ஒரு பாவத்தின் அஞ்சலி (15).

**rameshnaga** · **rameshnaga** Thu Aug 04, 2011 6:46 pm

நல்லதைக் கேட்கச் சொன்னால்-எந்தன்
காதுகள் கரணம் போடும்.
கவிழ்ந்து தன் இமையும் மூடும்.
தீமையின் பக்கம் நீண்டே...
தீராத வினைகள் சேர்க்கும்.
பாவியாய் வாழ்ந்துவிட்டு..
போலி பக்தனாய் நிமிர்ந்து நிற்கும்.

உண்மையை சொல்லச் சொன்னால் -
உள்ளதை நானும் சொல்வேன்.
என்னைப் பாவத்தில் வீழ்த்தும் பாவம்..
என் கண்களும்..காதும் என்பேன்.

எந்தன்-
காஞ்சி வாழ் கமலக்கண்ணா..

பாவங்கள் செய்த காதால் -உந்தன் திருநாமம்
கேட்டால் போதும்;
பழியினைச் செய்த கண்ணால்-உந்தன்
திருமேனி கண்டால் போதும்.
பாவமும்,பழியும் தீர்ந்து..
பக்தியை மட்டும் செய்யும்
அளவிலாப் பேற்றில் சேரும்..
இந்தப்-
பாவங்கள் தீர்ந்த பாவம்.