ஸ்பீக்கரிலிருந்து தேவையற்ற சப்தம்....

முதலில் புஸ் என்ற ஒலி குறித்து காண்போம். உங்கள் ஸ்பீக்கரிலிருந்து வரும் ஸ்டீரியோ பின்னை கம்ப்யூட்டரின் சிபியுவில் இணைத்திருப்பீர்கள். இது சரியாகக் கடைசிவரை இணைக்கப்பட்டுள்ளதா? எனச் சோதிக்கவும். இது சரியாக இணைக்கப் படவில்லை என்றால் இந்த புஸ் என்ற ஒலி கிடைக்கலாம். உங்கள் ஸ்பீக்கரின் வால்யூமை அட்ஜஸ்ட் செய்கையில் அது சிறிது கிறீச்சிடும் ஒலி தருகிறதா? அப்படியானால் வால்யூம் திருகியினைக் கழட்டி அதில் ஏதேனும் தூசு சேர்ந்துள்ளதா எனக் கவனிக்கவும். பல கம்ப்யூட்டர் விற்பனை செய்திடும் கடைகளில் இதற்கென காண்டாக்ட் கிளீனர் லிக்விட் வைத்திருப்பார்கள். வாங்கிப் பயன்படுத்தவும். ஒரு சிலர் ஆடியோ ஒலியை ஒன்றுக்கு மேற்பட்ட ஸ்பீக்கர் செட்களுக்கு அனுப்ப ஒய் ஸ்பிளிட்டர்களைப் பயன்படுத்துவார்கள். இவை சரியாக வடிவமைக்கப் படாவிட்டாலும் கிறீச்சிடும் ஒலி ஏற்படலாம். இந்த தொடர்புகளை நீக்கி ஒரு சாதனத்திற்கு மட்டும் ஆடியோ இணைப்பு தரவும்.



உங்கள் கம்ப்யூட்டரின் ஸ்பீக்கர்கள் உட்புறமாக அமைக்கப்பட்டிருந்தால் மேலே சொன்ன வழிகளைக் கையாண்டு பிரச்னை எதில் உள்ளது எனக் கண்டறியலாம். அதன்பின் பிரச்னையைக் கண்டறிய கீழ்க்காணும் கண்டறியும் சோதனையை மேற்கொள்ளலாம். முதலில் Start, Control Panel செல்லவும். பின் Sounds, Speech and Audio Devices என்பவற்றை வரிசையாகக் கிளிக் செய்திடவும். அங்கு Sounds and Audio Devices என்பதன் மீது கிளிக் செய்து தேர்ந்தெடுக்கவும். கிடைக்கும் விண்டோவில் Hardware என்னும் டேபினைத் தேர்ந்தெடுக்கவும். அங்கு கிடைக்கும் பட்டியலில் உங்கள் ஸ்பீக்கரின் நிறுவனத்தைத் தேர்ந்தெடுக்கவும். பின் Troubleshoot என்னும் பட்டனில் கிளிக் செய்திடுங்கள். இதில் “The sound is distorted or scratchy” என்னும் ஆப்ஷனைத் தேர்ந்தெடுக்கவும். பின்னர் Next என்பதில் கிளிக் செய்திடவும். இதன் மூலம் ஸ்பீக்கர்களில் மற்றும் இணைப்புகளில் ஏதேனும் பிரச்னைகள் இருந்தால் நிச்சயம் அவை கண்டறியப்பட்டு களையப்படும்.




ஒருவேளை கம்ப்யூட்டர் இயக்கத்தினால் இந்த ஒலிகள் கிடைப்பதாக நீங்கள் எண்ணினால் ஸ்பீக்கர்களைக் கழட்டி வேறுசாதனங்களுடன், ஆடியோ, வீடியோ பிளேயர், எம்பி 3 பிளேயர், அவற்றை இணைத்துப் பார்க்கவும். அவ்வாறு அவற்றுடன் இணைக்கையில் சப்தம் சரியாக இருந்தால் உங்கள் கம்ப்யூட்டரில்தான் பிரச்னை இருக்கிறது. கம்ப்யூட்டரைச் சரி பார்க்கவும்.

நன்றி நண்பரே இதில் எனக்கு பயனுள்ள சில தகவல்கள் உள்ளது