2 மாதம் வீணாகி போனதால் பள்ளி மாணவர்களுக்கு காலாண்டு, அரையாண்டு விடுமுறை ரத்தாகும்:

தமிழ்நாட்டில் 1 முதல் 10-ம் வகுப்பு வரையில் அனைத்து மாணவர்களும் ஒரே கல்வியை பெற வேண்டும் என்பதற்காக சமச்சீர் கல்வி திட்டத்தை தி.மு.க. அரசு கொண்டு வந்தது.1 மற்றும் 6-ம் வகுப்புகளுக்கு கடந்த ஆண்டு இத் திட்டம் அமுல்படுத்தப்பட்டது. மற்ற வகுப்புகளுக்கு இந்த கல்வி ஆண்டு முதல் நடைமுறைப்படுத்த திட்டமிடப்பட்டு இருந்தது.

இதற்கிடையில் அ.தி.மு.க. அரசு பொறுப்பேற்றதை தொடர்ந்து சமச்சீர் கல்வி திட்டப்பாடங்கள் தரமில்லை எனக்கூறியது. அவற்றை மேம்படுத்தி அடுத்த ஆண்டு முதல் செயல்படுத்த முடிவு செய்தது. இந்த ஆண்டு பழைய பாடத்திட்டம் நடை முறைப்படுத்தப்படும் என அறிவித்தது.

ஆனால் சமச்சீர் கல்வி பாடத்திட்டத்தை இந்த ஆண்டு தொடர வேண்டும் என்று வழக்கு தொடரப்பட்டது. இந்த வழக்கு விசாரணை முடிவு சுப்ரீம் கோர்ட்டின் கையில் உள்ளது. இந்த வழக்கினால் பள்ளிக் கூடத்தில் எந்த பாடத்திட்டத்தை தொடருவது என்ற குழப்பம் ஆசிரியர்களிடம் ஏற்பட்டது.

மாணவ-மாணவிகளுக்கு பொதுவான பாடம் நடத்த அரசு அறிவித்தது. இதனால் மாணவர்கள் பள்ளிக்கு பாடப்புத்தகம் இல்லாமல் சென்று வருகிறார்கள். பள்ளி தொடங்கிய ஜூன் முதல் வாரத்தில் இருந்து இன்று வரை பாடம் எதுவும் நடத் தப்படவில்லை. இதில் 10-ம் வகுப்பு மாணவர்கள் பெரிதும் பாதிக்கப்பட்டனர்.

இவர்கள் ஏற்கனவே சமச்சீர் பாடத்தை விடுமுறை காலத்தில் படித்தனர். தற்போது பழைய பாடத்திட்டத்தையும் படித்து வருகிறார்கள். 10-ம் வகுப்பு மாணவர்களுக்கு எந்த பாடத்தை நடத்துவது என்று தெரியாமல் பள்ளிகள் குழம்பி வருகின்றன. பாடத்திட்டம் இல்லாமல் 2 மாதம் மாணவர்கள் பள்ளிக்கு சென்று வரும் நிலையில் செப்டம்பர் மாதம் நடக்கும் காலாண்டு தேர்வு எதிர்கொள்வது எப்படி? என தயக்கம் அடைந்துள்ளனர்.

இதனால் காலாண்டு தேர்வு தள்ளிப்போகும் நிலை உருவாகி உள்ளது. 10-ம் வகுப்பு பொது தேர்வு கூட மார்ச் மாதத்துக்கு பதில் ஏப்ரல் மாதம் தள்ளிப் போகும் எனத் தெரிகிறது.உரிய காலத்தில் மாணவர்களுக்கு பாடம் கற்பிக்க முடியாத சூழ்நிலை நிலவுவதால் வருகிற நாட்களில் அனைத்து சனிக்கிழமைகளிலும் வகுப்புகள் நடத்த பள்ளிகள் திட்டமிட்டு உள்ளன.

காலாண்டு, அரையாண்டு விடுமுறை நாட்களை ரத்து செய்து அந்த நாட்களிலும் வகுப்புகளை நடத்தி பாதிப்பை சரி செய்ய முடிவு செய்து இருப்பதாக தெரிகிறது. இந்த ஆண்டே சமச்சீர் பாடத்திட்டத்தை பின்பற்ற வேண்டும் என்று கோர்ட்டு உத்தரவிட்டால் 10-ம் வகுப்பு மாணவர்களுக்கு பெரும் சிரமம் ஏற்படும்.

புதிய பாடத்திட்டம் பற்றி ஆசிரியர்களுக்கு தெரியாது. அவர்கள் அதை தெரிந்து கொண்டு மாணவர்களுக்கு விளக்கவேண்டும். இதனால் ஆசிரியர்களுக்கு கூடுதல் சுமையும், மன உளைச்சலும் ஏற்படும். குறுகிய காலத்தில் பாடங்களை மாணவர்களுக்கு போதிக்க வேண்டிய கட்டாயம் ஏற்படும்

இன்னும் கொஞ்சம் காலம் தாழ்த்தினால் அப்படியே பசங்க முழு ஆண்டு தேர்வு எழுதாம அடுத்த வகுப்புக்கு பாஸ் ஆகி சென்று விடுவார்கள்

தரமற்ற சும்மாச்சீர் கல்வித்திட்டத்தை கொண்டு வந்து சொதப்பிய திமுக வின் ஆங்கார வழக்கீட்டால் இத்தகு நிலை ஏற்பட்டதை எத்தனை பேர் உணரப்போகிறார்கள் என்பது தெரியவில்லை.!

kitcha wrote:இன்னும் கொஞ்சம் காலம் தாழ்த்தினால் அப்படியே பசங்க முழு ஆண்டு தேர்வு எழுதாம அடுத்த வகுப்புக்கு பாஸ் ஆகி சென்று விடுவார்கள்