பழமொழிகள்-பார்ட் II

(51) போகாத ஊருக்கு வழி எது

(52) சாண் ஏறினால் முழம் வழுக்கும்

(53) தேனெடுத்தவன் புறங்கையை நக்காமலிருக்க மாட்டான்

(54) கொட்டினாள் தேள் கொட்டாவிட்டால் பிள்ளைப் பூச்சி

(55) ஊருக்கு இளைத்தவன் பிள்ளையார் கோவில் ஆண்டி

(56) தடி எடுத்தவன் தண்டக்காரன்

(57) உதைப்பானுக்கு வெளுப்பான் சலவைக்காரன்

(58) பக்கம் பார்த்துப் பேசு

(59) வெளுத்ததெல்லாம் பாலல்ல

(60) மாமியார் உடைத்தால் மண் கலம் மருமகள் உடைத்தால் பொன் கலம்

(61) வாய் புளித்ததோ? மாங்காய் புளித்ததோ

(62) நாய் வாலை நிமிர்த்த முடியாது

(63) குடிகாரன் பேச்சு விடிந்தால் போச்சு

(64) தனக்கு மிஞ்சித் தான் தருமம்

(65) ஆற்றிலே போட்டாலும் அளந்து போடு

(66) ஆக்கப் பொறுத்தவர் ஆறப் பொறுப்பதில்லை

(67) வெட்டு ஒன்று துண்டிரண்டு

(68) சின்ன மீனைப் போட்டுப் பெரிய மீனைப் பிடி

(69) சிறு துளி பெரு வெள்ளம்

(70) வருமுன் காப்பதறிவு

(71) கடுகு சிறுத்தாலும் காரம் போகுமா?

(72) விளையும் பயிர் முளையிலே தெரியும்

(73) முடி சான்ற மன்னரும் முடிவில் பிடி சாம்பலாவர்

(74) மடியில் கனமிருந்தால் வழியில் பயம்

(75) தன் வினை தன்னைச் சுடும் ஓட்டப்பம் வீட்டைச் சுடும்

(76) பொறுத்தார் பூமியாள்வார் பொங்குவார் காடாள்வார்

(77) தருமம் தலை காக்கும்

(78) பட்ட காலிலே படும் கெட்ட குடியே கெடும்

(79) நோயிருக்கும் இடத்தில் தான் வைத்தியனுக்கு வேலை

(80) நோயற்ற வாழ்வே குறைவற்ற செல்வம்

(81) கண் கெட்ட பின்னர் சூரிய நமஸ்காரம்

(82) பனை மரத்தடியிலமர்ந்து பாலைக் குடித்தாலுள் கள்ளைக் குடித்ததாய்க் கொள்வார்கள்

(83) யானை இருந்தாலும் ஆயிரம் பொன், இறந்தாலும் ஆயிரம் பொன்

(84) மத்தளத்திற்கு இரு புறமும் இடி

(85) கழுதைக்குத் தெரியுமா கற்பூற வாசனை?

(86) சொறி பிடித்தவன் கை சும்மா இருக்காது

(87) இரும்படிக்கும் இடத்தில் ஈக்கென்ன வேலை

(88) பாலுக்கும் காவல் பூனைக்கும் தோழன்

(89) குனியக் குனியக் குட்டுவான், குனிந்தவன் நிமிர்ந்தால் குட்டினவன் ஓடுவான்

(90) ஓடும் நாயைக் கண்டால் துரத்தும் நாய்க்கு இளக்காரம்

(91) குட்டுப் பட்டாலும் மோதிரக்கையால் குட்டுப் பட வேண்டும்

(92) புத்திமானே பலவான்

(93) கற்றுக் கொடுத்த பாடமும் கட்டிக் கொடுத்த சாதமும் நீண்ட நாள் வருவதில்லை

(94) தாயும் பிள்ளையுமானாலும் வாயும் வயிறும் வேறு

(95) தானாடா விட்டாலும் சதையாடும்

(96) ஒட்டக் கூத்தன் பாட்டுக்கு இரட்டைத் தாழ்ப்பாள்

(97) உயர உயரப் பறந்தாலும் ஊர்க்குருவி பருந்தாகுமா?

(98) எட்டாக் கனிக்குக் கொட்டாவி விடாதே

(99) நல்லவனைப் போலிருப்பான் நடுச் சாமத் துரோகி

(100) கல்லடிக்குத் தப்பினாலும் கண்ணடிக்குத் தப்பாது

எங்கிருந்து இதெல்லாம் புடிக்கறீங்க நீங்க...

தேடி எடுக்க ரொம்ப கஷ்டபட்டீங்கபோல இருக்கு

எல்லாம் ஈகரை நண்பர்களுக்காக........நமது தமிழ் நண்பர்களுக்காக.....

jesudoss wrote:எல்லாம் ஈகரை நண்பர்களுக்காக........நமது தமிழ் நண்பர்களுக்காக.....

பகிர்ந்தமைக்கு நன்றி .
என்னிடத்தில் ஒரு புக் உள்ளது - நெட்டில் இருந்துதான் தரவிறக்கம் செய்தேன் - மொத்தம் 500 பழமொழி

jesudoss wrote:எல்லாம் ஈகரை நண்பர்களுக்காக........நமது தமிழ் நண்பர்களுக்காக.....