இது கம்மல் அல்ல காதல்!

**பார்த்திபன்** · 24/07/2011

First topic message reminder :

வலிய வந்து பழகி எந்தன் வலியனைத்தும் துடைத்தாய்!
விழியழகை வைத்தே எனை விடிய விடிய வதைத்தாய்!

சிரிப்பு எனும் சிதை மூட்டி என் சின்ன இதயம் சிதைத்தாய்!
கள்ளிக்காடாய் கிடந்த நெஞ்சில் காதல் விதையை விதைத்தாய்!

கணவன் என்றால் நீதான் என்று காதின் ஓரம் கதைத்தாய்!
காதல் கணைகள் கண்ணில் தொடுத்து கனவை என்னுள் வளர்த்தாய்!

மீசை விலக்கி முத்தம் தந்து மீண்டும் தரவா என்றாய்!
மீனைக் கொத்தும் பறவை போல மனதைக் கொத்தித் தின்றாய்!

திங்களிரண்டு கடந்தபின்பு திசையை மாற்றிப் பறந்தாய்!
திரண்டு வந்த வெண்ணைத் தாழி திடீரென்று உடைத்தாய்!

சீமை மாமன் திரும்பிவர சீக்கிரம் என்னை மறந்தாய்!
சீனச் சுவராய் வளர்த்த கனவை சீட்டுக்கட்டாய் சரித்தாய்!

காதலன் என்னைக் கைவிட நினைத்த காரணத்தைக் கூறு!
காசைப் பார்த்துப் பாசம் வந்தால் அது காதல் அல்ல வேறு!

அணைத்தவளே அறுத்ததனால் அடிமனதில் கீறல்!
நீ நினைக்கும்போது கழற்றிவிட இது கம்மல் அல்ல காதல்!

நிலவை.பார்த்திபன்

**பார்த்திபன்** · 24/07/2011

நன்றி டாக்டர். நான் பெங்களூரில் சி.வி.ராமன் நகரில் வசிக்கிறேன். தாங்கள்?

**Dr.சுந்தரராஜ் தயாளன்** · 03/09/2011

பார்த்திபன் wrote:நன்றி டாக்டர். நான் பெங்களூரில் சி.வி.ராமன் நகரில் வசிக்கிறேன். தாங்கள்?

நான் சஞ்சய் நகரில், (கெப்பாள் - கங்கா நகர் அருகில்) வசிக்கிறேன் மகிழ்ச்சி

**பிஜிராமன்** · **பிஜிராமன்** Sat Jan 21, 2012 9:45 pm

மிகவும் அருமையான கவிதை பார்த்திபன் அவர்களே..... மகிழ்ச்சி

**பார்த்திபன்** · 24/07/2011

பிஜிராமன் wrote:மிகவும் அருமையான கவிதை பார்த்திபன் அவர்களே.....

நன்றி தோழரே!

Sponsored content · Sponsored content

இது கம்மல் அல்ல காதல்!

இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக