இந்த நாள் இனிய நாள்

வித்யாசாகர் · வித்யாசாகர் Sat Sep 19, 2009 5:40 am

இந்த நாள் இனிய நாள்

அதோ சில்லென்ற காற்று
வீசுது பார்;

பறவைகள் இசைக்கும்
சங்கீதம் பார்;

கட்டில் மணக்க நனைத்த
சிறு (பன்)னீர் ஈரத்தில் குழந்தைகள்
சோம்பல் முறித்து சிரிப்பதை பார்;

கா.. விடிந்துவிட்டது; கா.. விடிந்து விட்டது என
நம்மை தொடாமல் எழுப்பும் காகத்தை பார்;

மழை பெய்த மண் வாசத்தையும்
வீட்டின் கூரைகளின் மேல் எழும் -
இருள் படிந்த விடியல் வாசத்தையும் பார்;

நடக்கையில் கால் நனைத்து இதயம் தொட்ட
புல்வெளிகளின் மேல் - பிறந்து உறங்கும்
நேற்று ஒற்றை இரவு வயதேயான
பனித் துளிகளை பார்;

வானம் அழகாக மடிந்து
காலை வணக்கம் சொல்ல;
விடை பெறவிருக்கும் - வெண்ணிலவும்
நட்சத்திரங்களும்.. கூட வணக்கம் வணக்கமென
வரவேற்பதை பார்;

நமக்கு முன் எழுந்து மலர்ந்த மலர்களெல்லாம்
வணக்கம் வணக்கமென இனிய தமிழில் - சொல்லி
தன் இதழ்களை அசைத்து அசைத்து கைகொட்டி சரிப்பதை பார்;

இறக்கை தட்டி மேலே பரந்த - சேவல் ஒன்று
வீட்டின் முகப்பின் மீதேறி கொக்கரக்கோ கொக்கரக்கோவென
காலை புலர்ந்து விட்டதற்கான நம்பிக்கையை தந்து -
வாழ்த்தினை சொல்கிறது பார்;

எல்லோரின் விண்ணப்பத்திற்கும் -
செவி சாய்த்தவனாய் - சூரியன் அதோ
மஞ்சள் பூத்து ஒளிர்ந்தெழுகிறான் பார்;

இப்படி, பார் பாரென எழுதிக் கொண்டிருக்கையில்
கடவுள் என்னை அழைத்து -
எல்லாம் பார்த்துக் கொண்டு தானிருக்கிறேன்;

எல்லாமும், இன்றும், இனி விடியும் பொழுதுகளும்
நல்லதாகவே இருக்க..
நடக்க..
நானிருக்கிறேன்;

இந்த நாள் இனிய நாள் தான்,
மங்களம்உண்டாகட்டுமென்றார்!
-----------------------------------------------------
வித்யாசாகர்

வித்யாசாகர் · வித்யாசாகர் Sat Sep 19, 2009 5:41 am

இக்கவிதை மீனு கேட்டதற்கிணங்க எழுத பட்டது, நன்றாக இருந்தால் நன்றியை மீனுவுக்கு தெரிவியுங்கள்!

நன்றி மீனு.. இந்த நாள் இனிய நாள் 678642

மீனு · மீனு Sat Sep 19, 2009 5:45 am

எல்லாமும், இன்றும், இனி விடியும் பொழுதுகளும்
நல்லதாகவே இருக்க..
நடக்க..
நானிருக்கிறேன்;

இந்த நாள் இனிய நாள் தான்,
மங்களம்உண்டாகட்டுமென்றார்!

முதலில் நன்றிகள் வித்யாசாகர்.. ஈகரை இரண்டாம் ஆண்டு தொடக்கத்தை வித்யாசாகர் அவர்கள் இந்த நாள் இனிய நாள் என்ற கவிதை மூலம் அற்புதமாக தொடங்கி வைத்து உள்ளார்.. படிக்கும் போதே ஒரு புத்துணர்ச்சி தோன்றுகிறதே.. இப்படி நம்ம விட்யாசாகரால் மட்டுமே முடியும் ..அருமையான வரிகள்..பாராட்டுக்களுடன் நன்றிகள் வித்யாசாகர்..
அன்புடன் மீனு

மீனு · மீனு Sat Sep 19, 2009 5:47 am

vidhyasagar wrote:இக்கவிதை மீனு கேட்டதற்கிணங்க எழுத பட்டது, நன்றாக இருந்தால் நன்றியை மீனுவுக்கு தெரிவியுங்கள்!

நன்றி மீனு..

ஐயோ மீனுவுக்கு நன்றியா ..என்ன வித்யாசாகர் ..உங்கள் உயர்ந்த குணத்தை இந்த பண்பு காமிக்கின்றது.. கேட்டதும் கவிதையை அருமையாக கொடுத்த வித்யாசாகருக்கு நன்றிகள்.. இந்த நாள் இனிய நாள் 938222

வித்யாசாகர் · வித்யாசாகர் Sat Sep 19, 2009 5:50 am

மீனு..

வித்யாசாகர் · வித்யாசாகர் Sat Sep 19, 2009 4:09 pm

தங்களின் கவனத்திற்கு..

**சிவா** · **சிவா** Sat Sep 19, 2009 5:22 pm

இந்த நாள் இனிய நாள் - உண்மையிலேயே எனக்கு இனிய நாள்தான். பல மகிழ்ச்சியான சந்திப்புகள், இனிமையான செய்திகள் என மனம் குளிர்ந்திருக்கும் நன்னாள் இது!

வித்யாசாகர் · வித்யாசாகர் Sat Sep 19, 2009 6:24 pm

இனியும் இனிய நாள் தான் சகோதரரே இந்த நாள் இனிய நாள் 154550

Sponsored content · Sponsored content

இந்த நாள் இனிய நாள்

இந்த நாள் இனிய நாள்

Re: இந்த நாள் இனிய நாள்

Re: இந்த நாள் இனிய நாள்

Re: இந்த நாள் இனிய நாள்

Re: இந்த நாள் இனிய நாள்

Re: இந்த நாள் இனிய நாள்

Re: இந்த நாள் இனிய நாள்

Re: இந்த நாள் இனிய நாள்

Re: இந்த நாள் இனிய நாள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக