ஆயிரத்தில் ஒருவன் சிவன் கோவிலுக்காக சண்டையிடும் இரண்டு நாடுகள் ?

தாமு · தாமு Fri Jul 22, 2011 8:16 am

First topic message reminder :

தாய்லாந்து, கம்போடியா எல்லையில் சிவன் கோவிலைச் சுற்றி நிறுத்தப்பட்டுள்ள
ராணுவத்தினரை வாபஸ் பெற போதிய அவகாசம் வேண்டும் என்று தாய்லாந்து பிரதமர் அபிசிட் வெஜ்ஜாஜிவா கூறியுள்ளார்.

தாய்லாந்து, கம்போடியா எல்லையில் 11ம் நூற்றாண்டைச் சேர்ந்த சிவன் கோவில் உள்ளது. இக்கோவில் உலக புராதனச் சின்னமாக 2008ம் ஆண்டில் அறிவிக்கப்பட்டது.

இதையடுத்து இக்கோவிலை தாய்லாந்து மற்றும் கம்போடியா நாடுகள் உரிமை கொண்டாடின. கோவிலுக்குள் நுழைந்த தாய்லாந்து நாட்டைச் சேர்ந்த மூவரை கம்போடியா கைது செய்தது.

இதையடுத்து தாய்லாந்து 400க்கும் மேற்பட்ட ராணுவ வீரர்களை அனுப்பி கோவிலைச் சுற்றி பாதுகாப்புக்கு நிறுத்தியது. இதைத் தொடர்ந்து இரு தரப்பினருக்கும் இடையே வெடிகுண்டு வீச்சு, துப்பாக்கிச் சூடு நடந்ததில் 28 பேர் பலியானது தெற்காசியாவில் மிகுந்த பதட்டத்தை ஏற்படுத்தியது.

இப்பிரச்னை தொடர்பாக ஹேக்கில் உள்ள சர்வதேச கோர்ட்டை கம்போடியா நாடியது. விசாரணை மேற்கொண்ட சர்வதேச கோர்ட்,"இரு நாட்டு எல்லைகளிலும் இருந்து ராணுவத்தை வாபஸ் பெற வேண்டும்" என்று உத்தரவிட்டது.

இதுகுறித்து தாய்லாந்து பிரதமர் அபிசிட் வெஜ்ஜாஜிவா தலைநகர் பாங்காக்கில் அளித்த பேட்டியில் கூறியதாவது: இந்த உத்தரவு குறித்து புதிய அரசு தான் முடிவு செய்ய வேண்டும். கோர்ட் உத்தரவு எங்கள் நாட்டு இறையாண்மையை பாதிக்காது.

ஆனால் இந்த உத்தரவு குறித்து புதிய அரசுக்கு பரிமாற்றம் செய்யவும் எங்களுக்கு போதிய கால அவகாசம் தேவை. எல்லையில் முகாமிட்டிருக்கும் 40 ஆயிரம் ராணுவ வீரர்களை கம்போடியா வாபஸ் பெற வேண்டும். எங்களது வீரர்கள் குறைந்தளவில் மட்டுமே முகாமிட்டுள்ளனர்.

தாய்லாந்து நாட்டில் புதிய பிரதமராக பியூ தாய் கட்சி பதவியேற்கவில்லை. இக்கோவில் கம்போடியாவுக்கு சொந்தம் என்றும், அதைச் சுற்றியுள்ள நிலம் தாய்லாந்து நாட்டிற்கு சொந்தம் என்றும் 1962ம் ஆண்டில் சர்வதேச கோர்ட் தீர்ப்பளித்துள்ளது குறிப்பிடத்தக்கது.

viedo

https://www.youtube.com/watch?feature=player_embedded&v=OzR8lFXigko

ரஞ்சித் · ரஞ்சித் Fri Jul 22, 2011 5:50 pm

ரா.ரமேஷ்குமார் wrote:
இராஜேந்திர சோழன் காலத்தில் சோழநாடு. கி.பி 1030
அதனால் அந்த கோவில் அவர்கள் இருவருக்கும் சொந்தம் இல்லை நமக்கு தான் சொந்தம்...

வாங்க வத்திய தேவரே புதுசா ஏதோ வத்தி வைக்கறிங்க அருமையிருக்கு

kitcha · kitcha Fri Jul 22, 2011 5:59 pm

ரா.ரமேஷ்குமார் wrote:தஞ்சை பெரிய கோவில் கட்டி 10 நூற்றாண்டுகள் ஆகி விட்டது தற்போது நடந்து கொண்டிருப்பது இருபத்தி ஒன்றாம் நூற்றாண்டு அப்படி என்றால் இந்த கோவிலை கட்டியது சோழ மன்னர்களில் ஒருவராக இருக்கலாம் அந்த சமயங்களில் சோழ தேசத்தின் எல்லை பரவி இருந்தது குறிப்பாக இராஜேந்திர சோழரின் காலம்...
இராஜேந்திர சோழன் காலத்தில் சோழநாடு. கி.பி 1030
அதனால் அந்த கோவில் அவர்கள் இருவருக்கும் சொந்தம் இல்லை நமக்கு தான் சொந்தம்...

சத்தமாக பேசாதிங்க, நம்ம அழகிரி, வீரபாண்டியார் ......இவங்க காதில விழுந்துடப் போகிறது ..பின் அந்த கோவிலை பட்டா போட்டு அந்த கம்போடியவிற்கே வித்தாலும் வித்துருவாங்க

**ரா.ரமேஷ்குமார்** · 23/01/2011

உரிமை தானே அண்ணா நாமும் கொண்டாடுவோம் இராஜேந்திர சோழர் காலத்தில் சோழ தேசத்தின் எல்லை பரவி இருந்தது அதுவும் சிவன் கோவில் என்று சொல்லுகிறார்கள் கோவிலின் வடிவமைப்பு கருங்கற்கள் கட்டப்பட்டிறிக்கிறது சைவ சமயத்தின் மேல் சோழர்கள் அதிக பற்று வைத்திருந்தார்கள் என்பதை நாம் தசவதாரம் படத்தின் ஆரம்ப காட்சியின் மூலம் எளிதில் அறிந்து கொள்ள முடியும் அதனால் தான் அண்ணா ஒரு வேளை அந்த கோவில் நமக்கு சொந்தமுடையதாக இருக்கலாமோ என்ற எண்ணம் தான்... சிரி

**சிவா** · **சிவா** Fri Jul 22, 2011 6:03 pm

அங்கோர் வாட் ஆலயம் சூரியவர்மன் அரசனால் கி.பி 12-ஆம் நூற்றாண்டில் கட்டப்பட்டதாகும்.

ஆங்கோர் வாட் ஆலயம் (Anghor Wat) கம்போடியா!
http://www.eegarai.net/t4962-anghor-wat