கலாநிதி மீது புகார் கொடுத்தவர் மர்ம மரணம்

kitcha · kitcha Wed Aug 03, 2011 4:46 pm

ராமநாதபுரம்: தன்னை மிரட்டி ரூ. 15 லட்சம் மதிப்பிலான கேபிள் பொருட்களை அபகரித்ததோடு, தனக்கு கொலை மிரட்டல் விடுத்ததாக, சன் டி.வி., நிர்வாக இயக்குநர் கலாநிதி மீது புகார் கொடுத்த நாகராஜன் என்பவர் இன்று மர்மமான முறையில் மரணமடைந்தார். ராமநாதபுரத்தைச் சேர்ந்தவர் நாகராஜன். தி.மு.க., பிரமுகரான இவர், அப்பகுதியில் கடந்த 98 முதல் 2002ம் ஆண்டு வரை லிங்க் ஆபரேட்டராக இருந்து கேபிள் தொழில் செய்து வந்தார். பின்னர் கடந்த 2008ம் ஆண்டு, 55 சேனல்களுடன் ரூ. 15 லட்சம் செலவில், புதிய ஹெட் எண்ட் எனப்படும் கேபிள் ஒளிபரப்பு கன்ட்ரோல் ரூம் அமைக்கும் பணியில் ஈடுபட்டிருந்தார். இதற்காக லைசன்சும் பெற விண்ணப்பித்தார். இந்நிலையில், இதுகுறித்து அறிந்த மதுரையைச் சேர்ந்த சன் டி.வி.,யின் சார்பு நிறுவனமான சுமங்கலி கேபிள் விஷன் மற்றும் ஆகாஷ் கேபிளைச் சேர்ந்த சரவணன் மற்றும் கமலக்கண்ணன் ஆகியோர் மேலும் 10 பேருடன் வந்து நாகராஜை மதுரைக்கு கடத்தி சென்றனர். அங்கு 2 நாட்கள் சிறைவைக்கப்பட்ட நாகராஜ், அப்போதைய மதிச்சியம் துணை ஆணையர் குமரவேல் முன்னிலையில் மிரட்டப்பட்டார். அவரது கன்ட்ரோல் ரூமை சுமங்கலி கேபிள் விஷனுக்கு ரூ. 20 பத்திரத்தில் மாற்றி எழுதிக்கொண்டனர். இது குறித்து, ராமநாதபுரம் எஸ்.பி., அனில்குமார் கிரியை சந்தித்த நாகராஜன், சன் டி.வி., நிர்வாக இயக்குநர் கலாநிதி, ஆகாஷ் கேபிள் மற்றும் ஏ.சி., குமாரவேல் ஆகியோர் மீது மோசடி புகார் தெரிவித்திருந்தார். இந்த வழக்கு நிலுவையில் உள்ள நிலையில், இன்று அவர் மர்மமான முறையில் மரணமடைந்தார்.

dinamalar