உனது புன்னகையில் வழியும் தேன்...

**rameshnaga** · **rameshnaga** Mon Jul 25, 2011 6:45 pm

First topic message reminder :

அரசியல்:
*************
சில தீக்குச்சிகள் எரிந்து விடுகின்றன;
ஒளி பெற்று விடுகிறது
ஒரு சூரியன்.
******************************
கங்கையில் தடுமாறுகிறது
அலையாய்..
மூழ்கி எழும் மனிதனின் பாவங்கள்.
*********************************
உனக்கும் சிறகுகள்;
எனக்கும் சிறகுகள்;
வானத்தைப் பிரிக்க வேண்டாம்.
*********************************
இடம் தந்த மரத்திற்கு
இருக்குமா இடம்
பறவையின் இதயத்தில்?..
*********************************
கூண்டுப் பறவைக்குக் கோபம்
வெளியே திரிகிறது
சிறகு.
*********************************
காளைகள் அசைபோடுகின்றன..
தன்னைப் போல்
வண்டி இழுத்தவனின் வலியை.
************************************
எத்தனை பொய்யானது....
இத்தனை வருட வாழ்வில்
ஒரே ஒரு காதலோடு வாழ்ந்தோம் என்பது!
**************************8***********
வடை திருடிய காகத்தைத்
திருடிவிட்டன
கார்ட்டூன்களும்..ஸ்பைடர் மேன்களும்.
***************************************
நானும் கடவுள்
முதல் பொய் சொல்லும் வரை..
***************************************
பூவில் அமரும் பூச்சிக்கு
அருந்தத் தெரியவில்லை
உனது புன்னகையில் வழியும் தேன்.
****************************************
காங்க்ரீட் கூடுகளுக்குள்
சில பறவைகள்..
வானமற்றதாகி விடுகிறது வாழ்க்கை.
****************************************

**rameshnaga** · **rameshnaga** Mon Jul 25, 2011 9:38 pm

நன்றி! இளமாறன்.

நியாஸ் அஷ்ரஃப் · 15/06/2010

"காங்க்ரீட் கூடுகளுக்குள்
சில பறவைகள்..
வானமற்றதாகி விடுகிறது வாழ்க்கை.."

நிதர்சனம் பொட்டித்தெறிக்கும் ஆழமான சிறு வரிகள் மிகவும் அழகு.. வாழ்த்துக்கள்.. சூப்பருங்க