தொடருது 'போர்!' : இன்றாவது முடிவுக்கு வருமா? : அப்பாவிகளை உயிருடன் மீட்க கமாண்டோக்கள் முயற்சி

**சிவா** · **சிவா** Sat Nov 29, 2008 7:55 am

மும்பை : மும்பையில் தாஜ் மற்றும் டிரைடென்ட் ஓட்டல்களிலும், நாரிமன் ஹவுஸ் குடியிருப்புப் பகுதியிலும் பதுங்கிய பயங்கரவாதிகளை வெளியேற்ற பாதுகாப்புப் படையினர் தொடர்ந்து நேற்று மூன்றாவது நாளாக, "போர்' நடத்தினர். நேற்றிரவு வரை இரண்டு இடங்கள் மீட்கப்பட்டன. இரண்டு இடங்களிலும் தலா இரண்டு பயங்கரவாதிகள் சுட்டுக் கொல்லப்பட்டனர்; பலரின் உடல்கள் மீட்கப்பட்டன. பிணைக்கைதிகளாக பிடிபட்டிருந்த 100க்கும் மேற்பட்டோர் விடுவிக்கப்பட்டனர். தாஜ் ஓட்டலில் பதுங்கியுள்ள பயங்கரவாதியை மடக்க தாக்குதல் தொடர்கிறது; இந்த தாக்குதல் இன்றாவது முடிவுக்கு வருமா என்பது தெரியவில்லை.

தொடர்ந்து இரண்டு நாட்களாக நடத்திய சண்டைக்குப் பின், நேற்று மதியம் டிரைடென்ட் ஓட்டலை பாதுகாப்புப் படையினர் தங்களின் கட்டுப்பாட்டில் கொண்டு வந்தனர். அங்கிருந்த இரண்டு பயங்கரவாதிகளைக் கொன்றதோடு, சண்டையில் உயிரிழந்த ஆறு பேரின் உடல்களை மீட்டனர். ஏகே-47 துப்பாக்கி, கைத்துப்பாக்கி, வெடிக்காத கையெறி குண்டுகள் போன்ற வற்றையும் கைப்பற்றினர். வெடிக்காத குண்டுகளை செயலிழக்கச் செய்தனர். பயங்கரவாதிகள் யாரும் ஒளிந்துள்ளனரா என, ஒவ்வொரு அறையாகச் சென்று சோதனை நடத்தினர். டிரைடென்ட் ஓட்டலில் இருந்து மொத்தம் 30 சடலங்கள் மீட்கப்பட்டன. அதில், ஆறு பேர், புதன்கிழமை அன்றே பயங்கரவாதிகளால் கொல்லப்பட்டுள்ளனர். தாக்குதலில் இருந்து தப்பிக்க, மாடிப் படிக்குக் கீழே ஒளிய முற்பட்டபோது, பயங்கரவாதிகள் அவர்களைக் கொன்றுள்ளனர் என, மும்பை போலீஸ் கமிஷனர் ஹசன் காபூர் தெரிவித்தார். டிரைடென்ட் மற்றும் அதனுடன் இணைந்த ஓபராய் ஓட்டலில், மொத்தம் 868 அறைகள் உள்ளன என்பதால், அவை அனைத்திலும் சோதனை நடத்தப்பட்டு, பயங்கரவாதிகள் இல்லை என்பது உறுதி செய்யப்பட்டது.

தொடருது 'போர்!' : இன்றாவது முடிவுக்கு வருமா? : அப்பாவிகளை உயிருடன் மீட்க கமாண்டோக்கள் முயற்சி

தொடருது 'போர்!' : இன்றாவது முடிவுக்கு வருமா? : அப்பாவிகளை உயிருடன் மீட்க கமாண்டோக்கள் முயற்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக