நுனிப்புல் தின்போமா ?

**ayyamperumal** · **ayyamperumal** Thu Aug 18, 2011 5:38 pm

First topic message reminder :

நுனிப்புல் தின்போமா ?

அழுது கொண்டிருந்தாலும் உழுது கொண்டிருக்க வேண்டும் என்பார்கள் ! அதை ஈகரை உறவுகளுக்கு நினைவு படுத்த கடைமை பட்டுள்ளேன். ஏன் எனில் நாம் தமிழை விரும்புபவர்கள். தமிழ் என்பது அரட்டை யடிப்பதிலும், கவிதை எழுதுவதிலும், மட்டுமே வளராது. நாம் இந்த தமிழ் சமுதாயத்தில் வாழ்கிறோம். இதற்க்கு முன்பு இங்கு தமிழ் மரத்தை வளர்த்தவர்களை அறிவோமா ? நம்மில் எத்தனை பேருக்கு வேர்களை பற்றி தெரியும், அதன் தன்மைகளை பற்றி தெரியும்?. இதற்க்கு
நமது வேலை பளுவும் ஒரு காரணம் தான் . நம்மில் அனைவருக்கும் இலக்கிய பசி இருப்பதை நான் அறிவேன். பசித்திருக்கும் ஒருவன் நொறுக்கு தீனிகளை தின்பது போல நாம், நம் இலக்கிய பசிக்கு நொறுக்கு தீனி திண்போம். இதில் ஓர் நன்மையும் உண்டு. நொறுக்கி தீனிகள் பசியை அதிகப் படுத்தும் ஆனால் பசியை தீர்க்காது. அதைப்போல இந்த நுனிப் புல் மேய்வதால் இலக்கியத்தை முழுதாய் படிக்க வேண்டும் என்கிற ஆர்வம் வளரும்.

இதற்க்காக நாம் பெரிதாய் ஒன்றும் செய்ய தேவை இல்லை. சிறுவயதில் படித்த இடம் சுட்டி பொருள் விளக்குக என்கிற பாடத்தை மீண்டும் படித்தால் போதும்.

உதாரணம் !
இடம் சுட்டி பொருள் விளக்கு

முருகிர் சிறந்த கழுநீரும்
முதிரா இளைஞர் ஆருயிரும்
திருகிச் செருகும் கூந்தல் !
இது போன்ற எதேனும் இலக்கியத்தில் உள்ள வரிகளை எழுதி கேள்வி கேளுங்கள்.
இதன் பதிலை தருவதற்க்கு சிலராவது தயாராய் இருப்பார்கள் ஆனால் பெரும்பாலானோர் அதனை தெரிந்து கொள்ள வாய்ப்பிருக்கிறது.
இதனை நன்கு இலக்கியப்பரிச்சயம் உள்ள யாரேனும் கவனத்தில் கொள்வீர்கள் என நம்புகிறேன்.

**M.Jagadeesan** · **M.Jagadeesan** Sun Aug 09, 2015 3:52 pm

இனி அடுத்த நுனிப்புல்லை மேய்வோமா !

இடம்சுட்டிப் பொருள் விளக்குக :
================================

இன்னதென அறிகில்லார் தாம்செய்வ திவர்பிழையை
மன்னியும்என்று எழிற்கனிவாய் மலர்ந்தார்நம் அருள்வள்ளல் .

**ayyasamy ram** · **ayyasamy ram** Sun Aug 09, 2015 4:43 pm

[You must be registered and logged in to see this image.]
-
இயேசு பெருமான் படாத துயரங்களா?
சிலுவையில் அறையப் படும் அந்தக் கொடுமையான
நிகழ்வின் போது கூட அவர்,
-
"இறைவா! தாம் செய்வது இன்னது என்று தெரியாமல் செய்யும்
இவர் பிழையை மன்னியும்! "
என்று வேண்டினார்.....
-
இந்நிகழ்வைத்தான்

இன்னதென அறிகில்லார் தாம்செய்வ திவர்பிழையை
மன்னியும்என்று எழிற்கனிவாய் மலர்ந்தார்நம் அருள்வள்ளல் .
-
என்ற பாடல் வரிகள் விளக்குகிறது....!
-
-
மனிதப் பிறவி எடுத்தவர்கள் பண்பிற் குறையக்கூடாது
என்ற கருத்தை வலியுறுத்தும் திருக்குறளும் நினைவு
கூரத்தக்கது.
-
"அகழ்வாரைத் தாங்கும் நிலம்போலத் தம்மை
இகழ்வார்ப் பொறுத்தல் தலை."
-
----------------------------------------------

**M.Jagadeesan** · **M.Jagadeesan** Sun Aug 09, 2015 7:36 pm

H . G . கிருஷ்ணப்பிள்ளை அவர்கள் பாடிய இரட்சண்ய யாத்திரிகம் என்ற நூலில் , சிலுவையில் அறையப்படும் போது இயேசு பெருமான் பாடியதாக இப்பாடல் வருகிறது .

தன்னரிய திருமேனி சதைப்புண்டு தவிப்பெய்தி
பன்னரிய பலபாடு படும்போதும் பரிந்தெந்தாய்
இன்னதென அறிகிலார் தாம்செய்வ திவர்பிழையை
மன்னியும்என்று எழிற்கனிவாய் மலர்ந்தார்நம் அருள்வள்ளல் .

அய்யாசாமி ராம் அவர்களுக்கு நன்றி .

**ayyasamy ram** · **ayyasamy ram** Sun Aug 09, 2015 9:15 pm

H . G . கிருஷ்ணப்பிள்ளை என்பது சரியானதா..?
-
H.A.Krishna Pillai.என்பவர் எழுதியதாக தமிழ் வெர்ச்சுவல்
யூனிவர்சிட்டி வலையில் உள்ளது.
-
இவர் சாயாபுரம் கிறிஸ்துவ காலேஜில் தமிழ் போதகராக
பணியாற்றினார். வைஷ்ணவராக இருந்த போதும்
ஏசுவின் போதனைகளால் ஈர்க்கப்பட்டு, பின்னர்
கிறித்துவராக மாறினார்.
-

**M.Jagadeesan** · **M.Jagadeesan** Sun Aug 09, 2015 9:38 pm

ஆமாம் ! நீங்கள் சொல்வது சரிதான் . H .A கிருஷ்ணப்பிள்ளை என்பதுதான் சரி . தவறுதலாக H .G . கிருஷ்ணப்பிள்ளை என்று பதிந்துவிட்டேன் .

**M.Jagadeesan** · **M.Jagadeesan** Tue Aug 11, 2015 7:30 am

இனி அடுத்த நுனிப்புல்லை மேய்வோமா !

இடம்சுட்டிப் பொருள் விளக்குக :
===============================

தேவியைப் பிரிந்த பின்னைத்
...திகைத்தனை போலும் செய்கை .

**ayyasamy ram** · **ayyasamy ram** Tue Aug 11, 2015 7:41 am

[You must be registered and logged in to see this image.]
-
கம்பன் ஒரு கவிச் சக்கரவர்த்தி.
-
பல பாடல்கள் நம் மனத்தில் தோன்றும் எண்ணங்களுக்கு
ஏற்பப் பொருள் படும் வகையில் இருக்கும்.
அது அவன் சொல்ல விரும்பிய கருத்தாக இல்லாமல்
இருக்கலாம்.
-
ஆனாலும் வேறு பொருள் கொள்ளவும் இடம் கொடுக்கும்!
-
வாலி வதைப் படலத்தில்,இராமன் மறைந்து நின்று வாலி மீது
அம்பெய்தி,வாலி வீழ்கிறான்.
தன் நெஞ்சில் தைத்த வாளியை எடுத்துப் பார்க்கிறான் வாலி .
-
இராமன் என்ற பெயரைப் பார்க்கிறான்.
-
இராமனை இகழ ஆரம்பிக்கிறான்.
-
அதில் ஒரு பாடல்……
-
“கோ இயல் தருமம், உங்கள் குலத்து உதித்தோர்கட்கு எல்லாம் -
ஓவியத்து எழுத ஒண்ணா உருவத்தாய்! - உடைமை அன்றோ?
ஆவியை, சனகன் பெற்ற அன்னத்தை, அமிழ்தின் வந்த
தேவியை, பிரிந்த பின்னை, திகைத்தனை போலும், செய்கை! “
-
”ஓவியத்தில் எழுத முடியாத அழகுள்ள ராமனே!
உன் குலத்தோர் அரச தர்மம் தவறாதவர்கள். ஆனால் நீ?!
சீதையைப் பிரிந்ததனால் மனம் பேதலித்து இவ்வாறு செய்தாயோ?”
என்கிறான் வாலி.
-

**ayyasamy ram** · **ayyasamy ram** Tue Aug 11, 2015 7:42 am

இகழும்போது கூட அவன் அழகைப் புகழ்வானா என ஒரு கேள்வி!
எனில் வேறு என்ன பொருள் கொள்ளலாம்?

அக்காலத்தில் மன்னர்களின் வீரச் செயலை ஓவியமாகத் தீட்டி
வைப்பர்(புகைப்பட வசதி கிடையாது!)அவ்வாறு” இந்த
நிகழ்ச்சியை ,நீ என்னைக் கொன்ற நிகழ்ச்சியை, படமாகத்
தீட்டினால் உன்னை அதில் எழுத முடியாது;ஏனெனில் நீ
மறைந்திருந்து கொன்றாய்,
எனவே ஓவியத்தில் தெரிய மாட்டாய் “என்பதும் ஒரு பொருளாகத்
தோன்றுகிறது .

**M.Jagadeesan** · **M.Jagadeesan** Tue Aug 11, 2015 8:45 am

நன்றி !

**krishnaamma** · **krishnaamma** Thu Aug 13, 2015 11:40 pm

இரண்டு விளக்கங்களுமே அருமை ராம் அண்ணா புன்னகை

.........நன்றி !

Sponsored content · Sponsored content

நுனிப்புல் தின்போமா ?

நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக