சீரானது முடக்கு வாதம்

சீரானது முடக்கு வாதம்

முடக்கப்பட்டது வீண் வாதத்தினால்,
பிடிவாதத்தால் , ஆணவத்தால், அகங்காரத்தால்
சமச்சீர் கல்வித் திட்டம் படு மட்டம் என அரசியல்
காழ்ப்புணர்ச்சியினால் மூன்று மாதங்களாய் பாதிக்கப்பட்டது
வளரும் மாணவ சமுதாயம், பெற்றவர், ஆசிரியர் சமுதாயம்.

முடக்கி வாதம் செய்தனர் உயர் நீதிமன்றத்திலும், உச்ச நீதிமன்றத்திலும்.
முடக்கு வாதத்திற்கு முற்றுப் புள்ளி வைத்து வந்தது தீர்ப்பு அடைந்தோம் தீர்வு.

நானறிந்தவரை சமச்சீர் பாடத் திட்டம் தரமில்லை எனும் வாதம் முற்றிலும் தவறானது. முன்னாள் ஆட்சியாளர்களின் குடும்ப பாடத் திட்டம் என குற்றம் சாட்டினார்கள் - சொல்லுங்கள் கலைஞரின் குடும்பத்தில் பிசிக்ஸ், கெமிஸ்ட்ரி, பாடனி, ஜூவாலஜி, மாதமெடிஷியன்கள் இருந்தார்களா? அவர்களின் கண்டுபிடிப்புகளை பாடத் திட்டத்தில் சேர்த்திருந்தார்களா? இருக்க சாத்தியமே இல்லை. மிஞ்சி போயிருந்தால் தமிழிலும், வரலாறிலும் கட்சியைப் பற்றியோ, குடும்ப சரித்திரப் பாடங்கள் ஒன்றிரண்டு இருந்திருக்கலாம். செம்மொழி சம்பந்தமாக ஒன்றிரண்டு கவிதைகள் இருந்திருக்கலாம். இவற்றைக் காரணம் காட்டி ஆட்சிப் பொறுப்பில் வந்த ஐந்தே நாட்களில் தரமில்லை என்று வைத்த வாதமே முற்றிலும் தரமற்றது என்று தீர்ப்பாகிவிட்டது.

முதல் தீர்ப்பில் கூறியது போல் அமுல்படுத்திவிட்டு மூன்று மாதங்களுக்குள் பாடத் திட்டத்தில் மாற்றம் செய்திருக்கலாம். அதை விடுத்து விதண்டாவாதம் செய்து தன் மீது தானே சேரை வாரி இறைத்துக் கொண்டுள்ளனர்.

மற்ற பல வழக்குகளில் நீதிமன்றங்கள் ஆள்பவர்களுக்கு
சாதகமாக செயல்பட்டது போல் இல்லாமல், இவ்வழக்கில்
நடுநிலை காத்து, நீதியை நிலைநாட்டி சமூக அக்கறையுடன்
செயல்பட்டு நல்ல தீர்ப்பை வழங்கியது பாராட்டப்படவேண்டிய ஒன்று.

இதுபோல் நிலுவையில் உள்ள பல வழக்குகளிலும்
நீதிமன்றங்கள் நடுநிலையுடன் இவ்வாறே செயல்பட்டு
அரசியல் ஆதாயம் தேட விளையும் அரசியல்வாதிகளுக்கு
பொதுநலம் காப்பதே ஆள்பவர்களின் பிராதனமான குறிக்கோளாக
இருக்கவேண்டும் என்பதை உணர்த்த வேண்டும். உணர்வார்களா இனியாயினும்?

சீரானது சமச்சீர் கல்வித் திட்டம் - முடக்குவாதம் முடக்கப் பட்டது. வாழ்க நீதி...