முகம் முளைத்த நிலவு (இன்றைய இரவுச் சிதறல்)

உயிர்
************
எரிந்த சிகரெட்
உதிர்க்கும் சாம்பலில்
உயிரும் கொஞ்சம்.
********************************

முதியோர் இல்லம்
******************
தவம்+வரம்=சாபம்

***********************************

இறந்தாலும்
இமைக்கும் கண்
தானத்தில்.
**********************************

கண்ணில் பட்டாம் பூச்சிகள்
நடக்கிறது
நந்தவனம்.
*********************************
மேகம் அழுகிறது
மழையாய்
கருப்பாய் இருப்பதால்.
*********************************
காகிதப் பூவில் தேனி
எதை உறிஞ்சும்?
***************************
சூரியன் சுட்டதால்
கருப்பானது
இரவின் வானம்.
***************************
பிச்சை சோற்றில்
இருக்குமா
அன்பு ?
****************************
கூண்டுக்கிளி பார்க்கிறது
விதிச் சீட்டை..
எப்போது விடுதலை?
***************************
வார்த்தைகள்
காயங்கள்..
கவிதைக்கு.
***************************
புரியாத மொழியில் பிரார்த்தனை..
கடவுளும், மனிதனும்
சிலையாய்.
**************************
வெளிச்சத்தில்
திருடு போனது
நிழல்.
******************************
அறியப் படாத எழுத்து
வழிகிறது கண்ணீராய்..
இரண்டு விழிகளில்.
***************************
வயிற்று நெருப்பில் எரிகிறது
மத்தாப்பு அடுக்கிய
தீக்குச்சிகள்.
******************************
திறந்த ஜன்னல்
நுழைகிறது
முகம் முளைத்த நிலவு.
*******************************
நிறையப் பூக்கள்
செடியின் சுவாசம்
வாசனையாய்.
*****************************
கலையும்
தெளியும்
நீரின் நிலவு.
**************************
கனவுகள்
ஏறலாம்
கால்களும் வேண்டும்.
***************************
மனிதர்கள்
மனிதர்களாய்
கடவுளைக் கண்டு பிடிக்கும் வரை.
****************************

ஹைக்கூவும், கவிதையும் கலந்து பின்னிவிட்டீர்கள் ரமேஷ்!

உயிருள்ள கவிதைகள்..
கவிஞனின் வரிகள் துள்ளித் துள்ளி உள்ளத்தின் உள்ளே சென்று ஊடுருவுகிறது. வித்தியாசமான சிந்தனை விரைந்து முடியும் இறுதி வரியில் உயிரை கவ்வும் ஒரு ஆயிரம் அர்த்தம் உள்ளடக்கிய வாமன வார்த்தைகள்...
புதிய பரவசம்///
நன்றி ரமேஷ்..

ரொம்பவும் நன்றி! சிவா சார்.
ரொம்பவும் நன்றி! அப்துல்லாஹ் சார்.

ரொம்பவும் நன்றி! செய்தாலி.

கூண்டுக்கிளி பார்க்கிறது
விதிச் சீட்டை..
எப்போது விடுதலை?

நச் வரிகள்.

அசத்தல் ரமேஷ அசத்தல்..!

ரொம்பவும் நன்றி! கிட்சா.
ரொம்பவும் நன்றி! கலை.