“புல்லட் ரெயில்கள்” இயக்கப்படுவது எப்படி??

puthiyaulakam · puthiyaulakam Mon Aug 22, 2011 6:31 pm

அதிவேக ரெயில்கள் (புல்லட் ரெயில்கள்) `கோட் சிஸ்டம்’ எனப்படும் சங்கேதக் குறிப்பு முறையில் இயக்கப்படுகின்றன. ரெயில் எத்தனை மணிக்கு, எந்த இடத்தில் இருக்க வேண்டும் என்று கம்ப்ïட்டரில் தகவல்களை கட்டளைகளாகப் பதிவு செய்து விட்டால், அது ரெயிலின் இயக்கத்தை மிகச் சரியாகக் கட்டுப்படுத்துகிறது. எங்கு மெதுவாகச் செல்ல வேண்டும், எங்கு வேகம் எடுக்க வேண்டும், எங்கு நிற்க வேண்டும் என்பதோடு, வேறு பல பிரச்சினைகளையும் கணினி கவனித்துக்கொள்கிறது.
இந்தக் கணினி தரும் சங்கேதக் குறிப்புகள் ரெயிலின் டிரைவிங் பகுதி, அதை இயக்கும் பகுதி போன்றவற்றுக்கும் தகவல்களாகச் செலுத்தப்படுகின்றன. இதுவே வெளிநாடுகளில் நவீன ரெயில்கள் இயக்கப்படும் விதம்.

தானாகவே இயங்கும் ரெயில்கள், ரெயில் பாதையில் ஏற்படும் மின்காந்த அதிர்வலைகளை வைத்து இயக்கப்படுகின்றன. வேகம் எடுப்பதற்கும், `பிரேக்’ போடுவதற்கும் அதிக அதிர்வலைகளும், மெதுவாகச் செல்வதற்குக் குறைந்த அதிர்வலைகளும் தேவை. இந்த சங்கேதக் குறிப்புகள் இயங்கத் தவறினால் ரெயில் தானாகவே நின்றுவிடும். `ஆட்டோமேட்டிக் சிக்னல்’களைக் கவனிக்க இந்த ரெயிலில் ஓர் இயக்குநர் மட்டும் இருப்பார். அவர் இரண்டு பட்டன்களை அழுத்தி ரெயிலை `ஸ்டார்ட்’ செய்வார். மற்றபடி சிக்னல்களின் குறிப்புப்படி ரெயில் ஓடும். அபாய வேளைகளில் அதற்கான உத்தரவு செலுத்தப்பட்டு ரெயில் நிறுத்தப்படும்.