காந்திஜி பெயரைக் குறிப்பிட மறந்த பிரதமர்

கோபி சதீஷ் · கோபி சதீஷ் Tue 16 Aug 2011 - 18:10

புது தில்லி, ஆக.15: சுதந்திர தினத்தை முன்னிட்டு தில்லி செங்கோட்டையில் நடைபெற்ற விழாவில் பிரதமர் மன்மோகன் சிங் நிகழ்த்திய உரையில் தேசப் பிதா காந்திஜி பெயரைக் குறிப்பிடத் தவறினார்.

இது வரை நடந்த சுதந்திர தின விழாக்களில் மகாத்மா காந்தி, ஜவாஹர்லால் நேரு ஆகியோர் பெயர்களைக் குறிப்பிடாமல் இருந்ததேயில்லை. அவர்கள் வகுத்த பாதையில் இந்தியா சென்று கொண்டிருக்கிறது என்ற செய்தியைப் பிரதமர்கள் நாட்டு மக்களுக்கு உணர்த்தும் விதமாக இது அமைந்து வந்தது.

பா.ஜ.க.வின் வாஜ்பாய் பிரதமராக இருந்தபோதுகூட காந்தி, நேரு பெயரைக் குறிப்பிடத் தவறியதில்லை.

இது மன்மோகன் சிங்கின் எட்டாவது சுதந்திர தின உரையாகும். ஆனால் திங்கள்கிழமை நடைபெற்ற விழாவில் உரையாற்றும்போது இந்தியாவின் இரு பெரும் தலைவர்களின் பெயர்களைக் குறிப்பிடாமல் விட்டுவிட்டார். மேலும் இந்தியாவில் பிரச்னைக்குள்ளான பகுதிகளுக்கு ஆறுதல் அளிக்கும் வகையில் ஏதேனும் அறிவிப்பதுண்டு. அதையும் பிரதமர் செய்யத் தவறினார். காங்கிரஸ் தலைவர் சோனியா பெயரும் அவரது உரையில் இடம்பெறவில்லை.

இது உரையாற்றியவர் தவறா அல்லது உரையை எழுதிக் கொடுத்தவரின் தவறா?

நன்றி : http://www.dinamani.com

ரேவதி · ரேவதி Tue 16 Aug 2011 - 18:11

காந்திஜி பெயரைக் குறிப்பிட மறந்த பிரதமர் 440806

சரவணன் · சரவணன் Tue 16 Aug 2011 - 18:17

காந்தியின் வழியில் நடப்பவர்கள் தான் அவரை பற்றி பேசுவார்கள். மேலும் நம் பொம்மை பிரதமருக்கு காந்தியடிகளை பற்றியோ காந்தியின் பெயரை குறிப்பிடவோ என்ன தகுதி இருக்கிறது?

balakarthik · balakarthik Tue 16 Aug 2011 - 18:22

பிச்ச wrote:காந்தியின் வழியில் நடப்பவர்கள் தான் அவரை பற்றி பேசுவார்கள். மேலும் நம் பொம்மை பிரதமருக்கு காந்தியடிகளை பற்றியோ காந்தியின் பெயரை குறிப்பிடவோ என்ன தகுதி இருக்கிறது?

இதை நான் வன்மயாக கண்டிக்கிறேன் எங்கள் தலைவர் அன்னை சோனியா காந்தி மற்றும் ராகுல் காந்தி அவர்களின் வழியில் சீறும் சிறப்புமாக நடப்பவர் என்பதை இங்கே தெரிவித்துக்கொள்ள கடமைப்பட்டுள்ளேன் கோபம்