நுனிப்புல் தின்போமா ?

**ayyamperumal** · **ayyamperumal** Thu Aug 18, 2011 5:38 pm

First topic message reminder :

நுனிப்புல் தின்போமா ?

அழுது கொண்டிருந்தாலும் உழுது கொண்டிருக்க வேண்டும் என்பார்கள் ! அதை ஈகரை உறவுகளுக்கு நினைவு படுத்த கடைமை பட்டுள்ளேன். ஏன் எனில் நாம் தமிழை விரும்புபவர்கள். தமிழ் என்பது அரட்டை யடிப்பதிலும், கவிதை எழுதுவதிலும், மட்டுமே வளராது. நாம் இந்த தமிழ் சமுதாயத்தில் வாழ்கிறோம். இதற்க்கு முன்பு இங்கு தமிழ் மரத்தை வளர்த்தவர்களை அறிவோமா ? நம்மில் எத்தனை பேருக்கு வேர்களை பற்றி தெரியும், அதன் தன்மைகளை பற்றி தெரியும்?. இதற்க்கு
நமது வேலை பளுவும் ஒரு காரணம் தான் . நம்மில் அனைவருக்கும் இலக்கிய பசி இருப்பதை நான் அறிவேன். பசித்திருக்கும் ஒருவன் நொறுக்கு தீனிகளை தின்பது போல நாம், நம் இலக்கிய பசிக்கு நொறுக்கு தீனி திண்போம். இதில் ஓர் நன்மையும் உண்டு. நொறுக்கி தீனிகள் பசியை அதிகப் படுத்தும் ஆனால் பசியை தீர்க்காது. அதைப்போல இந்த நுனிப் புல் மேய்வதால் இலக்கியத்தை முழுதாய் படிக்க வேண்டும் என்கிற ஆர்வம் வளரும்.

இதற்க்காக நாம் பெரிதாய் ஒன்றும் செய்ய தேவை இல்லை. சிறுவயதில் படித்த இடம் சுட்டி பொருள் விளக்குக என்கிற பாடத்தை மீண்டும் படித்தால் போதும்.

உதாரணம் !
இடம் சுட்டி பொருள் விளக்கு

முருகிர் சிறந்த கழுநீரும்
முதிரா இளைஞர் ஆருயிரும்
திருகிச் செருகும் கூந்தல் !
இது போன்ற எதேனும் இலக்கியத்தில் உள்ள வரிகளை எழுதி கேள்வி கேளுங்கள்.
இதன் பதிலை தருவதற்க்கு சிலராவது தயாராய் இருப்பார்கள் ஆனால் பெரும்பாலானோர் அதனை தெரிந்து கொள்ள வாய்ப்பிருக்கிறது.
இதனை நன்கு இலக்கியப்பரிச்சயம் உள்ள யாரேனும் கவனத்தில் கொள்வீர்கள் என நம்புகிறேன்.

**M.Jagadeesan** · **M.Jagadeesan** Tue May 16, 2017 5:17 pm

அடுத்த நுனிப்புல் மேய்வோமா?

" அந்தகனே நாயகன் ஆனால் "

**T.N.Balasubramanian** · **T.N.Balasubramanian** Wed May 17, 2017 7:28 am

M.Jagadeesan wrote:நீங்கள் சொல்வது சரி . " நுனிப்புல் தின்போமா " என்றுதான் இருக்கவேண்டும் . மூனுசுழி வராது ." நுனிப்புல் மேய்வோமா ? " என்பதும் நல்ல தலைப்புதான் .

தலைப்பை மாற்றுவது குறித்து திரியை ஆரம்பித்தவர்தான் சொல்லவேண்டும் .

[You must be registered and logged in to see this link.]

எழுத்துப் பிழையை மாற்றிவிடுகிறேன், தலைப்பில்.
மேலும் ,

"மூனுசுழி "
மூணு என்று இருக்க வேண்டும் அல்லவா?

புன்னகை

ரமணியன்

**M.Jagadeesan** · **M.Jagadeesan** Wed May 17, 2017 9:15 am

ஐயா !

மூன்று என்பதுதான் , பேச்சுவழக்கில் மூனு என்று வந்தது. " மூணு " என்று வராது என்பது அடியேனின் கருத்து .

மாடு கன்று ஈன்றது என்பதைப் பேச்சு வழக்கில் மாடு கன்னு போட்டது என்று சொல்வதில்லையா !
மாடு கண்ணு போட்டது என்று சொல்லமாட்டோம் . ஏனென்றால் " கண்ணு " என்பது முகத்திலுள்ள கண்ணைக் குறிக்கும் .

" மூனு " " மூணு " இவற்றில் எதுசரி என்பதை ஈகரையில் உள்ள முனைவர் பெருமக்கள்தான் சொல்லவேண்டும் .

**M.Jagadeesan** · **M.Jagadeesan** Wed May 17, 2017 5:37 pm

M.Jagadeesan wrote:அடுத்த நுனிப்புல் மேய்வோமா?

" அந்தகனே நாயகன் ஆனால் "

[You must be registered and logged in to see this link.]

இரட்டைப்புலவர் அல்லது இரட்டையர் எனப்படுவோர் கிபி 14ம் நூற்றாண்டு காலப் பகுதியில் வாழ்ந்த தமிழ்ப் புலவர்கள். இளஞ்சூரியர் - முதுசூரியர் என்ற இவர்களில் ஒருவருக்கு பார்வை கிடையாது என்றும், மற்றொருவருக்கு கால்கள் கிடையாது என்றும் சொல்லப்படுகிறது. இவர்களில் கால் இல்லாதவரை பார்வை இழந்தவர் தனது தோள்களில் சுமந்து நடப்பார் என்றும், கால் இல்லாதவர் அவருக்கு வழி நடத்தி செல்வார் என்றும் பண்டைய காலச் சுவடுகள் தெரிவிக்கின்றன.

ஒரு வெண்பாவின் முதல் இரண்டு அடிகளை முடவர் பாட , பின் இரண்டு அடிகளை குருடர் பாடி முடித்துவைப்பார் .

ஒரு சமயம் சிதம்பரம் தென்புலியூர் அம்பலவாணனை வழிபட்ட பின் இரட்டையர் சென்றுகொண்டிருந்தனர். வழியில் தென்பட்ட ’சேடன்’ என்பவனைப் புகழ்ந்து பாடிப் பொருள் கேட்டனர். அவன் கண்டுகொள்ளவில்லை.

முடவர் பாடினார்.

அம்பலவாணப் பெருமானே! மூடர் முன் பாடலைச் சொன்னால் அவருக்குத் தெரியுமா என்று வினவினார்.

குருடர் பாடலை முடிக்கிறார்.

திருமணம் நடக்கும்போது பெண்ணைத் திருமகள் போல அழகுபடுத்தி உட்கார வைத்திருக்கிறார்கள். அருகில் இருக்கும் மணமகன் குருடன் என்றால் அவள் அழகால் பயன் என்ன?

பாடல்

'மூடர் முன்னே பாடல் மொழிந்தால் அறிவரோ
ஆடெடுத்த தென்புலியூர் அம்பலவா' ' - ஆடகப்பொற்
செந்திருவைபோல் அணங்கைச் சிங்காரித் தென்னபயன்
அந்தகனே நாயகனா னால்?'

ஆடகப் பொன்னால் ஒரு பெண்ணைத் திருமகள்போல அலங்காரம் செய்வித்து மணவறையில் உட்கார வைக்கிறார்கள் ; ஆனால் அவளுக்குத் தாலி கட்டப்போகும் கணவனோ ஒரு குருடன் என்றால் அது எப்படி பொருத்தமாக இருக்கும் ?

அதுபோல

மூடர்களுக்குப் பாடலின் பொருள் தெரியாது ; எனவே அவர்களைப் புகழ்ந்து பாடுவது வீண் .

**M.Jagadeesan** · **M.Jagadeesan** Wed May 17, 2017 8:33 pm

இனி அடுத்த நுனிப்புல் மேய்வோமா !

ஆறறி வதுவே அவற்றொடு மனனே !

**M.Jagadeesan** · **M.Jagadeesan** Sat May 20, 2017 6:36 am

தொல்காப்பியர் , அறிவின் அடிப்படையில் உயிர்களை ஆறு வகையாகப் பிரிக்கிறார் .

அவையாவன

ஒன்றறி வதுவே உற்றறி வதுவே

இரண்டறி வதுவே அதனொடு நாவே

மூன்றறி வதுவே அவற்றொடு மூக்கே

நான்கறி வதுவே அவற்றொடு கண்ணே

ஐந்தறி வதுவே அவற்றொடு செவியே

ஆறறி வதுவே அவற்றொடு மனனே

நேரிதின் உணர்ந்தோர் நெறிப்படுத் தினரே.

ஓரறிவு உயிராவது உடம்பினாலே அறிவது -- புல், மரம்.

ஈரறிவு உயிராவது உடம்பும், வாயும் -- சங்கு,சிப்பி போன்ற பல.

மூவறிவு உயிராவது உடம்பு, வாய், மூக்கு -- எறும்பு, அட்டை போன்ற பல.

நாலறிவு உயிராவது உடம்பு, வாய்,மூக்கு,கண் -- நண்டு, தும்பி போன்ற பல.

ஐயறிவு உயிராவது உடம்பு,வாய், மூக்கு, கண்,செவி --- மீன்,பாம்பு,முதலை போன்ற பல.

ஆறறிவு உயிராவது உடம்பு, வாய்,மூக்கு,கண்,செவி,மனம் -- மக்கள். சில விலங்குகளும் உண்டென்பர் யானை,கிளி, குரங்கு போன்ற சில!

எறும்புக்குக் கண் தெரியாது என்ற செய்தியை தொல்காப்பியர் இச்செய்யுளின் மூலம் கூறுகிறார் .

**T.N.Balasubramanian** · **T.N.Balasubramanian** Sat May 20, 2017 7:44 am

அந்தகனே நாயகனா னால்?'

அருமை.

கவிதையை ரசிக்கத் தெரியாது , தன் 70 ம் பிறந்த நாளைக்கு கவிதை எழுத சொன்ன
எனது உறவினரை நினைவுபடுத்தியது.

ரமணியன்

**M.Jagadeesan** · **M.Jagadeesan** Sat May 20, 2017 1:06 pm

T.N.Balasubramanian wrote:
அந்தகனே நாயகனா னால்?'

அருமை.

கவிதையை ரசிக்கத் தெரியாது , தன் 70 ம் பிறந்த நாளைக்கு கவிதை எழுத சொன்ன
எனது உறவினரை நினைவுபடுத்தியது.

ரமணியன்

[You must be registered and logged in to see this link.]

ஐயா ! எனக்கொரு சந்தேகம் .

70 தொடங்கும்போது பீமரதசாந்தி செய்யவேண்டும் என்று சிலர் சொல்கிறார்கள் ; இன்னும் சிலரோ 70 பூர்த்தியாகும்போது செய்யவேண்டும் என்று சொல்கிறார்கள் .
70 வயது முடிவதற்குள் எப்போது வேண்டுமானாலும் செய்யலாம் என்று சிலர் சொல்கிறார்கள் .இவற்றில் எது சரி ?

**M.Jagadeesan** · **M.Jagadeesan** Sat May 20, 2017 1:26 pm

ஐயா !

இந்தத் திரியின் தலைப்பு " நுனிப்புல் தின்போமா ? " என்று கேள்விக்குறியுடன் ( ? ) முடியவேண்டும் .அவ்வாறே திருத்திவிடும்படிக் கேட்டுக்கொள்கிறேன் !

**T.N.Balasubramanian** · **T.N.Balasubramanian** Sat May 20, 2017 6:35 pm

M.Jagadeesan wrote:
T.N.Balasubramanian wrote:
அந்தகனே நாயகனா னால்?'

அருமை.

கவிதையை ரசிக்கத் தெரியாது , தன் 70 ம் பிறந்த நாளைக்கு கவிதை எழுத சொன்ன
எனது உறவினரை நினைவுபடுத்தியது.

ரமணியன்
[You must be registered and logged in to see this link.]

ஐயா ! எனக்கொரு சந்தேகம் .

70 தொடங்கும்போது பீமரதசாந்தி செய்யவேண்டும் என்று சிலர் சொல்கிறார்கள் ; இன்னும் சிலரோ 70 பூர்த்தியாகும்போது செய்யவேண்டும் என்று சொல்கிறார்கள் .
70 வயது முடிவதற்குள் எப்போது வேண்டுமானாலும் செய்யலாம் என்று சிலர் சொல்கிறார்கள் .இவற்றில் எது சரி ?

[You must be registered and logged in to see this link.]

நானறிந்த வகையில் ,
60 வயது பூர்த்தியடைந்து 61 வது வயது தொடங்குகிறவர்கள் சஷ்டியப்த பூர்த்தி பூஜை செய்கிறார்கள். 70 வயது பூர்த்தியாகி 71 வயது தொடங்குகிறவர்கள் பீமரத சாந்தி பூஜை செய்கிறார்கள். 81 வயது தொடங்குகிறவர்கள் சதாபிசேகம் மற்றும் ஆயுஷ்ய ஹோமம் செய்கிறார்கள்.
ஷஷ்டிதம (சஷ்டி.....6 x தம 10 ) அப்த பூர்த்தியின் போதும், சதாபிஷேகத்தின் போதும் மீண்டும் ஒரு முறை தாலி முடிதலும் சிலர் செய்கிறார்கள் .
சதாபிஷேகம் (ஆயிரம் பிறை கண்டவர்கள் ) 80 முடிந்து 81 க்குள் நடுவே 8 அல்லது 9 மாதத்தில் செய்பவர்களும் உண்டு.

ரமணியன்

Sponsored content · Sponsored content

நுனிப்புல் தின்போமா ?

நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக