திட்டம் மிகவும் உதவிகரமாக இருக்கும். இதன் மூலம், சலுகைத் தொகை, வங்கிகள் மூலம் பயனாளிகளுக்கு கிடைக்கும். நாட்டில் 5 சதவீதம் பேர் மட்டும், வங்கிகளின் சேவையை உபயோகப்படுத்தி வருகின்றனர். வங்கிகளின் மீது, மக்களிடம் நம்பகத் தன்மை ஏற்பட்டால் தான், ரிசர்வ் வங்கியின் லட்சியம் நிறைவேறியதாகக் கருதப்படும். ரிசர்வ் வங்கி 75வது ஆண்டு நிறைவையொட்டி, கிராமங்களுக்குச் சென்று, வங்கிகளின் பயன், சேவை குறித்து மக்களிடமும், மாணவர்களிடமும் விழிப்புணர்ச்சி ஏற்படுத்த வேண்டிய கடமை, வங்கி அதிகாரிகளுக்கு உள்ளது. இவ்வாறு சுப்பாராவ் கூறினார். மேலும், கீதம் பல்கலைக் கழகத்தில் ஏற்பாடு செய்திருந்த நிகழ்ச்சியிலும், சுப்பாராவ் கலந்துகொண்டு உரையாற்றினார். நிகழ்ச்சியில், கல்லூரிப் பேராசிரியர்கள், ஏராளமான மாணவர்கள் கலந்து கொண்டனர்.

தினமலர்

நல்லது......

இத ரொம்ப நாளா சொல்லறாங்க... இன்னும் வந்த பாடில்லை...

டெல்லி: இந்தியாவில் விரைவில் ப்ளாஸ்டிக் நோட்டு அறிமுகப்படுத்தப்பட உள்ளது. முதல்கட்டமாக 10 ரூபாய் நோட்டு வெளியிடப்படும் என மத்திய அமைச்சர் நமோ நாராயணன் மீனா தெரிவித்துள்ளார்.

தற்போது இந்தியாவில் ரூபாய் நோட்டுக்கள் சிறப்பு காகிதத்தில் அச்சடிக்கப்பட்டு வெளியாகின்றன.

ஆனால் இவை அதிக நாள் புழக்கத்தில் இருப்பதில்லை. சீக்கிரம் அழியும் தன்மை கொண்டதாக உள்ளன.

இதற்காக தற்போதைய காகிதத்துக்கு பதிலாக பாலிமரால் ஆன ரூபாய் நோட்டுகளை அச்சடிக்க முடிவு செய்துள்ளது இந்திய அரசு. இந்த பாலிமர் (ப்ளாஸ்டிக்) ரூபாய் நோட்டுகள் முதலில் ஆஸ்திரேலியாவில் அறிமுகப்படுத்தப்பட்டது.

இதை தொடர்ந்து நியூசிலாந்து, நியூசிரியா, ருமேனியா, பர்முடா, புருனே, வியட்நாம் ஆகிய நாடுகளில் அறிமுகப்படுத்தப்பட்டது. இப்போது இந்தியாவிலும் பிளாஸ்டிக் ரூபாய் நோட்டு அறிமுகமாகிறது.

முதல் கட்டமாக சோதனை ரீதியில் 10 ரூபாய் பிளாஸ்டிக் நோட்டு அச்சடிக்கப்பட உள்ளது. மொத்தம் 100 கோடி மதிப்புக்கு 10 ரூபாய் நோட்டுகள் அச்சடிக்கப்படும் என்றும் சோதனை ரீதியாக நாட்டின் 5 நகரங்களில் முதலில் புழக்கத்தில் விடப்படும் என்று மத்திய நிதித்துறை இணை அமைச்சர் நமோ நாராயணன் மீனா நேற்று பாராளுமன்றத்தில் தெரிவித்தார்.

இதன் மூலம் கள்ள நோட்டுகள் புழக்கத்தில் வருவது தடுக்கப்படும் என்றும் அவர் கூறினார். 10 ரூபாய் பிளாஸ்டிக் நோட்டுகள் அச்சிடுவதற்காக கடந்த 2009-ம் ஆண்டு சர்வதேச அளவில் டெண்டர்கள் கோரப்பட்டன. பிளாஸ்டிக் ரூபாய் நோட்டுகளுக்கு கிடைக்கும் வரவேற்பை பொறுத்து இத்தகைய நோட்டுகளை பெருமளவில் அனைத்து மதிப்புகளிலும் அச்சடிப்பது குறித்து முடிவு செய்யப்படும் என்றும் அமைச்சர் தெரிவித்தார்.

thatstamil

http://www.eegarai.net/t66506-10?theme_id=14700&tt=1

இதை பற்றி ஏற்கனவே ஒரு செய்து உள்ளது...இரண்டையும் இணைத்து விட்டேன் கிச்சா....

உமா wrote:http://www.eegarai.net/t66506-10?theme_id=14700&tt=1

இதை பற்றி ஏற்கனவே ஒரு செய்து உள்ளது...இரண்டையும் இணைத்து விடலாமா கிச்சா....

தாராளமாக

நல்லது தான், வரவேற்போம்

தகவலுக்குநன்றி கிச்சா

உமா wrote:http://www.eegarai.net/t66506-10?theme_id=14700&tt=1
இதை பற்றி ஏற்கனவே ஒரு செய்து உள்ளது...இரண்டையும் இணைத்து விட்டேன் கிச்சா....

மிக்க நன்றி உமா ,

ராஜா wrote:

உமா wrote:http://www.eegarai.net/t66506-10?theme_id=14700&tt=1
இதை பற்றி ஏற்கனவே ஒரு செய்து உள்ளது...இரண்டையும் இணைத்து விட்டேன் கிச்சா....

மிக்க நன்றி உமா ,