நுனிப்புல் தின்போமா ?

**ayyamperumal** · **ayyamperumal** Thu Aug 18, 2011 5:38 pm

First topic message reminder :

நுனிப்புல் தின்போமா ?

அழுது கொண்டிருந்தாலும் உழுது கொண்டிருக்க வேண்டும் என்பார்கள் ! அதை ஈகரை உறவுகளுக்கு நினைவு படுத்த கடைமை பட்டுள்ளேன். ஏன் எனில் நாம் தமிழை விரும்புபவர்கள். தமிழ் என்பது அரட்டை யடிப்பதிலும், கவிதை எழுதுவதிலும், மட்டுமே வளராது. நாம் இந்த தமிழ் சமுதாயத்தில் வாழ்கிறோம். இதற்க்கு முன்பு இங்கு தமிழ் மரத்தை வளர்த்தவர்களை அறிவோமா ? நம்மில் எத்தனை பேருக்கு வேர்களை பற்றி தெரியும், அதன் தன்மைகளை பற்றி தெரியும்?. இதற்க்கு
நமது வேலை பளுவும் ஒரு காரணம் தான் . நம்மில் அனைவருக்கும் இலக்கிய பசி இருப்பதை நான் அறிவேன். பசித்திருக்கும் ஒருவன் நொறுக்கு தீனிகளை தின்பது போல நாம், நம் இலக்கிய பசிக்கு நொறுக்கு தீனி திண்போம். இதில் ஓர் நன்மையும் உண்டு. நொறுக்கி தீனிகள் பசியை அதிகப் படுத்தும் ஆனால் பசியை தீர்க்காது. அதைப்போல இந்த நுனிப் புல் மேய்வதால் இலக்கியத்தை முழுதாய் படிக்க வேண்டும் என்கிற ஆர்வம் வளரும்.

இதற்க்காக நாம் பெரிதாய் ஒன்றும் செய்ய தேவை இல்லை. சிறுவயதில் படித்த இடம் சுட்டி பொருள் விளக்குக என்கிற பாடத்தை மீண்டும் படித்தால் போதும்.

உதாரணம் !
இடம் சுட்டி பொருள் விளக்கு

முருகிர் சிறந்த கழுநீரும்
முதிரா இளைஞர் ஆருயிரும்
திருகிச் செருகும் கூந்தல் !
இது போன்ற எதேனும் இலக்கியத்தில் உள்ள வரிகளை எழுதி கேள்வி கேளுங்கள்.
இதன் பதிலை தருவதற்க்கு சிலராவது தயாராய் இருப்பார்கள் ஆனால் பெரும்பாலானோர் அதனை தெரிந்து கொள்ள வாய்ப்பிருக்கிறது.
இதனை நன்கு இலக்கியப்பரிச்சயம் உள்ள யாரேனும் கவனத்தில் கொள்வீர்கள் என நம்புகிறேன்.

**ayyasamy ram** · **ayyasamy ram** Mon Jul 20, 2015 9:06 pm

T.N.Balasubramanian wrote:ayyasami ram

ரமணியன்

[You must be registered and logged in to see this link.]
-
[You must be registered and logged in to see this image.]

**M.Jagadeesan** · **M.Jagadeesan** Fri Jul 24, 2015 12:10 pm

அய்யாசாமி ராம் அவர்களுக்கு நன்றி !

பாலகாண்டத்தில் நாட்டுப் படலத்தில் , நாட்டு வளத்தைப் பாடவந்த கம்பன் , பலவாறு வர்ணனை செய்கின்றான் .அதில் இதுவும் ஒன்று .

கோதைகள் சொரிவன குளிர் இள நறவம்
பாதைகள் சொரிவன பரு மணி கனகம்
ஊதைகள் சொரிவன உறை உறும் அமுதம்
காதைகள் சொரிவன செவி நுகர் கனிகள்

**M.Jagadeesan** · **M.Jagadeesan** Sun Jul 26, 2015 7:37 pm

அடுத்த நுனிப்புல் மேய்வோமா ?

இடம்சுட்டிப் பொருள் விளக்குக ;
=========================

ஒன்றிய களிப்பினாலே உன்மத்தர் போலமிக்கார் .

சங்கர்.ப · சங்கர்.ப Sun Jul 26, 2015 7:48 pm

அவனை ஒழிய அமரரும் இல்லை
அவன் அன்றிச் செய்யும் அரும் தவம் இல்லை
அவன் அன்றி மூவரால் ஆவது ஒன்று இல்லை
அவன் அன்றி ஊர் புகுமாறு அறியேனே.

சங்கர்.ப · சங்கர்.ப Sun Jul 26, 2015 8:02 pm

M.Jagadeesan wrote:அடுத்த நுனிப்புல் மேய்வோமா ?

இடம்சுட்டிப் பொருள் விளக்குக ;
=========================

திருத்தொண்டர் புராணத்தில் கண்ணப்பநாயனர் புராணம்

ஒன்றிய களிப்பினாலே உன்மத்தர் போலமிக்கார் .

[You must be registered and logged in to see this link.]

பொருந்திய முன்னிருந்த சோகமும் கவலையும் நீங்க இப்போது
வந்து சேர்ந்த. களிப்பினாலே மிகுதியான சந்தோஷம் அடைதல்.

**M.Jagadeesan** · **M.Jagadeesan** Sun Jul 26, 2015 8:31 pm

நன்றி சங்கர் அவர்களே !

முழுக் கவிதையையும் பார்ப்போமா ?

நின்ற செங்குருதி கண்டார் நிலத்தின் நின்றேப் பாய்ந்தார்
குன்றென வளர்ந்த தோள்கள் கொட்டினார் கூத்தும் ஆடி
நன்று நான் செய்த இந்த மதி என நகையும் தோன்ற
ஒன்றிய களிப்பினாலே உன் மத்தர் போல மிக்கார்

இறைவன் கண்ணிலே குருதி வடியக் கண்ட கண்ணப்பர் , தன் ஒரு கண்ணைப் பெயர்த்தெடுத்து இறைவன் கண்ணிலே அப்பினார் . அப்போது குருதி வடிவது நின்றது . அந்த மகிழ்ச்சியிலே அவருக்கு ஏற்பட்ட உணர்வைத்தான் இக்கவிதை மூலமாக சேக்கிழார் வெளிப்படுத்துகிறார் .

**M.Jagadeesan** · **M.Jagadeesan** Fri Jul 31, 2015 8:33 am

இனி அடுத்த நுனிப்புல்லை மேய்வோமா !

இடம்சுட்டிப் பொருள் விளக்குக :
----------------------------------------

மாணிக்குறளனே தாலேலோ ! வையமளந்தானே தாலேலோ !

**ayyasamy ram** · **ayyasamy ram** Fri Jul 31, 2015 3:53 pm

பெரியாழ்வார் திருமொழி - முதற் பத்து
மூன்றாம் திருமொழி - மாணிக்கங்கட்டி
தாலப்பருவம் - குழந்தை கண்ணனைத் தொட்டிலிலிட்டுத் தாலாட்டுதல்
கலித்தாழிசை

குறிப்பு: இப்பாடலை இருமுறை சேவிக்க வேண்டும்!

பாடல் 1
மாணிக்கம் கட்டி வயிரம் இடைக்கட்டி*
ஆணிப்பொன் னால்செய்த வண்ணச் சிறுத்தொட்டில்*
பேணி யுனக்கு பிரமன் விடுதந்தான்*
மாணிக் குறளனே! தாலேலோ வையமளந்தானே! தாலேலோ.
--

விண்ணிருந்து மண்ணில் உதித்த உனக்கு இங்கே
சிறந்த தொட்டில் கிடைக்குமோ என்று அஞ்சி படைப்புத்
தொழிலன் பிரமன் உன் மீது கொண்ட பேரன்பினால்
மாணிக்கங்களும் நடுவே வயிரமும் பதித்த பொன்னிற்
சிறந்த ஆணிப் பொன்னாலான எழில்மிகு தொட்டிலை
உனக்குப் பொருந்தக் கூடியது தானா என அளந்து அனுப்பி
இருக்கிறான்.
-
சிறுவனாய் வந்து வையம் அளந்த பெருமாளே
கண்ணுறங்கு என தாலாட்டுப் பாடுகிறார்.
-

**ayyasamy ram** · **ayyasamy ram** Fri Jul 31, 2015 3:57 pm

÷தாலாட்டு - "இலக்கியத்தின் தாய் ஊற்று' என்பதை அனைவரும் ஒப்புக்கொள்வர்.

குழந்தைப் பருவத்தையும், மொழி அறிவின் இளமைப் பொலிவையும், இலக்கியச் சிறப்பின் தாய்மைக் கனிவையும் தாலாட்டுப் பாடல்களில் காணமுடிகிறது.

இந்தக் கண்ணோட்டத்துடன் தாலாட்டு உள்ளிட்ட நாட்டுப்புறப் பாடல்களைக் கற்றறிந்த சான்றோர் உற்று நோக்கின், இன்றைய இலக்கியங்கள் பலவற்றுக்கும் வேர், மூலம், ஊற்று, அடிப்படை தாலாட்டுதான் என்பதைப் புரிந்து கொள்வர்.

÷எழுதா இலக்கியமாக உலாவந்த தாலாட்டுப் பாடல்களை முதன் முதல் இலக்கியத்தில் பதிவு செய்தவர்கள் பன்னிரு ஆழ்வார்களே ஆவர்! கண்ணனைக் குழந்தையாகப் பாவித்து, தங்களைத் தாய் நிலையில் வைத்து அவர்கள் பாடிய பாசுரங்கள் தாலாட்டு இலக்கியங்களாயின.

தாலாட்டு இலக்கியம் அரங்கேறிய காலம் கி.பி. 6-ஆம் நூற்றாண்டு.
பெரியாழ்வார்தான் முதன்முதலில் தாலாட்டுப் பாடியவர்.

எடுத்துக்காட்டுக்கு அவரது பாசுரம் ஒன்று:

""மாணிக்கம்கட்டி வயிரம் இடைக்கட்டி

ஆணிப்பொன்னால் செய்த வண்ணச்சிறு தொட்டில்

பேணிஉனக்குப் பிரமன் விடுதந்தான்

மாணிக்குறளனே, தாலேலோ

வையமளந்தானே தாலேலோ''

(நா.தி.பி.: 1-ஆம் பத்து; 3-ஆம் திருமொழி-தாலப்பருவம்)
-
புலவர் அ.சா.குருசாமி

**M.Jagadeesan** · **M.Jagadeesan** Fri Jul 31, 2015 4:18 pm

மிக்க நன்றி ! சரியான விடை தந்த அய்யாசாமிராம் அவர்களுக்கு .

Sponsored content · Sponsored content

நுனிப்புல் தின்போமா ?

நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக