"மைத்ரீம் பஜதே"(அன்பு ஒன்றே நம்மை ஆளட்டும்)-ஒரு தெய்வத்தின் குரல்- மதங்களின் ஒற்றுமை.

எல்லா சமயங்களும் கடவுளை வழிபட ஏற்பட்டவையே. எல்லா சமயங்களும்..கடவுள் ஒருவரே..என்றே
சொல்கின்றன. ஒருவரேயான அந்தக் கடவுள்..எந்த சமயத்தின் மூலம் அவரை வழிபட்டாலும் ..
அதை ஏற்றுக்கொள்ளத்தான் செய்வார். எனவே, எவருமே..தாங்கள் பிறந்த மதத்தை விட்டு..இன்னொரு
மதத்தைத் தழுவ வேண்டியதில்லை.

கோயில், சர்ச், மசூதி, விஹாரம்....முதலியன அமைப்பில் ஒன்றுக்கொன்று மாறுபடலாம்.உள்ளே
இருக்கின்ற மூர்த்தி அல்லது சின்னம் மாறுபடலாம். ஒவ்வொன்றிலும், சடங்குகளும், ஆசார, அனுஷ்டானங்களும், மாறுபடலாம். ஆனால், அனுக்ரகம் செய்கிற பரமாத்மா மாறுவதில்லை. ஒவ்வொரு
தேச ஆசாரத்தையும், ஆங்காங்கே இருந்த ஜனங்களின் மனப்பான்மையினாலுமே..இந்த உலகில் பல்வேறு
மதங்கள் தோன்றின. இவையெல்லாமே, "ஒரே பரமாத்மாவை" அவரவர் மனோபாவப்படி பக்தி செய்து..
கடைசியில் அவரோடு சேரும் மார்க்கத்தை சொல்லித் தருபவையே. எனவே..எவருமே தான் பிறந்த
மதத்தை விட்டு வேறொரு மதத்திற்கு மாற வேண்டியதில்லை. உண்மையில், இப்படி மதம் மாறுபவர்கள்..தாங்கள் பிறந்த மதத்தையும், சேரும் மதத்தையும்..இரண்டையுமே இழிவு படுத்துகிறார்கள்.
இந்தச் செயலால், அவர்கள் கடவுளையும் இழிவு படுத்துகின்றனர்.

...........
...........
ஒரு ரயில்வே ஸ்டேஷனில்..பிரயாணிகள் வந்து இறங்கியதும்..ஜட்காக்காரன், போர்ட்டர்,ரிக்க்ஷாக்காரன்.
டாக்சிக்காரன்..என்று பலபேர் வந்து சூழ்ந்து கொள்கின்றனர். பிரயாணியால்.. எந்த வண்டியில் ஏறினாலும் ..
அவன் போக வேண்டிய இடத்துக்குப் போய்ச் சேரலாம். பிரயாணியைத் தன் பக்கம் இழுக்க வண்டிக்
காரர்கள் போட்டி போடுவதும் தப்பில்லைதான். ஆனால் ஒரே லக்ஷியமான கடவுளை அடைய...
மக்களை வெவ்வேறு மதஸ்தர்களும்...போட்டி போட்டுக்கொண்டு மாத மாற்றத்தில் முனைவது
அர்த்தமற்ற காரியம்.

..........
மதங்களுக்கிடையே..கோட்பாடுகளிலும், அனுஷ்டானங்களிலும்..சில வித்தியாசங்கள் இருக்கத்தான்
செய்கின்றன. அதில் தவறில்லை. எல்லா மதங்களையும் ஒன்றே போல் ஆக்க வேண்டிய அவசியங்கள்
எதுவுமில்லை. ஜனங்களின் மனோபாவத்தினால் ஏற்பட்ட விஷயம் ..ஜனங்களிடையே அப்படியே
இருப்பதில் ஒரு தவருமில்லை. மதங்களை எல்லாம் ஒன்று போல் ஆக்காமலே..ஆனால் எல்லா
மதஸ்தர்களும் மனத்தில் ஒற்றுமையோடு "எல்லோரும் ஒன்றுதான்" என்று இருப்பதுதான் அவசியம்.
மதங்களிடையே "யூனிஃபார்மிட்டி" அவசியமில்லை. மாறாக, "யூனிட்டி" இருப்பதே அவசியம்.


நன்றி: ஸ்ரீ காஞ்சி மகா ஸ்வாமிகளின் "தெய்வத்தின் குரலில்" இருந்து.

ஒரு ரயில்வே ஸ்டேஷனில்..பிரயாணிகள் வந்து இறங்கியதும்..ஜட்காக்காரன், போர்ட்டர்,ரிக்க்ஷாக்காரன்.
டாக்சிக்காரன்..என்று பலபேர் வந்து சூழ்ந்து கொள்கின்றனர். பிரயாணியால்.. எந்த வண்டியில் ஏறினாலும் ..
அவன் போக வேண்டிய இடத்துக்குப் போய்ச் சேரலாம். பிரயாணியைத் தன் பக்கம் இழுக்க வண்டிக்
காரர்கள் போட்டி போடுவதும் தப்பில்லைதான். ஆனால் ஒரே லக்ஷியமான கடவுளை அடைய...
மக்களை வெவ்வேறு மதஸ்தர்களும்...போட்டி போட்டுக்கொண்டு மாத மாற்றத்தில் முனைவது
அர்த்தமற்ற காரியம்.

இந்தியா,அமெரிக்கா, சீனா, லண்டன் போன்று எத்தனையோ நாடுகள் வேறு வேறு தான்.ஆனால் அவை எல்லாம் பூமி என்ற பூகோளம் ஒன்றில் தான் அடங்கியுள்ளது.

பாதை வெவ்வேறாக இருந்தாலும் போய் சேரும் இடம் ஒன்றுதான்.

நன்றி! கிச்சா.