ஆசிரியை திட்டியதால் மாணவி தற்கொலை முயற்சி!

First topic message reminder :

கோவை: அரசு பாலிடெக்னிக் பள்ளி மாணவி ஒருவரை வகுப்பு ஆசிரியை திட்டியதால் அரசு பாலிடெக்னிக் பள்ளி மாடியில் இருந்து குதித்து தற்கொலை செய்து கொள்ள முயன்ற மாணவி படுகாயமடைந்தார். இதனால் ஆத்திரமடைந்த மாணவிகள் அந்த ஆசிரியையை பணி நீக்கம் செய்யக் கோரி தர்ணாவில் ஈடுபட்டதால் பரபரப்பு ஏற்பட்டுள்ளது.

திருப்பூர் மாவட்டம் பல்லடம் வைரம் நகரை சேர்ந்தவர் நாகராஜ் இவரது மகள் புவனேஸ்வரி (வயது 20) இவர் கோவை பி.என்.பாளையம் ரோடு அரசு பெண்கள் பாலிடெக்னிக் கல்லூரியில் ஐ.சி.இ பிரிவில் 3ம் ஆண்டு படிக்கிறார். நேற்று முன்தினம் காலை பாடம் நடத்திக் கொண்டிருந்தபோது புவனேஸ்வரியுடன் படிக்கும் சக மாணவி வகுப்புக்கு தாமதமாக வந்ததை ஆசிரியை சுகந்திராணி கண்டித்து அவரை வகுப்புக்கு வெளியே நிறுத்தினார். ஆனால் சிறிது நேரத்தில் அந்த மாணவி வகுப்புக்குள் வந்தார். புவனேஸ்வரி சைகை செய்ததால்தான் அவர் உள்ளே வந்ததாக கருதிய ஆசிரியை புவனேஸ்வரியை சற்று வன்மையாக கண்டித்திருக்கிறார்

இதனால் மனமுடைந்த புவனேஸ்வரி நேற்று முன்தினம் மாலை கல்லூரியின் 3வது மாடியில் இருந்து குதித்து தற்கொலைக்கு முயன்றார். படுகாயமடைந்த அவரை சக மாணவிகள் தனியார் மருத்துவமனையில் சேர்த்தனர். இதுகுறித்து ரேஸ்கோர்ஸ் காவல்துறையினர் வழக்கு பதிவு செய்தனர்.

இந்நிலையில், ஆசிரியை சுகந்திராணியை பணிநீக்கம் செய்ய கோரி மாணவிகள் நேற்று வகுப்புகளை புறக்கணித்து பாலிடெக்னிக் வளாகத்தில் தர்ணா செய்தனர். உதவி கமிஷனர் அப்பாசாமி, கல்லூரி முதல்வர் வனிதாமணி ஆகியோர் மாணவிகளிடம் பேச்சுவார்த்தை நடத்தினர்.

மாணவிகள் கூறுகையில், மாணவி வகுப்புக்குள் வந்ததற்கு புவனேஸ்வரி காரணம் அல்ல. ஆசிரியை போர்டில் எழுதிவிட்டு கையை உதறியபோது, உள்ளே வரச்சொல்வதாக தவறுதலாக நினைத்து அந்த மாணவி வந்துவிட்டார். இருப்பினும் ஆசிரியை காலில் விழுந்து புவனேஸ்வரி மன்னிப்பு கேட்டார். ஆனால் அவர் மாணவியை கடுமையான வார்த்தைகளால் பேசியுள்ளார். எனவே ஆசிரியையை பணிநீக்கம் செய்ய வேண்டும். அதுவரை தொடர்ந்து போராடுவோம் என்றனர்.

இது குறித்து பாலிடெக்னிக் முதல்வர் வனிதாமணி கூறுகையில், புவனேஸ்வரியின் மருத்துவ செலவு முழுவதையும் சுகந்திராணி ஏற்பதாக கூறியுள்ளார். இதுபற்றி சென்னையில் உள்ள அரசு தொழில் நுட்ப கல்வி இயக்ககத்துக்கு தெரிவிக்கப்பட்டுள்ளது’ என்றார்.

inneram

எதுக்கொல்லாம் தற்கொலை என்றே இலல்

உதயசுதா wrote:இப்ப எல்லாம் எதற்கெடுத்தாலும் தற்கொலை என்ற எண்ணம் பெருகி வருகிறது.அந்த அளவுக்கு பிள்ளைகளை பெத்தவங்க செல்லம் கொடுத்து தன்னம்பிக்கையே இல்லாம வளர்த்துடுறாங்க

சகோதரி சொல்வது முற்றிலும் சரியானது.

இதற்கு காரணம் வானியல் மாற்றங்கள் என்று சமீபத்தில் படித்த ஞாபகம்.

காலையில் திட்டியதற்கு , மாலையில் தற்கொலை முயற்சியா?!
எனக்கென்னவோ தவறு அந்த பெண்ணின் மீது உள்ளது போல தோன்றுகிறது.அதனால் தான் பின்விளைவுகளுக்கு அஞ்சி தற்கொலை முடிவை எடுத்துள்ளார்.

ராஜா wrote:காலையில் திட்டியதற்கு , மாலையில் தற்கொலை முயற்சியா?!
எனக்கென்னவோ தவறு அந்த பெண்ணின் மீது உள்ளது போல தோன்றுகிறது.அதனால் தான் பின்விளைவுகளுக்கு அஞ்சி தற்கொலை முடிவை எடுத்துள்ளார்.

இருக்கலாம் அண்ணா வகுப்பில் மாணவர்களும் இல்லை மாணவிகள் மட்டுமே உள்ளார்கள் என்கிறார்கள் அப்படி இருக்கையில் ஆசிரியை திட்டுவதை எளிதாக தான் எடுத்து கொள்ள வேண்டும்... என்ன தான் அவர் கொடுரமாக திட்டி இருந்தாலும் ஒரு சில மணி நேரங்கள் வரை தான் அதிக பட்சம் இருக்கும் அதற்க்கு பின் சக மாணவிகளோடு சேர்ந்து திட்டிய ஆசிரியை தான் அந்த மாணவி மற்றும் அவரது நண்பர்கள் திட்டுவார்கள் இது தான் இயல்பாக நடக்கும் நிகழ்வு என்று நினைக்கிறேன்
அல்லது அவர் திட்டியதை மட்டுமே நினைத்து கொண்டு இருந்து விட்டு ஒரு சமயத்தில் தற்கொலை செய்து கொள்ளும் முடிவிற்க்கு சென்று இருக்கலாம்...

ரா.ரமேஷ்குமார் wrote:என்ன தான் அவர் கொடுரமாக திட்டி இருந்தாலும் ஒரு சில மணி நேரங்கள் வரை தான் அதிக பட்சம் இருக்கும் அதற்க்கு பின் சக மாணவிகளோடு சேர்ந்து திட்டிய ஆசிரியை தான் அந்த மாணவி மற்றும் அவரது நண்பர்கள் திட்டுவார்கள் இது தான் இயல்பாக நடக்கும் நிகழ்வு என்று நினைக்கிறேன்

நானும் இதை தான் நினைத்தேன் ரமேஷ் , மூன்றாம் ஆண்டு மாணவி என்பதால் ஆசிரியர் பெற்றோரை அழைத்து வர சொல்லியிருப்பார் அல்லது ப்ராஜக்ட் / வைவா இவற்றில் பிரச்சினை பண்ணுவேன் என்று மிரட்டியிருப்பார் என்று நினைக்கிறேன்

//ஆசிரியை காலில் விழுந்து புவனேஸ்வரி மன்னிப்பு கேட்டார்//
இது எல்லாம் சக மாணவிகளே உருவாக்கிய ஒன்றாக இருக்கும் எந்த கல்லூரியில் இப்பொழுது செய்த தவறுக்கு காலில் விழுகிறார்கள்...தவறு செய்து இருப்பின் கண்ணீர் விடுவார்கள் அல்லது சாரி மேம் இனிமேல் செய்ய மாட்டேன் என்பார்கள் அதிக பட்சமாக மன்னிப்பு கடிதம் எழுதுவார்கள் இப்படி எல்லாம் காலில் விழுந்து மன்னிப்பு கேட்கமாட்டார்கள்.இது தான் அந்த ஆசிரியை சிக்க வைக்க சரியான தருணம் என்று கூறி மாட்ட வைத்து இருப்பார்கள்...