சபரிமலை ஐயப்ப பக்தர்கள் கடைபிடிக்க வேண்டிய முறைகள்

**Admin** · **Admin** Wed Dec 03, 2008 11:31 pm

சிவபெருமான், மஹாவிஷ்ணு ஆகிய இரு பெரும் சக்திகளின் அம்சமாக அவதரித்தவர் சுவாமி ஐயப்பன். யோகாசன மூர்த்தியாய் சின்முத்திரையோடு சபரிமலை திருத்தலத்தில் திருக்கோயில் கொண்டுள்ள ஹரிஹர புத்திரர். அவரே நாம் சரணம் சொல்லி வழிபடத்தக்க சாஸ்தா. சாஸ்தா என்றால் உலகங்களை ஆள்பவர் என்று பொருள்.

கார்த்திகை மாதம் வந்துவிட்டாலே சபரிமலை செல்லும் ஐயப்ப பக்தர்கள் மாலை அணிந்து 41 நாட்கள் விரதம் மேற்கொள்ள ஆரம்பித்துவிடுவர். ஐயப்ப பக்தர்கள் மாலை அணிந்து விரதம் மேற்கொள்ளும் போதும், அவர்கள் சபரிமலைக்குச் செல்லும் போதும் கடைபிடிக்க வேண்டிய விதிமுறைகள் பற்றி இங்கே தொகுத்துள்ளோம்.

**Admin** · **Admin** Wed Dec 03, 2008 11:32 pm

1. சபரிமலை செல்ல விரும்புபவர்கள் கார்த்திகை மாதம் முதல் நாளோ அல்லது 19-ம் தேதிக்குள்ளோ ஒரு நாளில் மாலை அணியவேண்டும்.

2. மாலை துளசி மணி 108 கொண்டதாகவோ, உருத்திராட்ச மணி 54 உள்ளதாகவோ வாங்கி அதில் ஐயப்பன் திருவுருவம் பதித்த பதக்கம் ஒன்றையும் இணைத்து அணிய வேண்டும்.

3. தாய், தந்தையின் ஆசியுடன் குருசாமி ஒருவரின் கையால் ஆலயத்தில் பூஜை செய்து மாலையை அணிய வேண்டும்.

4. ஆசையுடன் பெண்களை பார்த்தல், விரும்புதல், பேசுதல் நினைத்தல் கூடாது.

5. நீலம், கருப்பு, காவி வண்ணத்தில் ஆடை அணிய வேண்டும்.

**Admin** · **Admin** Wed Dec 03, 2008 11:34 pm

சபரிமலை ஐயப்ப பக்தர்கள் கடைபிடிக்க வேண்டிய முறைகள்

1. தீட்சை வளர்த்து, பிரம்மச்சர்யத்தை கடைபிடிக்க வேண்டும்.

2. மற்றவரிடம் உரையாடும்போது "சாமி சரணம்" எனத் தொடங்கி விடைபெறும் பொழுதும் சாமி சரணம் எனக் கூறவேண்டும்.

3. காலை, மாலை வேளைகளில் குளிர்ந்த நீரில் குளித்து ஐயப்பன் சரணங்கள் கூறி வணங்க வேண்டும். விசேஷ பூஜைகளை புதன், சனிக்கிழமைகளில் செய்யலாம்.

4. படுக்கை விரிப்பு, தலையணை நீக்கி சிறு துண்டை மட்டும் தரையில் விரித்துப் படுக்க வேண்டும்.

5. காலணிகள், குடை முதலிய பொருள்களை உபயோகிக்கக் கூடாது.

6. மரணம் போன்ற துக்க காரியங்களில் கண்டிப்பாக கலந்து கொள்ளக் கூடாது. சடங்கு வீடுகளுக்குச் செல்லக் கூடாது.

7. இருமுடிகட்டு பூஜையை வீட்டிலோ, குருசாமி இடத்திலோ கோயில்களிலோ வைத்து நடத்த வேண்டும்.

8. சபரிமலை பயணம் புறப்படுகையில் யாரிடமும் போய் வருகிறேன் எனக் கூறக்கூடாது.

9. முதன்முதலாக மாலை அணிந்துள்ள கன்னிசாமிகள் மற்ற சாமிகளோடு பஜனை செய்து கன்னி பூஜை செய்ய வேண்டும்.

10. கன்னி ஐயப்பன்மார்கள் பெரிய பாதையில் செல்லுவதே நன்மை பயக்கும்.

மேலே கூறியவற்றை கவனத்தில் கொண்டு மாலையணிந்து "பொய்யின்றி, மெய்யோடு நெய்" கொண்டு சென்று ஐயப்பனை தரிசிப்பவர்களுக்கு ஐயப்பனின் அருள் கிடைக்கும்.
(மூலம் - வெப்துனியா)

Sponsored content · Sponsored content

சபரிமலை ஐயப்ப பக்தர்கள் கடைபிடிக்க வேண்டிய முறைகள்

சபரிமலை ஐயப்ப பக்தர்கள் கடைபிடிக்க வேண்டிய முறைகள்

Re: சபரிமலை ஐயப்ப பக்தர்கள் கடைபிடிக்க வேண்டிய முறைகள்

Re: சபரிமலை ஐயப்ப பக்தர்கள் கடைபிடிக்க வேண்டிய முறைகள்

Re: சபரிமலை ஐயப்ப பக்தர்கள் கடைபிடிக்க வேண்டிய முறைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக