தமிழில் பெயர் : சினிமாக்காரர்களுக்கு ஆப்படித்த ஜெ.

realvampire · realvampire Wed Jul 27, 2011 1:35 am

கடந்த திமுக ஆட்சியில் நம்மை மிகவும் கொதிப்படைய வைத்த விஷயம்
’சினிமாப்படங்களுக்கு தமிழில் பெயர் வைத்தால் வரி விலக்கு’ என்ற சட்டம்.
தமிழில் பெயர் வைக்கப்பட்டிருந்தாலும் ஸ்பானிஷில் பெயர்
வைக்கப்பட்டிருந்தாலும் மாதச் சம்பளக்காரனிடம் வருமான வரியை கேட்காமலேயே உருவும் நாட்டில் தான் இந்த கோமாளிச் சட்டம் இயற்றப்பட்டது.

தமிழில் பெயர் : சினிமாக்காரர்களுக்கு ஆப்படித்த ஜெ. Boys+%25281%2529

2006ல் ராமதாஸ், திருமாவளவன் போன்ற அரசியல் தலைவர்கள் தமிழில் பெயர் வைக்காமல் ஆங்கிலத்தில் பெயர் வைக்கும் சினிமாக்காரர்களை கடுமையாக எதிர்த்துக் கொண்டிருந்தார்கள். சில இடங்களில் அது சட்டம் ஒழுங்குப் பிரச்சினையாகவும் ஆனது. ‘இது படைப்பாளியின் சுதந்திரத்தில் தலையிடும் செயல்’ என இயக்குநர்களும் நடிகர்களும் பதிலுக்கு கூவிக்கொண்டிருந்தார்கள்.

இந்த நேரத்தில் தான் அந்தக் கால சாணக்கியரான கருணாநிதியின் மூளை வேலை செய்தது. ’தமிழில் பெயர் வைத்தால் வரி விலக்கு’ என்ற ஒரே கல்லில் பல மாங்காய்களை வீழ்த்தினார்.

கூட்டணிக்கட்சிகளையும் சட்டம் ஒழுங்கையும் தனக்குத் தெரிந்த அசமஞ்ச வழியில் சரி பண்ணியாயிற்று.

சினிமாக்காரர்கள் ஐந்து வருடமும் கலைஞரின் காலடியிலேயே கிடந்தார்கள். ரொம்ப போரடித்தால் பாராட்டு விழாவும் அதில் நடிகைகளின் நடனமும் நினைத்த நேரத்தில் கிடைத்தது. வரி விலக்கு என்றவுடன் படைப்பாளியின் சுதந்திரம் பற்றி வாய் கிழியப் பேசிய அறிவுஜீவிகள் மூச்சு விடவில்லை. தயாரிப்பாளரிடம் ’ஆங்கிலத்தில் தான் பெயர் வைப்பேன்’ என்று ஒருத்தனும் போராடியாகச் செய்தியும் இல்லை.

தமிழில் பெயர் : சினிமாக்காரர்களுக்கு ஆப்படித்த ஜெ. Mumbai-express

தியேட்டர்காரர்கள் முதல் தயாரிப்பாளர்கள் வரை யாரும் சினிமாவால் கிடைத்த லாபத்திற்கு வரி கட்டவேண்டிய அவசியம் இல்லாமல் போனது. தொடர்ந்து நிதிகளும் மாறன்களும் சினிமாத் தயாரிப்பில் இறங்கி ‘வரியில்லா வருமானத்தை’ அள்ளினர்.கூடவே கணக்கில் காட்ட முடியாதிருந்த கறுப்புக் பணத்தை வெள்ளையாக்கவும் இந்தச் சட்டம் மறைமுகமாக உதவி இருக்கலாம்.

பொதுவாக வரி விலக்கு என்பது அதை நுகர்வோரைச் சென்றடைவதே வழக்கம். முன்பு வரிவிலக்கு அளிக்கப்படும் நல்ல படங்கள்கூட குறைவான டிக்கெட் விலையில் திரையிடப்பட்டன. ஆனால் எங்கும் இல்லாத அதிசயமாக இந்த வரிவிலக்கு எந்த விதத்திலும் சினிமா ரசிகர்களுக்கு பயனளிக்கவில்லை. டிக்கெட் விலை குறைப்பு பற்றி அரசு கண்டிப்பு காட்டவும் இல்லை.

வரி விலக்கில் காட்டப்பட்ட பாரபட்சம். மூத்த தமிழ்க்குடிகளின் குல தெய்வமான
’ஒச்சாயி’ பெயரில் எடுக்கப்பட்ட படத்திற்கு வரி விலக்கு மறுக்கப்பட்டது.
’சிவாஜி, வா குவார்ட்டர் கட்டிங்’ போன்ற ’செல்வாக்கு படைத்த ‘படங்களுக்கு
தாராளமாக வரி விலக்கு அளிக்கப்பட்டது.

இதை விடவும் மோசமான விஷயம், நம் கவனத்திற்கு வராமல் போன விஷயம் இந்த கேளிக்கை வரி விலக்கால் மாநகராட்சி/நகராட்சிகளுக்கு ஏற்பட்ட வரி இழப்பு. பொதுவாக டிக்கெட்டில் குறிப்பிட்ட சத்வீதம் கேளிக்கை வரியாக வசூலிக்கப்பட்டு,
அந்தந்த நகராட்சிகளின் வளர்ச்சிப்பணிக்கு அந்தப் பணம் செலவிடப்படும். ஆனால்
இவர்களது சுயநலக் கூத்தில், நகராட்சிகள் நடுத்தெருவில் விடப்பட்டன.

அதற்கு நகராட்சிகள் எதிர்ப்பு தெரிவித்த பின் வருடம் (தோராயமாக) 50,000 ரூபாய்
நிதி ஒவ்வொரு நகராட்சிக்கும் ஒதுக்கப்பட்டது, பலவித நிபந்தனைகளுடன். அதைப்
பெறுவதற்குள் நகராட்சிகள் விழி பிதுங்கின. ஆனால் இந்தச் சட்டம்
இயற்றப்படும் முன் நகராட்சிகளுக்கு தோராயமாக கேளிக்கை வரி வசூலாக இரண்டு
லட்சம் வரை மினிமம் கிடைத்துக் கொண்டிருந்தது. (கணக்கீடு ’சுமாரான டவுன்’
ஆன கோவில்பட்டி நகராட்சி அலுவலகம் மூலம் பெறப்பட்டது. மற்ற நகராட்சிகள்
பற்றி நீங்களே யோசித்துக் கொள்ளுங்கள்)

தமிழில் பெயர் : சினிமாக்காரர்களுக்கு ஆப்படித்த ஜெ. Tu_5889

இவ்வாறு எந்த வகையிலும் நியாயமற்ற ஒரு சட்டத்திற்கு இப்போது ஆப்பு வந்து
சேர்ந்துள்ளது. வரி விலக்கு பெற வேண்டும் என்றால் கீழ்கண்ட நிபந்தனைகளை
படங்கள் பூர்த்தி செய்ய வேண்டும் என அதிமுக அரசு அறிவித்துள்ளது:

1. திரைப்படம் குடும்பத்துடன் பார்க்கக்கூடிய ”யூ" சான்றிதழ் பெற்றிருக்க வேண்டும்.

2. திரைப்படத்தின் கதையின் கருவானது தமிழ் மொழி மற்றும் பண்பாட்டின் வளர்ச்சிக்கு உகந்ததாக இருத்தல் வேண்டும்.

3.திரைப்படத்தின் தேவையை கருதி பிறமொழிகளை பயன்படுத்தும் காட்சிகளைத் தவிர பெருமளவில் திரைப்படத்தின் வசனங்கள் தமிழ் மொழியில் இருத்தல் வேண்டும்.

4.திரைப்படத்தில் வன்முறை மற்றும் ஆபாசங்கள் அதிக அளவில் இடம் பெறுமேயானால் அத்திரைப்படம் வரிவிலக்கு பெறப்படுவதற்கான தகுதியை இழக்கும்.

இப்படி சுத்தி வளைத்துச் சொல்வதை விட ஜெ. நேரடியாகவே “வரி விலக்கு கிடையாது” என்று சொல்லி இருக்கலாம். அது நம் மக்களிடையே இன்னும் நல்ல பெயரை பெற்றுத் தந்திருக்கும்.

நன்றி:செங்கோவி

rajamohammed · rajamohammed Wed Jul 27, 2011 1:43 am

1. திரைப்படம் குடும்பத்துடன் பார்க்கக்கூடிய ”யூ" சான்றிதழ் பெற்றிருக்க வேண்டும்.
2. திரைப்படத்தின் கதையின் கருவானது தமிழ் மொழி மற்றும் பண்பாட்டின் வளர்ச்சிக்கு உகந்ததாக இருத்தல் வேண்டும்.

:வணக்கம்:

**சிவா** · **சிவா** Wed Jul 27, 2011 1:55 am

பயனுள்ள சட்டத்தை இயற்றியுள்ள அ இ அ தி மு க அரசுக்கு பாராட்டுக்கள்!

///இப்படி சுத்தி வளைத்துச் சொல்வதை விட ஜெ. நேரடியாகவே “வரி விலக்கு கிடையாது” என்று சொல்லி இருக்கலாம். ///

செங்கோவி சரியாத்தான் சொல்லியிருக்கார்!

தாமு · தாமு Wed Jul 27, 2011 5:09 am

மகா பிரபு · மகா பிரபு Wed Jul 27, 2011 5:37 am

நல்லதொரு பதிவு.

**T.N.Balasubramanian** · **T.N.Balasubramanian** Wed Jul 27, 2011 7:33 am

சினிமாவிற்கு, தமிழ் பெயர் வைத்தால், வரி விலக்கு என்று சட்டம் இயற்றி, டிக்கெட் விலையில் சலுகை அளிக்காமலும் மக்களை ஏமாற்றிய முந்தைய அரசு, நகராட்சிகளின் வருமானத்தை கெடுத்தது. தயாரிப்பாளர்களுக்கும் ,விநியோகஸ்தர்களுக்கு நன்மை செய்தது.
வரி சலுகை இல்லை என்று கூறினால், தமிழ் பற்று இல்லை என்ற அவசியமில்லாத பட்டம் கிடைக்கும். புதிய கோணத்தில் ஆராய்ந்து சலுகை பெற ,இடம் பெற வேண்டிய விஷயங்களை வலி யுறுத்தி உள்ளது வரவேற்கதக்கது .
யார் புத்திசாலி என்று தெரிகிறது.!

ரமணீயன்.

kitcha · kitcha Wed Jul 27, 2011 9:59 am

திரைப்படத்தில் வன்முறை மற்றும் ஆபாசங்கள் அதிக அளவில் இடம் பெறுமேயானால் அத்திரைப்படம் வரிவிலக்கு பெறப்படுவதற்கான தகுதியை இழக்கும்.

வரவேற்க வேண்டிய விசயம்.

அதிக அளவில் என்பதற்கு எதாவது வரையறை உண்டா.

**இளமாறன்** · **இளமாறன்** Wed Jul 27, 2011 10:34 am

.திரைப்படத்தில் வன்முறை மற்றும் ஆபாசங்கள் அதிக அளவில் இடம் பெறுமேயானால் அத்திரைப்படம் வரிவிலக்கு பெறப்படுவதற்கான தகுதியை இழக்கும்.

காமெர்சியல் படத்திற்கு தானே மக்கள் அதிகம் போறாங்க ... அப்போ அதுக்கு தனி டிக்கெட் கொடுப்பங்களா .. சுமார் 50 கோடி பட்ஜெட் படத்திற்கு வரிவிலக்கு என்று 3 இலட்சம் விலக்குக்கொடுப்பார்கள் என்றால் அது எதற்கு ?

அப்போ நமீதா படமென்றால் நோ வரிவிலக்கு சிரி

பாவம் சென்சார் அலுவலகத்தினர் எது ஆ எது யூ மறந்து போய் இருப்பார்கள்

ரேவதி · ரேவதி Wed Jul 27, 2011 10:40 am

**அருண்** · **அருண்** Wed Jul 27, 2011 10:44 am

இயற்றி உள்ள சட்ட வரவேற்க கூடியது தான் இப்ப வரும் படங்கள் குடும்பதுடன் பார்க்க முடிவதில்லை அந்த அளவுக்கு ஆபாச காட்சியை புகுத்து கிறார்கள்..! சூப்பருங்க

Sponsored content · Sponsored content

தமிழில் பெயர் : சினிமாக்காரர்களுக்கு ஆப்படித்த ஜெ.

தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

Re: தமிழில் பெயர் : சினிமாக்காரர்களுக்கு ஆப்படித்த ஜெ.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக