2வது டெஸ்ட்டை வெல்ல இந்தியாவுக்கு 'அடேங்கப்பா' இலக்கு நிர்ணயிப்பு!

மணிகண்டபூபதி · 30/06/2009

நாட்டிங்காம்: 2வது டெஸ்ட் போட்டியில் இந்தியா வெல்ல 479 ரன்கள் என்ற மிகப் பெரிய இலக்கை இங்கிலாந்து நிர்ணயித்துள்ளது. இந்த இமாலய இலக்கை துரத்தத் தொடங்கியுள்ள இந்தியா பெரும் அதிர்ச்சி தரும் வகையில் ராகுல் டிராவிடை இழந்து விட்டது.

டிம் பிரஸ்னன் படு வேகமாக சேர்த்த 90 ரன்கள் காரணமாக இங்கிலாந்து அணி தனது 2வது இன்னிங்ஸை 7 விக்கெட் இழப்புக்கு 544 ரன்கள் குவித்து டிக்ளேர் செய்தது.

இதனால் இந்தியாவுக்கு 479 ரன்கள் எடுத்தால் வெற்றி என்ற அயர்ச்சியான இலக்கு நிர்ணயிக்கப்பட்டது.

நேற்று 374 ரன்கள் முன்னிலையில் இருந்த இங்கிலாந்து இன்று படு துரிதமாக ஆடி ரன்களை குவித்தது. மிகப் பெரிய வித்தியாசத்தில் வெல்ல வேண்டும் என்ற முனைப்புடன் இங்கிலாந்து வீரர்கள் ஆடினர். இதனால் இந்தியாவுக்கான ரன் இலக்கு கூடிக் கொண்டே போனது.

டிம் பிரஸ்னன் படு வேகமாக ஆடி 90 ரன்களைக் குவித்து இங்கிலாந்தின் திட்டத்திற்கு பேருதவியாக இருந்தார். அவரது அட்டகாசமான ஆட்டத்தால் இங்கிலாந்து அணி 6 விக்கெட் இழப்புக்கு 441 என்ற நிலையிலிருந்து 7 விக்கெட் இழப்புக்கு 544 என்ற அபாரமான நிலையை எட்டியது.

இங்கிலாந்து அணி டிக்ளேர் செய்ததைத் தொடர்ந்து இந்தியா தனது 2வது இன்னிங்ஸைத் தொடங்கி ஆடி வருகிறது. எடுத்த எடுப்பிலேயே இந்தியாவுக்கு அதிர்ச்சி காத்திருந்தது.

6 ரன்கள் மட்டுமே எடுத்திருந்த நிலையில் ராகுல் டிராவிட், பிராட் பந்து வீச்சில் பிரியரிடம் கேட்ச் ஆகி வெளியேறி விட்டார்.

தற்போது இந்தியா ஒரு விக்கெட் இழப்புக்கு 8 ரன்கள் எடுத்து தடுமாறிக் கொண்டிருக்கிறது.

போட்டியை முடிந்தவரை டிரா செய்ய இந்தியா முயற்சிக்கலாம். இருப்பினும் அதற்கான வாய்ப்பு மிகவும் குறைவே. லட்சுமண், சச்சின் டெண்டுல்கர், யுவராஜ் சிங், ரெய்னா போன்றோரின் ஆட்டத்தைப் பொறுத்தே அது இருக்கிறது.

**ரா.ரமேஷ்குமார்** · 23/01/2011

இந்திய‌ அணி த‌ற்போது 2 விக்கெட்டுக‌ளை இழ‌ந்து 13 ர‌ன்க‌ளை எடுத்துள்ள‌து...

2வது டெஸ்ட்டை வெல்ல இந்தியாவுக்கு 'அடேங்கப்பா' இலக்கு நிர்ணயிப்பு!

2வது டெஸ்ட்டை வெல்ல இந்தியாவுக்கு 'அடேங்கப்பா' இலக்கு நிர்ணயிப்பு!

Re: 2வது டெஸ்ட்டை வெல்ல இந்தியாவுக்கு 'அடேங்கப்பா' இலக்கு நிர்ணயிப்பு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக