பிஜிராமனின் திருவள்ளுவம் கவிதையில் - தொடர்

அசுரன் wrote:இதை முதல்ல செய்தி ஊடகங்களுக்கு சொல்லுங்க.... யார் யாரையோ கொண்டுவந்து தமிழ் வளர்ச்சி பற்றியும், நாட்டு நடப்பு பற்றியும் பொய்யுரைப்பதையே இந்த ஊடகங்கள் தொழிலாக கொண்டுள்ளது... அருமை அருமை

சிமென்ட் இல்லாமல் கட்டப்பட்ட கட்டிடம் போல...

இந்த பதிவைத் துவங்கியவர் நன்றி கூறியுள்ளார் பிஜிராமன்

சதாசிவம் wrote:நன்றி ராமன், வள்ளுவன் கூற வந்ததை தழுவி கூறியது நன்று.

தொடருங்கள்.

இந்த பதிவைத் துவங்கியவர் நன்றி கூறியுள்ளார் பிஜிராமன்

பிஜிராமன் wrote:கல்லாதான் சொற்கா முறுதல் முலையிரண்டும்
இல்லாதாள் பெண்காமுற் றற்று. (402)

சக்கரமில்லா வண்டியிலே பாய்ந்துசெல்ல நினைப்பதும்
கைகளற்றவன் காதலியைக் கட்டித்தழுவ நினைப்பதும்
காதுகள் கேளாதான் இசையினைக்கேட்டிட நினைப்பதும்
இறுமாப்பு கொண்டவன் இனியசொல்லை எதிர்பார்ப்பதும்
இப்பொழுதும் முப்பொழுதும் எப்பொழுதும் நடக்காது

குழந்தைக்கு பாலூட்டும் மார்பகங்கள் இல்லாதவொருத்தி
பாலூட்டி பெண்தன்மையினை அடைந்திட வெண்ணுவதும்
சொற்பொழிவு ஆற்றிட இன்றியமைந்திடா நூற்கல்வியை
எள்ளளவும் கற்கவேண்டுமென எண்ணாத மூடனொருவன்
மேடையேறி கருத்துரைக்க எண்ணித்துணிவதும் ஒன்றாகும்

இந்த பதிவைத் துவங்கியவர் நன்றி கூறியுள்ளார் அசுரன்

இன்றைய நாட்டு நடப்பில் நிறைய தற்குறிகள் தலைகால் தெரியாமல் ஆடுகின்ற நிகழ்வுகள் தான் இந்த விளக்கவுரையை படிக்கையில் ஞாயபகத்துக்கு வருகிறது.

அருமையான விளக்கம் பிஜிராமன். பாராட்டுகள்

இந்த பதிவைத் துவங்கியவர் நன்றி கூறியுள்ளார் பிஜிராமன்

அதிபொண்ணு wrote:விளக்கங்கள் அருமை

இந்த பதிவைத் துவங்கியவர் நன்றி கூறியுள்ளார் பிஜிராமன்

பிஜிராமன் wrote:கல்லா தவரும் நனிநல்லார் கற்றார்முன்
சொல்லா திருக்கப் பெறின். (403)

நன்மைகள் செய்யோம் பலதீமை தினஞ்செய்வோம்
மக்கள் பிழைத்திடும் நல்வழியினை உண்டாக்கோம்
மக்கள் பணத்தினை தினஞ்சுருட்டி உண்டுவாழ்வோம்
என்றெண்ணம் கொண்டோர்கள் மக்கள் பணிதனில்
சேருதல்தனை தவிர்த்தாலே நல்லோர் எனவாகிடுவர்

நூற்கற்றலே மூச்சென வாழ்ந்துவரும் பெரியோர்கள்
கருத்துப் பரிமாற ஒன்றாய்ச்சேர்ந்துள்ள அவையினிலே
கற்பதன் இன்றியமையாமையும் சிறப்பையும் அறியாது
கற்பதை வாழ்நாளில் சிறுதுளியும் செய்யாக்கல்லாதார்
ஏதும்பேசாது இருந்தாலே நல்லோரெனக் கொள்ளப்படுவர்

இந்த பதிவைத் துவங்கியவர் நன்றி கூறியுள்ளார் ஜாஹீதாபானு