பண்டிகைகளும் சமையல்களும்

**krishnaamma** · **krishnaamma** Fri Aug 05, 2011 11:59 am

First topic message reminder :

என்ன என்ன பண்டிகைக்கு என்ன என்ன சமைக்கலாம் என்பதை இங்கு பார்க்கலாம். (இது எங்க விட்டு முறை , தயவுசெய்து நீங்களும் உங்க விட்டு முறைகளை இங்கு பகிருங்கள். நாங்களும் தெரிஞ்சிபோம் புன்னகை

)

நன்றி

**krishnaamma** · **krishnaamma** Sat Jul 26, 2014 9:26 am

யாரும் பார்க்கலையா இதை ? உங்கள் வீடு வழக்கத்தை எழுதுவீர்கள் என்று எதிர் பார்த்தேன் சோகம்

**சிவா** · **சிவா** Sun Jul 27, 2014 4:02 am

krishnaamma wrote:யாரும் பார்க்கலையா இதை ? உங்கள் வீடு வழக்கத்தை எழுதுவீர்கள் என்று எதிர் பார்த்தேன்

எனக்கு எங்கள் வீட்டில் என்ன வழக்கம் என்றெல்லாம் தெரியாது அக்கா. தனியாகவே வாழ்ந்து இவைகளெல்லாம் தெரியாமலே போய்விட்டது!

**krishnaamma** · **krishnaamma** Sun Jul 27, 2014 11:56 am

சிவா wrote:
krishnaamma wrote:யாரும் பார்க்கலையா இதை ? உங்கள் வீடு வழக்கத்தை எழுதுவீர்கள் என்று எதிர் பார்த்தேன்

எனக்கு எங்கள் வீட்டில் என்ன வழக்கம் என்றெல்லாம் தெரியாது அக்கா. தனியாகவே வாழ்ந்து இவைகளெல்லாம் தெரியாமலே போய்விட்டது!

மேற்கோள் செய்த பதிவு: 1076006

சாரி சிவா சோகம்

**krishnaamma** · **krishnaamma** Sat Mar 19, 2022 9:36 pm

தீபாவளி

எந்தப் பட்சணம் வேண்டுமானாலும் சௌகரியம் போல் செய்யலாம்.
பஜ்ஜியும் மருந்தும் அதாவது லேகியமும் கட்டாயம் செய்யணும்.
முதல் நாளே தேங்காய் எண்ணையில் மஞ்சள் பொடி, 10 மிளகு, 1 ஸ்பூன் உளுந்து போட்டு காய்ச்சணும்.
மறுநாள் புது டிரஸ்களை பெருமாள் மேடையில் வைத்து, எல்லா பக்ஷணங்களையும் வைத்து புது துணிகளுக்கு மஞ்சள் குங்குமம் இட்டு வைக்கணும்.
வீட்டில் உள்ள எல்லோருக்கும் நலங்கு வைத்து, எண்ணை வைத்து வெற்றிலை பாக்கு போட்டுக்க சொல்லணும்.
எண்ணையில் வறுபட்ட மிளகை சாப்பிடக் கொடுக்கலாம். உளுத்தம் பருப்பையும் சாப்பிடக் கொடுக்கலாம்.
எதாவது ஒரு பட்டசு அல்லது மத்தப்பு விட்டதும் குளிக்கலாம்.
சீயக்காய் தேய்த்து குளிப்பது மிக்க நலம்.
குளித்ததும் புதுசு போட்டுண்டு பெருமாள் மற்றும் ஆத்து பெரியவர்களை சேவிக்க வேண்டும்.

**krishnaamma** · **krishnaamma** Sat Mar 19, 2022 9:53 pm

10 கார்த்திகை

காலயில் வடை பாயசம். மாலையில் பொரி உருண்டைகள், அப்பம், நெல்பொரி, அவல்பொரி உருண்டைக்கு வெல்லம், பாகு பாத்திரத்தில் அடித்தால் சத்தம் கேட்க வேண்டும். நெல் பொரி முக்கியம்.

**krishnaamma** · **krishnaamma** Sat Mar 19, 2022 10:00 pm

11. மார்கழி மாதப் பிறப்பு

மாத ஆரம்பத்தில் சர்க்கரை பொங்கல் வெண்பொங்கல் பண்ணணும்.
27ம் நாள் கூடாரவல்லி அன்று சர்க்கரை பொங்கல் நிறைய நெய் விட்டு செய்யணும்.

திருவாதிரை அன்று திருவாதிரை களி பண்ணணும்.

**krishnaamma** · **krishnaamma** Sat Mar 19, 2022 10:12 pm

12. போகி

காலையில் பண்டிகை சமையல். ஆமை வடை.

மாலை போளி. தேங்காய் போளி செய்வதானால் தேங்காய் துருவல் பாதி வெல்லம் பாதி. தேங்காயை அரத்துக் கொண்டு வெல்லத்தையும் போட்டு அரைத்து, இலுப்பு சட்டியில் போட்டு கிளறி ஒரு ஸ்பூன் நெய் விட்டு கிளறி இறக்க வேண்டும். இது தான் பூரணம். ( கொழுக்கட்டை க்கும் இதே தான் ) இதை முதல் நாளே செய்து வைத்துக் கொள்ளலாம். மறுநாள் கடலை போளி க்கு செய்வது போல மேல் மாவு பிசைந்து தட்ட வேண்டும்.

**krishnaamma** · **krishnaamma** Sat Mar 19, 2022 10:23 pm

13. பொங்கல் - ம்கர சங்கராந்தி

உளுந்து வடை ( கொஞ்சம் கடலை பருப்பு சேர்க்கவும்), சர்க்கரைப் பொங்கல், வெண் பொங்கல் மற்றும் சங்கராந்திக் கூட்டு.

சங்கராந்திக் கூட்டு என்பது 7 அல்லது 9 காய் கூட்டு.

கடலைப் பருப்பு, உளுத்தம் பருப்பு, பெருங்காயம், மிளகாய் வற்றல், தனியா இவைகளை வறுத்து தேங்காய் வைத்து அரைத்துக் கொள்ளவும். காய்கறிகளை வேகவைத்துக் கொண்டு கொஞ்சம் புளி கரத்து விட்டு உப்பு போட்டு, அரைத்த விழுதும் போட்டு, வெந்த அப்பருப்பையும் போட்டு கொதிக்க விடணும். பிறகு இறக்கி கடுகு தாளிக்கணும்.

காய்கறிகள் : பொங்கல் சமையத்தில் நிறைய காய்கறிகள் கிடைக்கும். அதிலிருந்து 7 அல்லது 9 காய்களை தேர்ந்து எடுத்துக் கொள்ளலாம்.

**krishnaamma** · **krishnaamma** Sat Mar 19, 2022 10:30 pm

14. கனு

சித்திரான்னங்கள் கலக்க வேண்டும். அதாவது, புளியோதரை, தேங்க்காய் சாதம், எலுமிச்சை சாதம், சர்க்கரைப் பொங்கல், கல்கண்டு சாதம் தயிர் சாதம் என எதுவேண்டுமானாலும் கலக்கலாம். வத்தல் அப்பளாம் பொரிக்கணும்.

**T.N.Balasubramanian** · **T.N.Balasubramanian** Sun Mar 20, 2022 5:17 pm

வரப்போகிற தமிழ் புத்தாண்டுகளுக்கு என்னென்ன செய்யவேண்டும்?

@krishnaamma

Sponsored content · Sponsored content

பண்டிகைகளும் சமையல்களும்

பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

Re: பண்டிகைகளும் சமையல்களும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக