என்றும் இருப்பவள் எவள்?

மஹாகவி பாரதியார் ஒரு நேர்மையான பத்திரிகையாளர்.ஒரே நபரை நற்செயல் நற்சிந்தனைகளுக்காகப் புகழவும் செய்வார். அதேசமயத்தில் விமர்சனம் தேவை என்றால் தயங்காமல் விமர்சனமும் செய்வார்.அதில் அவர் தாரதம்யம் எல்லாம் பார்த்ததில்லை.

ஒரு நவராத்திரியின் போது காஞ்சி சங்கர மடத்தில் இருந்து பாரதியார் உதவி ஆசிரியராக இருந்த சுதேசமித்திரன் நாளிதழுக்கு ஒரு தந்தி சென்றது.

அந்த தந்தியில் காஞ்சி மடத்தில் நவராத்திரி உற்சவம் கொண்டாடப்போவதாகவும், அதில் ஒவ்வொரு நாளும் நடைப் பெறப்போகும் நிகழ்ச்சிகளைப் பற்றியும் விரிவாகச் சொல்லப்பட்டு இருந்தது. அந்த நிகழ்ச்சிநிரலை சுதேசமித்திரனில் வெளியிட்டு மக்களுக்குத் தகவல் போய் சேரும் வண்ணம் செய்ய வேண்டுகோளும் இருந்தது.

அந்த‌த் த‌ந்திம‌ட‌ல் துவ‌ங்கும் போது இந்த‌ வாச‌க‌ங்க‌ளுட‌ன் துவ‌ங்கிய‌து:

'ந‌‌வ‌ராத்திரிவிழா தேவி அவ‌தார‌ம் செய்த‌ நாள்முத‌லே கொண்டாட‌ப்ப‌ட்டு வ‌ருகிற‌து.....'

பார‌தியார் இந்த‌க் க‌ருத்தை விம‌ர்சித்து இருக்கிறார்.

'விய‌வ‌ஹார‌த் த‌ந்தியில் ஆன்மீக‌ விஷ‌ய‌த்தை அனுப்பிய‌து ஒரு அதிச‌ய‌ம்தான்.ந‌வ‌ராத்திரை விழா கொண்டாட‌ட‌ப்ப‌டுவ‌து ச‌ந்தோஷ‌மே.ஆனால் 'தேவி அவ‌தார‌ம் செய்த‌ நாள் முத‌லே' என்று சொல்லியுள்ள‌துதான் ச‌ரியில்லை.தேவி என்றும் இருப்ப‌வ‌ள் ஆயிற்றே!அவ‌ள் எப்போது பிற‌க்கிறாள்?அல்ல‌து அவ‌தார‌ம் செய்கிறாள்?...' என்ப‌துபோல‌ எழுதியுள்ளார்.

தான் ச‌ரியென்று நினைப்ப‌தைத் துணிந்து எழுதும் எழுத்தாள‌ர் ம‌ஹாக‌வி பார‌தியார். முக‌ஸ்துதி செய்வ‌தை அற‌வே வெறுத்தார். எட்ட‌ய‌புர‌ம் அர‌ச‌ருக்குப் பொருள் வேண்டி சீட்டுக்க‌வி எழுதினாரே என்று கேட்க‌லாம். அதிலும் கூட‌ 'நீர் புவிராஜ‌ன்' என்றால் 'நான் க‌விராஜ‌ன்' என்று பெருமித‌ம் கொப்ப‌ளிக்க‌வே எழுதுவார் பார‌தியார்.

த‌ன் இறுதிக் கால‌த்தில் ம‌ஹாத்மா காந்திஜியைப் புரிந்து கொண்டு காந்தி யுக‌த்திற்குக் க‌ட்டிய‌ம் கூறிய‌ ம‌ஹாக‌வி, காந்திஜியின் ஒரு ச‌மூக‌க் க‌ருத்துக்கு மாற்றுக் கூறினார்.

ம‌ஹாத்மா காந்திஜி 'பெண் வித‌வைக‌ள் அதிக‌ம் ஆவ‌த‌ற்குக் கார‌ண‌ம் வ‌ய‌தான‌ ஆண் வித‌வைக‌ள் வ‌ய‌தில் மிக‌க்குறைந்த‌ பெண்க‌ளைத் இர‌ண்டாம் திரும‌ண‌ம் செய்வ‌துதான்' என்று எண்ணி 'ஆண்க‌ள் ந‌டுவ‌ய‌திற்குப் பின்ன‌ர் ம‌றும‌ண‌ம் செய்வ‌தைத்த‌டை செய்ய‌ வேண்டும்' என்று க‌ருத்துச் சொன்னார்.

ம‌ஹாக‌வி பார‌தியார் மாஹாத்‌மாவுட‌ன் ஒத்துப் போக‌வில்லை.

'ப‌லே,பேஷ்!பெண் வித‌வைக‌ளின் எண்ணிக்கையை குறைக்க‌ வ‌ழிகேட்டால் ஆண் வித‌வைக‌ளின் எண்ணிக்கையை அதிக‌ப்ப‌டுத்த‌ வ‌ழிசொல்கிறார் காந்தி. ச‌ம‌வ‌ய‌துள்ள‌ ஆண் பெண் வித‌வைக‌ள் ஒருவ‌ருக்கு ஒருவ‌ர் ம‌றும‌ண‌ம் செய்துகொள்வ‌தே ச‌ரியான‌ தீர்வாகும் ...'

இப்ப‌டி பார‌தியார் ஒரு திற‌ந்த‌ புத்த‌க‌மாக‌வே விள‌ங்கினார். விம‌ர்ச‌ன‌த்தையும் நாக‌ரீக‌மாக‌வே செய்வார்.

வாழ்க‌ பார‌தியின் புக‌ழ்!