மிக்சி, கிரைண்டர், லேப்டாப் இலவசங்களை எதிர்த்து வழக்கு புதிய நெறிமுறை வகுக்க முடிவு

**ந.கார்த்தி** · **ந.கார்த்தி** Sat Jul 30, 2011 3:59 pm

புதுடில்லி : இலவச பொருட்கள்
வழங்குவது எதிர்த்து தொடரப்பட்ட வழக்கில் உச்ச நீதிமன்றம் புதிய உத்தரரவை
பிறப்பித்துள்ளது. இலவச டிவி வழங்குவதை தடை செய்யக் கோரி, சென்னை வக்கீல்
சுப்பிரமணிய பாலாஜி, உச்ச நீதிமன்றத்தில் கடந்த ஆண்டு ஒரு மனு தாக்கல்
செய்தார். இந்த வழக்கு நீதிபதிகள் சதாசிவம், சவுகான் ஆகியோர் முன்பு நேற்று
விசாரணைக்கு வந்தது.

வழக்கை விசாரித்த நீதிபதிகள், ‘‘கடந்த ஆட்சியில் இலவச கலர் டி.வி
வழங்கினார்கள், தற்போதைய அரசும் லேப்டாப், மிக்சி, கிரைண்டர் வழங்க முடிவு
செய்துள்ளது. இது வறுமை கோட்டுக்கு கீழ் உள்ளவர்களுக்கு மட்டும்
வழங்கப்படுகிறதா? அல்லது அனைத்து தரப்பினருக்கும் வழங்கப்படுகிறதா? இதற்காக
ஏதாவது நெறிமுறைகள் வகுக்கப்பட்டுள்ளதா?’’ என்று தமிழக அரசு வக்கீலிடம்
கேள்வி எழுப்பினர்.

தமிழக அரசு வக்கீல் சுப்பிரமணிய பிரசாத் ஆஜராகி, ‘‘இலவச லேப்டாப் என்பது
அரசு மற்றும் அரசு உதவி பெறும் பள்ளியில் பிளஸ் 2 மாணவர்களுக்கு மட்டும்
வழங்கப்படுகிறது. மிக்சி, கிரைண்டர் ஆகியவை எப்படி வழங்கப்படுகிறது என்று
பதில் அளிக்க கால அவசாகம் தேவை’’ என்றார்.இதையடுத்து நீதிபதிகள் பிறப்பித்த
உத்தரவில் கூறியிருப்பதாவது

தேர்தலுக்கு முன்பு இலவச பொருட்களை அரசியல் கட்சிகள் வாக்காளர்களுக்கு
வழங்கினால், அதை தேர்தல்ஆணையம் லஞ்சம் என்று நடவடிக்கை எடுக்கிறது. ஆனால்
தேர்தல் அறிக்கையில் இலவச பொருட்கள் வழங்குவதாக அறிவித்ததையோ தேர்தலுக்கு
பிறகு இலவச பொருட்களை விநியோகிப்பதை தேர்தல் ஆணையம் நடவடிக்கை எடுப்பது
இல்லை. எனவே இலவச திட்டம் குறித்து தேர்தல் அறிக்கையில் அரசியல் கட்சிகள்
கூறியிருந்தால் தேர்தல் ஆணையம் தலையிட முடியுமா? என்பது குறித்து
நெறிமுறைகள் வகுக்க உள்ளோம். வரும் 19ம் தேதிக்கு விசாரணையை
தள்ளிவைக்கிறோம்’’ என்றனர்.
TMT மிக்சி, கிரைண்டர், லேப்டாப் இலவசங்களை எதிர்த்து வழக்கு புதிய நெறிமுறை வகுக்க முடிவு 678642

மிக்சி, கிரைண்டர், லேப்டாப் இலவசங்களை எதிர்த்து வழக்கு புதிய நெறிமுறை வகுக்க முடிவு 678642

மிக்சி, கிரைண்டர், லேப்டாப் இலவசங்களை எதிர்த்து வழக்கு புதிய நெறிமுறை வகுக்க முடிவு

மிக்சி, கிரைண்டர், லேப்டாப் இலவசங்களை எதிர்த்து வழக்கு புதிய நெறிமுறை வகுக்க முடிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக