மின்னணு ரேஷன் கார்டு

உணவு மற்றும் கூட்டுறவு துறைகளுக்கான மானியக் கோரிக்கைகள் மீது நடந்த விவாதத்தில் குறுக்கிட்டு ஜெயலலிதா பேசியதாவது: இப்போதுள்ள குடும்ப அட்டைகளின் செல்லத்தக்க காலம் டிசம்பர் 31ம் தேதியுடன் முடிகிறது. தற்போது ரேஷன் அட்டை வழங்கும் முறையில் ஒரே நபர் ஒன்றுக்கு மேற்பட்ட இடங்களில் பதிவு செய்தால் அதனை கண்டுபிடிக்க வழியில்லை. இதனால் ஒன்றுக்கு மேற்பட்ட இடங்களில் ஒரே நபர் பெயர் இடம்பெறும் நிலையும், போலி அட்டைகள் வழங்கப்படும் நிலையும் உள்ளது.

மேலும், ரேஷன் கடைகளுக்கு பொருள் பெற வராத அட்டைகளுக்கும் போலி பட்டியலிடும் நிலை உள்ளது. இதை தடுக்க தற்போது உள்ள அட்டைகளுக்கு பதிலாக, உடற்கூறு பதிவு முறையில் மின்னணு அட்டைகள் வழங்க உத்தேசிக்கப்பட்டுள்ளது. தேசிய மக்கள் தொகை பதிவு அமைப்பின் கீழ் கணக்கெடுப்பு செயல்பாட்டு இயக்குனர், மக்களின் பத்து விரல் ரேகைகள் மற்றும் கண் பார்வையை பதிவு செய்து பிரத்யேக அடையாள எண் வழங்கும் கணக்கெடுப்பை நடத்தி வருகின்றனர். இந்த உடற்கூறு முறையிலான கணக்கெடுப்பு முடிவடைந்தவுடன் அந்த தகவல் தொகுப்பைப் பயன்படுத்தி மின்னணு ரேஷன் அட்டை வழங்க உத்தேசிக்கப்பட்டுள்ளது.

இந்த தகவல் தொகுப்பு, ஒன்றுக்கும் மேற்பட்ட பதிவுகளை நீக்கும் முறைக்கு உட்படுத்தப்படுவதால் ஒரே நபர் ஒன்றுக்கு மேற்பட்ட அட்டைகளில் பதிவு செய்யப்படும் நிலை மற்றும் போலி அட்டைகள் வழங்குதல் போன்ற நிலை களையப்படும். ரேஷன் கடைகளில் பொருட்கள் பெற வரும் அட்டைகளுக்கு மட்டுமே பட்டியலிட முடியும். போலி பட்டியலிடுவது களையப்படும். தற்போதுள்ள அட்டைகளுக்கு பதிலாக ‘மின்னணு ரேஷன் அட்டைகள்’ 2012 - 2013ம் ஆண்டில் வழங்க உத்தேசிக்கப்பட்டுள்ளது.

- தினகரன்

நல்ல முயற்சி

திருடனாய் பார்த்து திருந்தா விட்டால் திருட்டை ஒலிக்க முடியாது