சொரிமுத்து அய்யனார் கோயிலில் கலெக்டர் ஆய்வு

**சிவா** · **சிவா** Fri Jul 22, 2011 5:29 am

விக்கிரமசிங்கபுரம் : காரையார் சொரிமுத்து அய்யனார் கோயிலில் பக்தர்களுக்கு தேவையான அடிப்படை வசதிகள் செய்து கொடுப்பது குறித்து மாவட்ட கலெக்டர் நடராஜன் பல்வேறு துறை அதிகாரிகளுடன் நேற்று ஆய்வு செய்தார்.

காரையார் காணிக்குடியிருப்பு சொரிமுத்து அய்யனார் கோயில் ஆடி அமாவாசை திருவிழா வரும் 30ம் தேதி நடக்கிறது. மாவட்டத்தில் பிரசித்தி பெற்ற கோயில் திருவிழா என்பதால் பல்வேறு ஊர்களிலிருந்து பக்தர்கள் கோயிலுக்கு வந்து பொங்கலிட்டு சுவாமி தரிசனம் செய்வர். இதனால் பக்தர்களுக்கு தேவையான அடிப்படை வசதிகள் செய்து கொடுக்க மாவட்ட நிர்வாகம் முடிவெடுத்தது. இதனால் நேற்று மாவட்ட கலெக்டர் நடராஜன் காரையார் சொரிமுத்து அய்யனார் கோயிலுக்கு வந்தார்.

அங்கு மாவட்ட திட்ட அலுவலர் சங்கர், மாவட்ட வருவாய் அலுவலர் ரமணசரஸ்வதி, சேரை., ஆர்டிஓ கருணாகரன், நெல்லை சுகாதார பணிகள் துணை இயக்குநர் மீரான் முகைதீன், வட்டார சுகாதார மேற்பார்வையாளர் விநாயகமூர்த்தி, புலிகள் காப்பகம் துணை இயக்குநர் வெங்கடேஷ், அம்பை தாசில்தார் சுப்பிரமணியன், நிர்வாக அதிகாரி முருகன், பாபநாசம் அணை நிர்வாக பொறியாளர் சந்தானக்குமார், பாபநாசம் அரசு போக்குவரத்து கழக மேலாளர் அருணாசலம், விக்கிரமசிங்கபுரம் நகராட்சி சுகாதார ஆய்வாளர் ஆரியங்காவு, பாபநாசம் சூழல் மேம்பாட்டு திட்ட உதவி வன உயிரினக்காப்பாளர் இளங்கோ மற்றும் அதிகாரிகள் பலருடன் பக்தர்களுக்கு தேவையான அடிப்படை வசதிகள் குறித்து பேசி கலெக்டர் ஆய்வு செய்தார்.

பின்னர் நிருபர்களிடம் கலெக்டர் கூறியதாவது:- ""பல லட்சம் ரூபாய் செலவு செய்யப்பட்டு பக்தர்களுக்கு தேவையான அடிப்படை வசதிகள் இங்கு செய்து கொடுக்கப்பட இருக்கிறது. பக்தர்கள் ஆற்றில் குளிப்பதற்கு பாதுகாப்பு வசதிகள் செய்து கொடுப்பது தொடர்பாக ஆழம் அதிகமான பகுதிகளில் தடுப்பு கம்பிகள் அமைக்கப்படும். சுகாதாரத்தை பேணிக்காப்பதற்காக நூற்றுக்கணக்கில் கோயிலை சுற்றியுள்ள வனப்பகுதியில் கழிப்பறைகள் கட்டி கொடுக்கப்படும்.

24 மணிநேரமும் தீயணைப்பு துறையினர் பணிபுரிந்து வருவர். அரசு ஆஸ்பத்திரியிலிருந்து பக்தர்களுக்கு தேவையான சிகிச்சைகள் அளித்திட அரசு ஆஸ்பத்திரி ஊழியர்கள் தயாராக இருப்பர். சுகாதாரத்தை கருத்தில் கொண்டு ஆடு வெட்ட வருவோர்களுக்கு தனி இடம் ஒன்று அமைத்து கொடுக்கப்படும். மேலும் சிறப்பான போக்குவரத்திற்கு ஏற்பாடு செய்யப்பட்டுள்ளது. முண்டந்துறை ஆற்றுப்பாலத்திலும் தடுப்பு கம்பிகள் அமைக்கப்படும்'' என்றார்.

தினமலர்

தாமு · தாமு Fri Jul 22, 2011 5:31 am

24 மணிநேரமும் தீயணைப்பு துறையினர் பணிபுரிந்து வருவர். அரசு ஆஸ்பத்திரியிலிருந்து பக்தர்களுக்கு தேவையான சிகிச்சைகள் அளித்திட அரசு ஆஸ்பத்திரி ஊழியர்கள் தயாராக இருப்பர்.

மகிழ்ச்சி

kitcha · kitcha Fri Jul 22, 2011 10:11 am

இதனால் பக்தர்களுக்கு தேவையான அடிப்படை வசதிகள் செய்து கொடுக்க மாவட்ட நிர்வாகம் முடிவெடுத்தது. இதனால் நேற்று மாவட்ட கலெக்டர் நடராஜன் காரையார் சொரிமுத்து அய்யனார் கோயிலுக்கு வந்தார்.

இதே போல் அடிப்படை வசதிகள்,எத்தனையோ பள்ளிக் கூடங்களிலும், அரசு மற்றும் தனியார் விடுதிகளிலும் இல்லை.இதே போல் கலெக்டர் ஆய்வு செய்து நடவடிக்கை எடுத்தால் நன்று.

கோவிலில் வருமானம் வரும் - விடுதியில் என்ன வரும் --------------