உண்ணாவிரதம் இருந்தால் காந்தியாகி விட முடியாது! - நமீதா

First topic message reminder :

உண்ணாவிரதம் இருப்பவர்களெல்லாம் காந்தியாகி விட முடியாது என்று நடிகை நமீதா கருத்து தெரிவித்துள்ளார். அன்னா ஸாரேவின் போராட்டம் குறித்து நமீ்தா அளித்துள்ள பேட்டியில்தான் இப்படி தெரிவித்திருக்கிறார். ஹசாரேவின் போராட்டத்திற்கு நாடு முழுவதும் பலத்த வரவேற்பு ஏற்பட்டுள்ளதை யாராலும் மறுக்க முடியாது. பாலிவுட் படவுலகில் பல நட்சத்திரங்கள் ஹசாரேவின் போராட்டத்திற்கு ஆதரவு தெரிவித்து வருகிறார்கள். தமிழில் கமல்ஹாசன் உள்ளிட்ட ஒரு சில நட்சத்திரங்களைத் தவிர, வேறு யாரும் கருத்து தெரிவிக்கவோ, ஆதரவு கொடுக்கவோ முன்வரவில்லை.

இந்நிலையில் நடிகை நமீதா பரபரப்பு கருத்து தெரிவித்துள்ளார். அவர் அளித்துள்ள பேட்டியில், அன்னா ஹஸாரேவின் போராட்டம் வெறும் பரபரப்பு செய்திக்குதான் இன்று உதவிக் கொண்டிருக்கிறது. இந்தப் போராட்டத்தால் எந்தப் பலனும் ஏற்படப் போவதில்லை. நாட்டில் இன்றைக்கு முக்கியப் பிரச்சினை தீவிரவாதம்தான். அதை ஒழிக்கத்தான் நாம் முக்கியத்துவம் அளிக்க வேண்டும். மக்கள் பாதுகாப்பாக இருக்கிறார்களா என்று பாருங்கள். ஊழல் ஏதோ இன்று நேற்று வந்துவிடவில்லை. பல நூறு ஆண்டுகளாக இந்த நாட்டில் வேரூன்றிப் போன ஒன்று. அதை இந்த மாதிரி திடீர் போராட்டங்களால் ஒழிக்க முடியாது. இந்தப் போராட்டத்தை மக்களிடம் கொண்டு போக வேண்டும்.

ஹஸாரே அரசியலமைப்புடன் சண்டை போட்டுக் கொண்டிருப்பது தவறு. லஞ்சம் தரக்கூடாது என்ற உணர்வை முதலில் மக்களிடம் உண்டாக்க ஹஸாரே போன்றவர்கள் முயற்சிக்க வேண்டும். கொடுப்பதை நிறுத்தினால் வாங்குவதும் நின்று போகும். குறிப்பாக கார்ப்பரேட் நிறுவனங்கள், பெரிய மனிதர்கள் காரியம் சாதிக்க லஞ்சம் கொடுப்பதை நிறுத்தட்டும். நான் குஜராத் மாநிலத்தில் பிறந்தவள். காந்தி பிறந்த மண்ணில் பிறந்த எனக்கு காந்தீய போராட்டத்தின் அடிப்படை தெரியும். ஹஸாரேயின் போராட்டம் காந்தீய போராட்டமல்ல. உண்ணாவிரதமிருந்தால் காந்தியாகிவிட முடியாது. காந்தியுடன் மக்கள் இருந்தார்கள். 100 சதவீத வெற்றி அவருக்குக் கிடைத்தது. ஹஸாரே போராட்டம் சிலரால் திட்டமிடப்பட்டதாக தெரிகிறது. இதற்கு 20 சதவீத பலன் கூட இருக்காது.

இப்போதுள்ள அரசியல் சட்டம், தன்னிச்சையான அமைப்புகளே கூட லஞ்சம் வாங்குபவர்களை தண்டிக்கப் போதுமானது. சமீபத்தில் ஒரு நீதிபதி மீதே பாராளுமன்றம் நடவடிக்கை எடுத்திருப்பதை கவனிக்க வேண்டும், என்று கூறியுள்ளார்.
தினமலர்

நமீதாவும் காந்தியவாதி தான். அதனால்தான் அரையாடை உடுத்துகிறார்.

மகா பிரபு wrote:நமீதாவும் காந்தியவாதி தான். அதனால்தான் அரையாடை உடுத்துகிறார்.

வர வர யாரு யார பத்தி சொல்லனும்ன்னு ஒரு விவஸ்தையே இல்லாம போச்சுப்பா.இருந்தாலும் அவங்க சொல்றதும் சரிதான்.ஊழலை ஒழிக்க அரசுடன் போராடுவதை விடுத்து மக்களுக்கு விழிப்புணர்வ கொண்டுவரனும்.

கபாலி wrote:

ரபீக் wrote:இருந்தாலும் நமீதா சொல்வது போல உண்ணாவிரதம் இருப்பவர்கள் எல்லாம் காந்தி ஆக முடியாது என்பது சற்று உண்மையே !!

காந்தி போல ஏன் ஆகனும்..? எலலாத்துக்கும் அளவுகோலா காந்தியை எடுப்பதே கூட தவறு.. எலலா சராசரி மனிதரைப்போலதான் காந்தியும் சில சுய நலங்களுக்கு ஆளானாரு. காந்தி போராடினது வெள்ளையர் கிட்ட.. அதாவது நாகரீகம் தெரிஞ்சவங்க கிட்ட.. நாயை தூக்கிடனும்னாலும் நாயமா செய்யறவங்க.. பொட்டுன்னு சுட்டுத்தள்ள அவங்களுக்கு எவ்வளவு நேரமாகும்..? ஆனா வெள்ளையர் சுடலையே ... இப்ப இருக்கும் காங்கிரஸ் ஊழல் முதலைகளுக்கு வித்தூன்றினதும் கூட காந்தியின் சில செயல்கள் தான்... அன்னா ஹசாரே காந்தியை விட மேலானவர் என்று காலம் காட்டும் கண்டிப்பா..

சூப்பர் கபாலி , என்னுடைய கருத்தும் இது தான்

நமீதா வுக்கு ஹசாரே மேல் என்ன கோபமோ?

கபாலி wrote:
காந்தி போல ஏன் ஆகனும்..? எலலாத்துக்கும் அளவுகோலா காந்தியை எடுப்பதே கூட தவறு.. எலலா சராசரி மனிதரைப்போலதான் காந்தியும் சில சுய நலங்களுக்கு ஆளானாரு. காந்தி போராடினது வெள்ளையர் கிட்ட.. அதாவது நாகரீகம் தெரிஞ்சவங்க கிட்ட.. நாயை தூக்கிடனும்னாலும் நாயமா செய்யறவங்க.. பொட்டுன்னு சுட்டுத்தள்ள அவங்களுக்கு எவ்வளவு நேரமாகும்..? ஆனா வெள்ளையர் சுடலையே ... இப்ப இருக்கும் காங்கிரஸ் ஊழல் முதலைகளுக்கு வித்தூன்றினதும் கூட காந்தியின் சில செயல்கள் தான்... அன்னா ஹசாரே காந்தியை விட மேலானவர் என்று காலம் காட்டும் கண்டிப்பா..

கண்ணம்மாபேட்டை கபாலியின் கருத்து ஏற்புடையது, பாராட்டத் தக்கது.

ஊழலலை ஒழிக்க இவர் ஒருவராது போராடுராரே அதை நினைத்து சந்தோஷ படனும் அதை விட்டுடுட்டு காந்தி யாக முடியாது நேரு ஆக முடியாது நு சொல்லிக்கிட்டு..!

அருண் wrote:ஊழலலை ஒழிக்க இவர் ஒருவராது போராடுராரே அதை நினைத்து சந்தோஷ படனும் அதை விட்டுடுட்டு காந்தி யாக முடியாது நேரு ஆக முடியாது நு சொல்லிக்கிட்டு..!

அருண் நீங்க சொல்றது சரி. யாரோ ஒருவர் போராடுகிறாறேன்னு கண்டிப்பாக சந்தோஷப் பட வேண்டும்.



இந்தப் பத்திரிக்கைகளும் சும்மா இருப்பதில்லை - ஏதாவது செண்சேஷனை கிரியேட் பண்ணி பொழப்ப நடத்தனூன்னு இப்படி பண்றாங்க.



இது போல் போராட்டங்கள் அந்தந்த கால கட்டங்களில் மக்கள் நலனை விரும்பும் நபர்களால் செய்யப் படுகிறது. அதை ஆதரிக்க வில்லை எனினும், பாராட்ட மனம் இல்லை எனினும் அட்லீஸ்ட் இது போல் சரித்திரத் தலைவர்களுடன் ஒப்பிடாமல் இருப்பதே நன்று.



நீங்கள் சொல்வதை ஆமோதிக்கிறேன் நானும்.

அன்னா ஹாசரே காந்தியை விட மேலானவர்.

தாய் நாட்டின் சேவைக்காக எங்கே குடும்பம் என்ற சூழல் குறுக்கே நிற்குமோ என்று திருமணத்தையே உதறியவர்.

அவர் செய்கிற செயலை ஆதரிக்க பிடிக்கவில்லை என்றால், அமைதியாக இருப்பது நல்லது.

இந்த சினிமா உலகம், மறந்துவிட்ட நிலையில் மீண்டும் செய்தித் தாளில் இடம் பிடிக்க வேண்டும் என்பதற்காக அற்பத்தனமான பேட்டி கொடுக்கும் இப்படி ஆள்களை என்ன செய்வது.

என்னுடைய கமெண்ட் நமிதாவிற்கு. - கவர்ச்சி காட்டுகிற எல்லோரும் சில்க் சிமிதா ஆகிவிட முடியாது.