சுவனத்துப் பாதை

அப்துல்லாஹ் · அப்துல்லாஹ் Mon 1 Aug 2011 - 16:21

மாதங்கள் பன்னிரண்டில் மகுடம் தரித்த
மானுடம் செழிக்க வந்த சுவனத்து பாதை
தன்னுடன் அடியானை தக்கவைத்துக்கொள்ள
தயாபரன் தந்த தரமிக்க பரிசு

எழுபது தாயினும் கருணையில் மிகைத்த
ஏக இறைவனை நினைத்துப் பசித்து
நித்திரை கலைத்துநின் றழுது தொழுது
நிரந்தர சுவனம் குறிக்கோள் கொண்டு

சுவனத்துப் பாதை Cryingman

இம்மை வாழ்வில் பட்ட துயரெலாம்
இதயம் உருகி இரு விழி நீராய்
செய்த பாவம் பழிகளையெல்லாம்
சேர்த்துக் களைந்திடும் சிர்மிக்க மாதம்

மன்னுயிர் செழித்து மாண்புடன் வாழ
மக்கமா நகரில் முகமது நபிக்கு
வானவர் ஜிப்ரயில் சிறகோட ணைத்து
வான்மறை குர்ஆன் வழங்கிய மாதம்

வருந்திடும் ஏழை வாட்டம் போக்கிட
வகுத்தொரு கணக்கினை வரும்படியிலிருந்து
வாரி வழங்கிஅவர் வறுமை போக்கிட
வசந்தம் வீசிடும் சக்காத் மாதம்

ரமலான் மாதம் ரஹ்மத் மாதம்
ரய்யான் வாசலில் ரட்சிக்கும் மாதம்
மெய்யான இன்பத்தை மென்மேலும் ஈந்து
கையோடு நம்மைக் கரை சேர்க்கும் மாதம்.

சுவனத்துப் பாதை Ramadan3